Zefaniya 3:13 - Emakhuwa Bible

¹³ Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Zefaniya 3:13 Iomraidhean Croise

2 Nyaha 20:30

Omwene wa Yehoxafati waakhala mmuretteleni, niwoko Mulukwaawe, aamvaha murettele mmwiinanonimwaya moothemwene.

Yobi 11:19

Nyuwo munimwiixaatalela, ni khaawo anootannyereni woova, ni ancipale animwaasaasa murimaanyu wooreera.

Icipo 119:3

Awosa khampaka etthu yoonanara; anneetta mphironi mwa Yave.

Icipo 120:2

Ii! Yave mukivuluxe mwa iyano sa anamootha ni wa malumi a anamanyeenga.

Icipo 120:3

Ii! Anamootha, anoopakeeni eheeni Muluku? Nttaruxo heeni aneeraawe oophwanyiheni!

Icipo 23:2

Onkiitthuuwiha munnyepuni eri yooca yooreeraxa ni onkiroiha wa maahi oomaaleleya.

Yesaya 17:2

Isidade sa wAroweri sinoothaamiwa; sinoovahiwa mihuwo, mwa seiyo sineera siixaatalelewo sihoovaka etthu.

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 54:14

Munookhalihiwa moororomeleyani: onimoorakamelani ohasuliwa; khamurwa moova etthu. Woopopiha onoosuseeriheliwa ottaiwanyu; iwo khoowaattamelani.

Yesaya 6:13

Hata mpatta wanaamuloko ohalaka mweelaponi, awotho anoophwatiwa. Vaheera ntoko mwiri wa ekaravalyu* onuuhiwaaya onahala nikottoru, hiiho mmiso wootteela onuukhale nikotto noohala oYixrayeli.”

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Yesaya 63:8

Owo eenre: “Vekhaikhai awosa ti mulokwaaka, anamwane asilopwana eneera ehikivarihe”; ni hiiho oothatuwa Mvuluxaaya.

Yesaya 65:10

Wa mulokwaaka onkaasa Miyo, oXaroni onoothatuwa woociha ikhondoolo ni nreyareya na Akori nipuro noowiitthuuwa imombe.

Yeremiya 23:4

“Kinimwaakhalihera akukhuli eneera yaakosoope ni awosa khayoovatho naari kheetteenguwa ni khaawo anaahaleele,” onghima Yave.

Yeremiya 30:10

‘Tivawo, ohoove, murumeiyaaka, Yakobe! Ii! Yixrayeli! Muhituthuwe,’ onghima Yave. ‘Miyo kinoowoopolani nipuro noorakamela, ni ekhapiraanyu, elapo mutthukeliwaanyuwo. Yakobe onoohokolowa ni onookhala mmuretteleni ni oolipeene; khaawo anooramaramihe.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Ezekiyeli 39:26

Awosa anoottiwala wuulihiheya muru yaarinaaya, ni ohiroromeleya wootheene akoonihenraaya yaakhalaaya oolipeene mulaponimwaya ahikhalaka oowoopopiha.

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Yoweli 3:21

Soonanara seiye Miyo kihilevelenlaaka, kinoolevelela.” Yave onkhala oSiyoni!

Levitiku 26:6

Kinoovaha mureettele mweelaponi ni munimwiixaatalela ni khaawo aneera awoopopiheni. Kinimwaalakaseiha axinama ooluwa mweelaponi ni ekatana kheevira mulaponimwanyu.

Mikeyasi 4:4

Khula mutthu onoowera okilaathi vathi wa ivideirasawe ni wa nyirisawe sa ifiigu, ni khakhalaru mutthu anaamuxupe, niwoko uulumale hiiho ti Yave a ikuru sootheene.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Mikeyasi 7:14

Mukukhule mulokwaanyu ni ekopwaanyu, muhuwo wa yoohiyeriwaanyu onkhala mpattaaya moothakoni, moocihamo moopomba. Muhiye ocaaka oBaxani ni oGiliyade, ntoko khalayi.

Zefaniya 2:7

Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

Zakariya 8:12

Onimwaattaxa mmiso ni imatta sa iwuuva* sinooruwera soowiimasaya, etthaya enooruwera soohephasaya ni erimu enimwiimiha nikame. Kinimwaavaha itthu sootheene iya yaawo ahalahanle a muloko ola.

Zakariya 8:16

Itthu sintthuneya opaka ti iya: Muulumelaneke ni muthorihe ekhaikhai munuulumaanyumo milattu.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Matheyo 13:41

Mwaana a mutthu anaarumihe andyelowaawe, ni awo eniikhumihe sa omwenaawe sootheene sinaakwattula akina ni ootheene yaawo ampaka sootakhala.

Yohaane 1:47

Amoonaka Nataneyeli akhuveelaka, Yeesu aaheera: “Mmoone – muYixrayeli a ekhakhai ni oohilokottheya.”

aKolosi 3:9

Muhootherane mukina ni mukhwaawe, mweenre nyuwo murulaka mukhalelo wa khalayi ni mitekosaya,

1 Pedru 3:14

Wa soothesene, hata mwahaawa niwoko na oreera, nyuwo muri ooreelihiwa. Muhoove yeeyo awo anoovaaya, ni muhituthuwe.

1 Yohaane 5:18

Noosuwela weera khula mutthu oyariwe wa Muluku khakhanle mootthekani. Mwaana a Muluku oomwaakiha, ni namatakhala khangwera omvara.

Ethupululo 14:5

Hata yoowootha emoha khayaaphwanyiwe mmwaanomwaya – ari oohikhalano nthowa.

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”