Zefaniya 1:5 - Emakhuwa Bible

⁵ yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Zefaniya 1:5 Iomraidhean Croise

1 Mamwene 11:33

Kinoopaka yeeyo niwoko na okihiyawaya, emulapaka Axeteroti, muluku muthiyana a aSidoni, Kemoxi, muluku a aMowabe ni Moleki, muluku a awAmoni. Khayeentte mphironimwaka, naari khaapanke yeeyo kintthunaaka, hata khayiiwelenle ikanosaka ni malamulowaaka ntoko aapankaawe Davide, atithawe Salomoni.

1 Mamwene 11:5

Aamutthara Axeteroti, muluku muthiyana a aSidoni ni Moloki, muluku a mwiikho a awAmoni.

1 Mamwene 18:21

Eliya aaheemela ohoolo wa muloko eeraka: “Heeni munghovelaanyu othanla? Yave aari Muluku, muntthareke; vaheera Bahali* ari Muluku, vano muntthareke!” Wa soothesene, muloko waari emaalelo.

2 Mamwene 17:32

Awo yaamulapa Yave, vaheera akhalaru mutthu yaamunkhaliha musaserdoti* weera arumeele mmattumuxani ootteeliheriwa milukusaya.

2 Mamwene 17:33

Yaamulapa Yave, mene yaalapatho milukusaya ettharaka ikhovelelo sa miloko yaaruuhiwaayamo.

2 Mamwene 17:41

Naari miloko iye saamulapeene Yave, sannalapatho milukusaya. Mpaka olelo anamwanaaya ni ikhapirasaya annapwaherera opaka ntoko yaapankaaya makholowaaya.

2 Mamwene 23:12

Aahaaphwata altaari* yaatenkaaya mamwene a oYuda vataratoni, vakhiviru wa ekwartu ya osulu ya Ahazi, nitho altaari* aatenkaawe Manaxe mmapuwani meeli a Mpaani mwa Yave. Aahaakhumiha, anaapwexa, anahela itthuxo vanreyareyani na oKideroni.

Yesaya 22:1

Masu mwaha wa Nreyareya na Eyoonihero: Enookacamihani eheeni ophiyera mungwelaanyu mmapathoni,

Yesaya 44:5

Mmoha onimweera: ‘Miyo ti a Yave’ ni mukinatho onimwiitteha nsina na Yakobe ni mpaka mukinatho onoolepa mmatatanimwawe: ‘A Yave’ ni onimwiixiitthanela Yixrayeli.”

Yesaya 45:23

Kohiilipela muneenaaka, eyanowaaka yoohima mweekhaikhaiyini masu oohiceendyeya: Ohoolowaka atthu ootheene anookokhorela ni malumi ootheene anookilipela.

Yesaya 48:1

“Mwiiwe yeeyo ekhapira ya Yakobe, nyuwosa muniitthaneliwa nsina na Yixrayeli ni muri mpatta wa ekhapira ya Yuda, nyuwosa munlipela mwa Nsina na Yave ni munimwiitthana Muluku a oYixrayeli, ohikhanle mweekhaikhaiyini hata moororomeleyani.

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Yeremiya 19:13

Impa sa oYerusaleemu ni sa mamwene a oYuda sinooveihiwa ntoko nipuro nna na oTofeti – impa sootheene mwa seiyo itaratosaya yaahisenraaya erubani* ithenyeeri sa wiirimu ni yaayeehenraaya soowura miluku sikina.’ ”

Yeremiya 32:29

aBabiloniya angwanano esidade ela, anoovolowamo, ehiseke. Awosa anoohisa vamoha ni impasene mwa seiyo muloko otannyenraaya isarasaka emuhiseraka erubani* Bahali* mmapathonimwaya, eyeehaka sooveleela soowura ettittimiherelaka miluku sikina.

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Yeremiya 49:1

Mwaha wa awAmoni: Yave oneera ha: “Weeraka Yixrayeli khanono anamwane? Khawoworu namahiyeriwa? Heeni Moleki iikuxenraawe oGadi? Mulokwaawe onkhalelani musidade sa oGadi?

Yeremiya 5:2

Naari yeeraka: ‘Kinlipela mwa Nsina na Yave,’ vekhaikhai anlipela moota woowootha.”

Yeremiya 5:7

“Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Yeremiya 7:10

ni vahoolowaya okhala ohoolowaka Mpaanimu ela erino Nsinanaka, mweeraka: “Noolipa!” Noolipa weera mpwaherere ni miteko sootheene iyo sa mwiikho?

Yeremiya 7:9

Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Yeremiya 8:2

Anookhala vanlakani yoopeliweke nsuwa, ni yaareliweke mweeri ni ithenyeri sa wiirimu mwa seiyo awosa yaasivelaaya ni yaarumeelaaya ni mwa seiyo yaattharaaya, yaakokhorelaaya ni yaattottopelaaya. Makhuveene yaawo kheethukumanyihiwa hata kheevithiwa, mene eniikhale ntoko ikokhola vatthayani.

Hoxeya 10:2

Mirimasaya ti soolokottha, ni vano ontthuneya othatela nthowanaya. Yave onimwaakurumula altaaraaya ni onimwaaphwata amarimbwaaya ootteeliheriwa.

Hoxeya 4:15

Ii! Yixrayeli, naari nyuwo muraruwaka, Yuda ahikhaleno nthowa. Muhirowetho oGiligali; muhiwele oBet-Aveni, ni muheere: ‘Kinlipela mwa okumi wa Yave.’

Amosi 5:26

Hoye! Nyuwosa mwaateexa ecaambulo ya mwenaanyu Sikute ni Kiwumi, muluku wa ethenyeeri, mwa seiyo mwiipakenlaanyu.

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Miteko 10:9

Oxaawaya, nsuwa vamuru, awo yeettaka ni ekhuveelaka esidade, Pedru aawela osulu wa empa weera avekele.

aRooma 14:11

niwoko yoolempwa: “Apwiya yeenre: ‘Vekhaikhai, kinoororomelihani weera atthu ootheene eniikokhore ohoolowaka, ni malumi ootheene eniilape weera Miyo ti Muluku.’”

Deuteronomiyo 10:20

Mmoove Yave Mulukwaanyu ni munrumeeleke. Mumvarexexe Yoowo mulipelaka Nsinanaweru.

Deuteronomiyo 4:19

Nyuwosa mwaweha osulu moonaka nsuwa, mweeri ni ithenyeeri ni itthu sootheene sa wiirimu, muhihapuwe mukokhorelaka seiyo ni mulapaka itthu Yave Mulukwaanyu okawenlaawe miluku sootheene sa elapo ya vathi.

Yoxuwa 23:7

Muhiitakansere ni miloko iyo sihanle variyariwanyu; muhiitthane masina a milukusaya naari muhilipeleru seiyo. Muhilape naari muhikokhorele.