Zefaniya 2:7 - Emakhuwa Bible

⁷ Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa.

Zefaniya 2:7 Iomraidhean Croise

Epacerero 50:24

Ahinaaye okhwa, Yoseefe aaweerela axunneiye: “Miyo kihanle vakhaani okhwa. Vekhaikhai, Muluku anookhavihereni ni anoovenxeni mweelaponi ela, ooronghakani elapo aamuroromelinghaawe ni nlipelo Abrahaamu, Isaki ni Yakobe.

Icipo 80:14

Ii! Muluku a ikuru sootheene, muhokoleele wa hiyo. Ngwehawehe wiirimu ni moone. Mukosoope mwiri ola wa iwuuva*,

Icipo 85:1

Ii! Yave. Mohoonihera murimaanyu wooreera wa elapwaanyu; mooreherera weetteleya nnene oYixrayeli.

Okhuma 4:31

awo yaaroromela. Muloko osuwelakaru weera Yave oonitthukuruwela ni ohoona ohasuliwawahu, waahuurama omulapaka Muluku.

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 11:14

Awosa anoovoleela mukerekhere nyaako sa aFilisti mpatta ninkela nsuwa ni anoohuhula muloko wa mpatta ninkhuma nsuwa; anookuxa wEdomi ni oMowabe, ni awAmoni anoolamuliwa ni yaawo.

Yesaya 11:16

Onuukhale musewe mutokotoko wa oohalahala a mulokwaawe ohiiwe wAsiriya, ntoko waaraaya wa aYixrayeli ehuhuweene yeele yaakhumaaya wExipitu.

Yesaya 14:1

Yave onoomorela ikharari ekhapira ya Yakobe; onoothanlatho ekhapira ya Yixrayeli ni onootekiha mweelaponimwayaxa. Anamarwa anookhala ni yaawo epakelaka mpatta ekhapira ya Yakobe.

Yesaya 32:14

Nipuro noolipihiwaxa nnoothaamiwa, esidade ya minyakunyaku enoohiiwa, nipuro noolipaxa ni etoore* ya anamalipelela enoothatuwa nthala wa mahuku ootheene, ohakalala wa abuuru ni moocamo mihuwo

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 29:10

Yave oneera ha: “Sikwanenleene iyaakha miloko mithannamiili mureene oBabiloniya, Miyo kinookwanihera yoororomelihaaka mwaha wa nyuwo, woohokoloxerani nipuro nna.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 3:18

Mmahukuni awo ikhapira sa Yakobe sinoothukumanano seiyo sa aYixrayeli ni vamoha sinoohokolowa elapo ya ottuttuwani, sirowaka wa elapo kaavanghaaka makholowaanyu ntoko yoohiyeriwa.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 31:7

Yave oneera ha: “Mwiipe ni ohakalala mwaha wa Yakobe; mukhuwele muntthapelaka mutokweene a miloko! Mulaleiye ni munttottopele, mweeraka: ‘Ii! Yave mvuluxe mulokwaanyu ohalahanle oYixrayeli.’

Yeremiya 32:44

Imatta sinoothummwa ni eparatha*, ni soolempwa sinoottittiwa silipihiwaka ohoolo wa anamoona mulaponi mwa Benyamini, mmittettheni sirukureenre oYerusaleemu, mmasidadeni sa oYuda, ni sa mmanyaakoni, sa vathi wa mmanyaakoni ni oNegeba, niwoko Miyo kinooreherera oreereliwawaya, onghima Yave.”

Yeremiya 33:12

Yave a ikuru sootheene oneera ha: ‘Nipuro nna nri ttewu ni noohikhaliwa atthu naari axinama – aani, mmasidadenimwaya moothemwene onookhalamotho moocihamo, eneeraayamo akukhuli yiitthuuwiheke mihuwosaya.

Yeremiya 33:7

Kinooceendya oreereliwa wa oYuda ni oYixrayeli ni kinooreherera ntoko waaraaya khalayi.

Yeremiya 47:5

Amaki a oGaza aamettha mayihi; wAxekeloni ori emaalelo. Ii! Oohalahala a munghawalawani, mpaka yaakhani nyuwo mwiinanelaka?

