Zefaniya 2:11 - Emakhuwa Bible

¹¹ Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe.

Zefaniya 2:11 Iomraidhean Croise

Epacerero 10:5

Mwa yaale aamwaramwareya atthu ootheene amanke mukerekhere ephareiya. Miloko iyo saakawanyeya mwa mahimwaaya, ni khula muloko waakhalano elapwaaya ni nuulumonaya.

Icipo 138:4

Mamwene ootheene a elapo animoottottopelani, Yave, yiiwaka masu a eyanowaanyu.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Yesaya 2:18

ni miluku soowootha sinoolakaseya woomalela.

Yesaya 2:20

Nihuku nenenenno atthu anoorihela mmakhuleni ni mwaanaantuuthuni milukusaya soowootha sa eparatha* ni eyuuma yoorikaxa, mwa seiye apankaaya weera elape.

Yesaya 42:10

Mmwiipele Yave ecipo enyowani, ottottopeleyawawe okhuma ekotenle elapo nyuwosa muneetta mphareiya ni sootheene siri mwemmo, nyuwosa icirumba ni sootheene sinkhalamo.

Yesaya 42:4

Owo khoonihera okhulumuwa naari khaporora mpaka aneeraawe akhalihe ekhaikhai mweelaponi. Icirumba sinoororomela munlamulonimwawe.”

Yesaya 49:1

Mukiiwe nyuwosa icirumba, mwiiwe yeeyo nyuwosa miloko sinkhala ottai: Miyo kihinaaye oyariwa, Yave aakiitthana; okhuma oyariwawaka Owo iitthana nsinanaka.

Yeremiya 10:11

Mwaaleele ha: “Miluku seiyo sihipattunxe erimu naari vathi, sinooriheela mweelaponi ni vathi wa erimu.”

Yeremiya 46:25

Yave a ikuru sootheene, Muluku a oYixrayeli oneera: “Kinoomuttaruxa Amoni, muluku a oTebesi, Farawu*, wExipitu, milukusaya ni mamwenaaya, mpakatho yaawo animuroromela Farawu*.

Daniyeli 11:18

Vano owo onoorowa mpatta wa ilapo sa ephareiya akuxaka sincipale sa seiyo, mene mutokweene mmoha a anakhotto onoomaliha wiixoonawawe mwene owo ni wiixoona iwo onoomuhonona.

Hoxeya 2:17

Kinoovenxa vayanoniwaya masina a aBahali*; masinaaya khayiitthaniwatho.

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Zefaniya 1:4

Kinootheteela ntata oYuda vamoha ni amaki a oYerusaleemu. Kinimwaamalamaliha nipuro nna ahalahanle a Bahali*, masina a yaawo anrumeela miluku ni asaserdotaaya,

Zefaniya 3:9

Hiiho, kinootteeliha iyano sa miloko weera sootheene iyo siitthane Nsina na Yave, ni simurumeele ni murima mmoha.

Zakariya 13:2

Vanihukuni nenenenno kinoomalamaliha mweelaponi masina a miluku soowootha ni seiyo khasuupuweleliwatho,” onghima Yave a ikuru sootheene. “Kinimwaavenxa mulaponi maprofeeti nitho munepa wa ohitteela.

Zakariya 2:11

“Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Zakariya 8:20

Yave a ikuru sootheene oneera ha: ‘Atthu ancipale ni amaki a isidade sincipale animoowa,

Zakariya 8:23

Yave a ikuru sootheene oneera ha: ‘Vanihukuni nno asilopwana a miloko ni muulumo oohiyanahiyana anoovarexexa mooxoriwa mwa mukaandyo wa muYuda mmoha, emweerelaka: Munitthunihere orowa ni nyuwo, niwoko nohiiwa weera Muluku ori ni mulokwaanyu.’”

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Malekiya 1:14

“Oolaphiwa akhale yoowo onkilokottha, areeneno mmuhuwoni napunci oohirakala, onroromeliha omveleela, vahoolowaya, anakiveleelela mwaamunama oorakala,” oneera Yave, a ikuru sootheene. “Vano Miyo ti Mwene Mutokweene, ni Nsinanaka nnooviwa eriyari ya miloko.”

Deuteronomiyo 32:38

mwa seiyo saaciiye makhura a sooveleelasaya, siwuraka eviinyu ya sooveleela soovuuvihiwa? Iyo sookhavihereni! Soovaheeni, wootthawela!

1 Timootheyo 2:8

Kintthuna weera alopwana evekele mapuro ootheene, yeemexaka matata ootteela, ehikhalaka ni isara, naari ehinyakhulihanaka.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”