Iburu 11:3 - Vato Vari Vakameka Voru Ia Batu Ne

³ I sauna vaogoto ita qata vaogote go seko ia God i vazaria go kolabana pua ne. God i vazazua pataro qatiki mazala go kaega mia na, go tina zazu ne zego pataro qata mia go.

Iburu 11:3 Iomraidhean Croise

Tarama Velaka Ia Jesu Kristo I Karo Go Jon 1:3

Mana de ikoego to ‘Seko’ dena, God i vazaria go osina pata i koego kolabana pua dena.

Zazu Ria Apostoloro 14:15

“Ramu, avigo tane qamu vele zazu ne go komakoma dena? Raru qaru basoe gere qamu so ramu! Raru qaru lama, go taruna sine vasadake Tarama Velaka ia God, go tamuna tarua go vazaka na pata volovolomo ro nae, mana vazaka God ni too sivala go, ni vazaria go rani, pua, masi, mana osina pataro ikoego loborona.

Zazu Ria Apostoloro 17:24

God i vazaria vudu pua mana osina pata iri koego loborona. I Batu ne rani mana pua mana iki koe kaega Pade Lotu izazu ne go basoe.

Leta Ia Pol I Karo Ne Qira Basoero Na Rom 4:17

gerena i sine go Buka tabo ne, “Era qa vine go aro tono tamaqira sinaqe topu ro ne.” Iago pui dena i nadu banae de ikoe go God ni vaogote go Abra-am. God dena to i vatoo me qira go vano iri le bana go, mana seko mazala ia i vazari me pataro iriki ko banae go kaega vudu pua.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Kameka Timoti 4:5

tanego seko ia God, mana pepene ro ita, God tina va tabo osina to pata.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 6:5

iri lete rove bana seko ia God i lete velaka, mana iri gatarove bana karaputa ia tina lama miasoka go osina ro pata ne.

Karua Pita 3:5

Ria iriki soko to kaega sine vasadakena pata ogoto dena. Loborona so seko ia God, rani mana pua i zari me ṉalu bana sivala me. Mana vudu pua iza sadaka me so loborona loka.

Revaleson 4:11

“Ke God mana Batu remu, aro qo vazaria go osina pata i koego kolabana pua ne, mana aro qo teke ne too osina ro pata, tanego iato nae pata qo soko go aro. Iago i tora remu timuna teke nigo aro vazaka, karaputa menomeno go.”