Ezekiyeli 39:25

Tivawo oneeraawe ha Yave onlamula sootheene: Vano kinoomuhokoloxa Yakobe wootthukiwani elapo ekina ni kinoomorela ikharari muloko wootheene wa oYixrayeli, kaakhaleleke nthiti mwa Nsinanaka Nootteela.

Hoxeya 6:11

Ii! Yuda, wa nyuwotho ehuhu ya ohepha nthorihelo eri yoolikaneene, Miyo kaahokoloxaka mulokwaaka.

Obadiya 1:19

Atthu a oNegeba anookuxa mmanyaakoni sa Esawu ni atthu a muxerexere wa mmanyaakoni anookuxa elapo ya aFilisti. Awosa anookuxasa imatta sa wEfrayimi ni oSamariya ni aBenyamini anookuxa oGiliyade.

Mikeyasi 2:12

“Ii! Yakobe, vekhaikhai kinimoothukumanyihasani ootheene nyuwo, aani, kinimwaathukumanyiha oohalahala a oYixrayeli. Miyo kinimwaathukumanyiha ntoko ikhondoolo sireene munikhoolani, aani ntoko muhuwo oreene muncihiwa; awosa animwaatta moota wooweera onookhala onyakuleleya wa nakupa owo.

Mikeyasi 4:10

Ii! Mwaana a muthiyana a oSiyoni, mpirituwase, ntoko muthiyana ayaraka, ni mweettiwe murima, niwoko vano ontthuneya ohiya ixirisanyu weera mwakhale vanlakani. Nyuwo munoorowa oBabiloniya, ni wu munootapuxiwawo. Wu Yave onoowoopolaniwo mmatatani mwa amwiittanaanyu.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Zefaniya 2:9

Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa.

Zefaniya 3:13

Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Zefaniya 3:20

Ehuhuweene yeeyo, Miyo kinimoothukumanyihani; ehuhuweene yeeyo, Miyo kinimoohokoloxerani owaani. Miyo kinimoovahani nttittimiho ni ovuwa eriyari ya miloko sootheene sa mulaponi, kaarehereraka oreeriwawanyu vamaithoniwanyu,” oneera Yave.

Axewu 1:12

Vano, Zerubabeli, mwaana mulopwana a Xeyaletiyeli, Yoxuwa, mwaana mulopwana a Yehozadaki, mutokweene a asaserdoti*, ni akina yaahalahanle a muloko yaahiiwelela nsu na Yave, Mulukwaaya, niwoko na masu a mprofeeti Axewu, mwa yoowo Yave, Mulukwaawe, aamurumihenlaawe. Vanonto muloko waamoova Yave.

Axewu 2:2

“Munkohe ha, Zerubabeli, mwaana mulopwana a Xeyaletiyeli, guvernadori a oYuda ni Yoxuwa, mwaana mulopwana a Yehozadaki, mutokweene a asaserdoti*, vamoha ni muloko mukinoowo:

Luuka 1:68

“Oottottopeliwa ekhale Apwiya, Muluku a aYixrayeli, niwoko yaaxekura ni yaavuluxa muloko wa atthwaaya.

Luuka 7:16

Ootheene yaasareya ni woova ni yaamuttottopela Muluku. Awo yaaheera: “Mprofeeti Mutokweene oonikhumelela variyariwahu. Muluku aaxekura muloko wa atthwaawe.”

Miteko 8:26

Ndyelo mmoha a Apwiya aamweerela Filipe: “Murowe ohitto wa ephiro yoothowa atthu enrowa oYerusaleemu mpaka oGaza.”

Miteko 8:40

Filipe aaphwanyiwa wAzoto, ni eetteettaka, aalaleiya masu ooreeraxa mmittettheni sootheene, mpaka ophiya oSesareya.

aRooma 11:5

Hiihotho, olelo anghala aYixrayeli vakhaani, oothanliwa ni mahala.

Ruuti 1:6

Areene oMowabe Nawomi aahiiwa weera Yave aakhavihera mulokwaawe avahaka sooca, tivawo iireherenraawe ovenya oMowabe vamoha ni asipwiyamwaanaawe eeli.