Iburu 1:2 - Vato Vari Vakameka Voru Ia Batu Ne

² Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Iburu 1:2 Iomraidhean Croise

Matiu 13:39

Mana basoe vari kanae i leba go seuseu sakata ne, Satana. Ṉalu vuiti i ṉara go, iato ṉalu musaqara muzimuzi, mana vano tarina vaego urena vuiti ne ria to aqeloro ne.

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 21:38

Do ṉalu vano iri vazazua go barue ne, iri miasoba zaqe sale ia valeke ne, iri vari sine ne tanuqira, ‘Iato nae sale ogoto ia valeke i toṉove go barue ne, aria mata vae vale ia, go mata toṉove patapata ro ia ne!’

Matiu 26:63

Do Jesu i duduli so, gonae batu lavata ria patere ro ne i sine napu ne ia, “Qa odo odo nigoe to vitoṉona God i too osina ṉalu, ono sine me pata ogoto, avigo aro to qo Mesia ni Tuna go God?”

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Matiu 3:17

Mana kakia seko i reqeme tepa rani ne igo, “Iadena to Sale valeke era qa lete mamaligara ne, mana qa lete kula ne go.”

Maka 1:1

Iato dena vatupiana na Tarama Velaka sauna Jesu Kristo Tuna God,

Maka 12:6

Gonae valeke ne kameka mine na basoe iko sivala go tina vazao go, i sale ia to tanuna. ‘Ṉalu i vazao go, ia i nanao ria tarina vamazale sale ia,’ igo.

Maka 12:7

Do ṉalu sale ia iza go, ria iri vari sine ne, iri go, ‘Iato dena sale valeke ogoto ia batu ne. Aria mata vae vale ia go tatana tonovo lupo go pata pataro ia dena!’

Tarama Velaka Ia Jesu Kristo I Karo Go Jon 1:10

‘Seko ne’ i koe kolabana pua ne, mana loborona to ia, God i vazari ze go kolabana pua ne, do kolabana pua dena iki mia rove kaega ia.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:3

Mana de ikoego to ‘Seko’ dena, God i vazaria go osina pata i koego kolabana pua dena.

Tarama Velaka Ia Jesu Kristo I Karo Go Jon 13:3

Jesu i rove, osina karaputa, Tamana iteke lupo ne ia, mana irove napua, tanuna ireqe me de ikoego God, mana tina ule napu za de ikoego God go.

Tarama Velaka Ia Jesu Kristo I Karo Go Jon 13:32

Mana ṉalu iri vazaka ze God sauna Tuna basoe ne, tanuna God do tina vazaka napua ia, mana tina vazaka ia nini de go.

Tarama Velaka Ia Jesu Kristo I Karo Go Jon 15:15

Ninidena qaki koru qamue kaega vano seka, tanego basoe seka iki rove kaega pata i zazu ne go batu ia. Era ne qa koru qamue vakitaka ro era, tanego osina pata ro qa gata ze go Mamae, qa sine lupo ne qamu.

Tarama Velaka Ia Jesu Kristo I Karo Go Jon 16:15

Osina pata itoṉove go Mamae, i ke era, iato go qa sine go, Spirit tabo tina pala pata qa sine go era mana tina sine ne qamu ramu go.”

Tarama Velaka Ia Jesu Kristo I Karo Go Jon 17:2

Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 3:25

Gonae disipoloro ia Jon na bapitema iri vari valegue de iri koego vano Jiu, de go saboro vadalo velaka na tokama.

Tarama Velaka Ia Jesu Kristo I Karo Go Jon 5:26

De ikoego Mamae i reqe mego too ogoto, gerena napu so Tuna i reqe me too ogoto.

Tarama Velaka Ia Jesu Kristo I Karo Go Jon 5:27

Mana i tekene karaputa Tuna go tina zazu ne varitanae de iri koego basoero ne, tanego iato i Tuna go Basoe ne.

Tarama Velaka Ia Jesu Kristo I Karo Go Jon 9:29

Remu qi rove, God i seko tabe Mosese, do valeke nae, remu qiki rove kaega kade i reqe go!”

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Zazu Ria Apostoloro 2:17

God igo, ‘Ia dena to pata tuna zazu ne go era musaqara muzi. Era tuna zele ze Spirit era de iri koego basoero topu. Sale valekero mana sale qolero ramu tarina sine vasadake seko era. Valekero voru ramu tarina miadua mana vano kazigarata ramu tarina poro kukureka.

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Kameka Korinti 8:6

do i kameka minena so God Tamaqita iva zaria go osina ro pata mana ita qata too e loborona ia. I ko ne qita kameka so Batu Jesu Kristo, loborona ia topu pata i zari me, mana loborona ia, ita qata too e go.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Epesus 1:10

Nanao dena tina lama vaogoto ze to ṉalu musaqara na ne. Iato tina teṉo lupo qira osina pataro i vazari zego.

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Iburu 1:5

Iato go kaega kaki ṉalu God i sine ne kakia aqelo ro ia, “Aro qo Sale era; Ninidena to, era qa Tamamu aro.” Ba kaega kaki ṉalu, God i sine ne kakia aqelo ia, “Era tuna Tamana ia, mana ia, tina Sale era.”

Iburu 1:8

Sauna Sale ia, God igo, “Ke God, de ikoego vari miasoka aro tina ko sivala osina ṉalu topu ro! Aro qo kenaqa mana vatovato ne qira basoero aro loborona totoloṉo.

Iburu 11:3

I sauna vaogoto ita qata vaogote go seko ia God i vazaria go kolabana pua ne. God i vazazua pataro qatiki mazala go kaega mia na, go tina zazu ne zego pataro qata mia go.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Iburu 5:8

Do patavolomo Jesu i tuna go God ia i pala vokara, mana loborona to vokara dena to i varove ze ia de go vaogote na God.

Iburu 7:28

Tamana ia Mosese i vine qira basoero so iri mazala go batu patere, vano i kaega ne qira karaputa mana iri mazala so vasakata pata go, do pui ia God i lulua go odo odo ia tanuna i lama doka go taramuzina Tamana ia Mosese, i vine Sale ia, iato i dalo bana mana ko totoloṉo osina ṉalu.

Iburu 7:3

I kaega kaki karo loborona Buka tabo ne i vasadaka ne qita tamana ba sinana Melkizadek, sinaqe ia, ṉalu i podo ba ṉalu i le go. Ia i gere so Sale ia God, zazu patere ia iki rove kaega lupo go.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Karua Pita 3:3

Pata kenaqa, ramu muna nanao tarua ṉalu musaqara muzimuzi tina za sadaka me, kavia ro basoe iri too ego soko na vasakatena tokama qira, tarina va kari ne qamu.

Judi 1:18

Iri vane qamu dena, “Tarakenaqa na go tinara lama doka go musaqara muzimuzi, basoero ne tarina vakari ne qamu mana ria tarina lulua so nanao sakata ro ni soko go nanao qira, ba tepa ia God ikaega e to de iri koego.”