Zefaniya 3:20 - Emakhuwa Bible

²⁰ Ehuhuweene yeeyo, Miyo kinimoothukumanyihani; ehuhuweene yeeyo, Miyo kinimoohokoloxerani owaani. Miyo kinimoovahani nttittimiho ni ovuwa eriyari ya miloko sootheene sa mulaponi, kaarehereraka oreeriwawanyu vamaithoniwanyu,” oneera Yave.

Zefaniya 3:20 Iomraidhean Croise

Icipo 35:6

Ephirowaaya ekhaleke yoowiilihana ni yootherera, ndyelo a Yave aattharattharaka.

Yesaya 56:5

wa yaawo kinimwaavaha Mpaanimwaka ni ixirisaya eyuupuxero ni nsina nooreerela waapwaha anamwane asilopwana ni asithiyana. Kinimwaavaha nsina noohimala nneera nihicipihiwe.

Yesaya 56:8

Yave onlamula sootheene, Yoowo onaathukumanyiha anamatthukiwa a oYixrayeli onghima: “Kinimwaathukumanyihatho akina yaathukumanyihiwe.”

Yesaya 60:15

Naari muhiiwaka ni muthanyiwaka ahikhalaka ontthuna oviraviramo, kinimookhalihani ovuwa woohimala ni ohakalala wa ikhapira sootheene.

Yesaya 61:9

Ikhapirasaya sinoosuweliwa eriyari ya miloko ni anamwanaaya eriyari ya amalapo. Ootheene eniiwoone animwaakhulela weera awosa ti atthu ooreelihiwa ni Yave.

Yesaya 62:12

Awosa animwiitthaniwa muloko wootteela; oowoopoliwa ni Yave, ni nyuwo munimwiitthaniwa ootthuneya, Esidade Yoohithaamiwa.

Yesaya 62:7

ni muhimutthunihere Yoowo wiitthuuwa mpaka Owo aneeraawe amutekihe Yerusaleemu mutatuxaka yeeyo ottottopela wa elapo ya vathi.

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 33:9

Vano esidade ela enookivaha epili, ohakalala, ottottopela ni ovuwa, ohoolo wa miloko sootheene sa mulaponi sineera siiwe sa mipuha sootheene kimpakelaaka. Ni seiyo sinoosareya woova sithukumelaka niwoko na onnene otokotoko ni murettele kimvahaaka oYerusaleemu.’

Ezekiyeli 16:53

Wa soothesene, Miyo kinooreherera oreereliwa wa Sodoma ni wa anamwanaawe asithiyana, ni wa Samariya vamoha ni anamwanaawe asithiyana nitho oreereliwawanyu vamoha ni yaawosa,

Ezekiyeli 28:25

“ ‘Yave onlamula sootheene oneera ha: Kaathukumanyihaka aYixrayeli eriyari ya miloko mwa seiyo amwaraxeliwaaya, Miyo kinimwiixoonihera Ootteela eriyaraaya vamaithoni wa miloko. Hiiho awosa anookhalasa mulaponimwaya xaxaxa, mwa yeeyo kaamvanghaaka murumeiyaaka Yakobe.

Ezekiyeli 34:16

Kinimwaasaasa sooriheya, kihokoloxeke soothweelela. Kinootthuka sineera sivulale kilipihereke yoohilipalipa, vaheera sooneneva ni soolipa, kinoophwata. Kinoociha muhuwo moororomeleyani.

Ezekiyeli 37:12

Tivawo, muthalihere otthuna wa Muluku ni ngweerele weera Yave onlamula sootheene oneera ha: Ii! Mulokwaaka, kinimuuhula mahiyaanyu, kikhumihekemo; kinoohokoloxera mulaponi mwa oYixrayeli.

Ezekiyeli 37:21

ni mwaaleelase weera Yave onlamula sootheene, oneera ha: Kinimwaakhumiha aYixrayeli mmilokoni arongwaayamo. Kinimwaathukumanyihasa mmapuroni moothemwene yaarukureenre, kaahokoloxereke mulaponimwaya.

Ezekiyeli 39:13

Muloko wootheene wa mulaponi onimwaavitha, ni vanihukuni kineeraaka kivuwihiwe nnimwaakhalela nihuku noowuupuwelela, onghima Yave onlamula sootheene.

Ezekiyeli 39:28

Hiiho, awosa anoosuwela weera Miyo ti Yave, Mulukwaaya, niwoko kaarimwaarumihelaru wootthukiwani elapo ekina eriyari ya miloko, Miyo kinimwaathukumanyiha mulaponimwaya, kihimuhiyakaru ottuli naari mmoha a yaawosa.

Yoweli 3:1

“Mmahukuni awo ni mweehuhuweene yeeyo, Miyo kaareereliwaka oYuda ni oYerusaleemu,

Amosi 9:14

Kinimwaahokoloxa aYixrayeli, mulokwaaka oronghiwe wootthukiwani; awosa anoorasela isidade sooheleya nthala ni mmo anookhalamo. Anoophatteya imatta sa iwuuva*, ewureke eviinyuwaaya; anoolima woophatteyamo nyiri eceeke soowiimasaya.

Mikeyasi 2:12

“Ii! Yakobe, vekhaikhai kinimoothukumanyihasani ootheene nyuwo, aani, kinimwaathukumanyiha oohalahala a oYixrayeli. Miyo kinimwaathukumanyiha ntoko ikhondoolo sireene munikhoolani, aani ntoko muhuwo oreene muncihiwa; awosa animwaatta moota wooweera onookhala onyakuleleya wa nakupa owo.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Zefaniya 2:7

Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa.

Zefaniya 3:19

Ehuhuweene yeeyo, kinimwaapakela kintthunaaka yaawo yoohasunleni; kinoowoopola ooheetta, kaathukumanyiheke yaawo amwareiye. Kinoopakiha weera etthapeliwe ni ettittimihiwe mulaponi moothemwene yuulihihiwaayamo muru.

Zakariya 8:13

Ii! Yuda ni Yixrayeli, mooteene yoowo mwaalaphiwaanyu variyari wa miloko, hiihotho Miyo kinimoovuluxani ni munookhala nreeliho. Muhoove ni mukhale toko oolipeene.’

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Malekiya 3:12

“Hiiho miloko sootheene sinooweerelani ooreelihiwa, niwoko elapwaanyu enookhala yootikhiniheya,” oneera Yave a ikuru sootheene.

Deuteronomiyo 26:18

Olelo Yave oohimatho weera nyuwo ti mulokwaawe xaxaxa ntoko Owo aaroromelinghaawe ni weera nyuwosa mwiiwelelaseke malamulowaawe ootheene.

Deuteronomiyo 26:19

Owo oohima weera onimoowelihani moovuwani epiili ni nttittimiho ntokotoko opwaha miloko sootheene opankaawe. Mmwikhale muloko wootteeliheriwa Yave Mulukwaanyu, ntoko aaroromelinghaawe.