Zefaniya 1:18 - Emakhuwa Bible

¹⁸ Eparathaaya* ni eyuumaaya yoorikaxa khayaatapuxa vanihukuni na isara sa Yave. Mmooroni wa ehacaawe, enoolalihiwa elapo yootheene, niwoko Owo onimwaamaliha wootutuxereya ootheene ankhala mulaponi.”

Zefaniya 1:18 Iomraidhean Croise

Epacerero 6:7

Yave aaheera: “Kinoophwata omutthu mwa elapo ya vathi, mwa yoowo kipattunxaaka. Aani kinimwaaphwata atthu ootheene vamoha ni inama soopattuxiwa sitokweene ni sikhaani ni ipalame sa musulu, niwoko kooriipiwa murima woopattuxa.”

1 Mamwene 14:22

Atthu a oYuda yaapaka soonanara vamaithoni wa Yave. Yaatannya isarasawe sa ehace opwaha yaapankaaya makholowaaya.

Yobi 21:30

Vano awosa aneera weera oonanara murima anuureliwa muhasarani, ni weera vanihukuni na isara animoopoliwa.

Yobi 3:15

vamoha ni alamuli yaarino eyuuma yoorikaxa, yaasaringhe mpaanimwaya iparatha.

Icipo 78:58

Yaamunyoonyiha ni mattumuxa ooteeliheriwa miluku sikina; yaamutannya ni milukusaya sikina.

Icipo 79:5

Ii! Yave, mpaka yaakhani? Munoonyoonyiwa wa mahuku ootheene? Mpaka yaakhani ehacaanyu eneeraaya ehise ntoko mooro?

Masu a Miruku 11:4

Mihakhu khasimvareleya muteko munihukuni na isara sa oMuluku, vaheera wookoleleya ontapuxa mookhwaani.

Masu a Miruku 18:11

Esidade yoolipihiwa ti mihakhu sa apuhi, awosa anuupuwela weera ti exiri ehingwereya owela.

Yesaya 1:24

Tivawo, muneene Yave a ikuru sootheene, Ooweraxa a oYixrayeli onlaleiyaawe: “Ii! Kinimwaapattihera isara awananaaka ni kinoowiinlela ikukuttula amwiittanaaka.

Yesaya 10:17

Waara wa oYixrayeli onoothatuwa mooro; Ootteelaawe nlumi na mooro. Munihukuni nimoharu Owo onoomuhisa ni onoomulaliha rupulula ni nyiiwasawe.

Yesaya 10:3

Mmwipakeni nyuwosa munihukuni na nthorihelo, erisa yaarweelaka ottai? Wa taani muneeraanyu mutthimakele weera ookhavihereni? Mmwahiye woowi mihakhusanyu?

Yeremiya 7:20

‘Tivawo Yave onlamula sootheene oneeraawe ha: Onyoonyiwawaka ni isarasaka sinooyeeheriwa nipuro nna, mwaatthuni, mwaaxinamani, mmirini sa mmatta nitho mwa soowiima sa vathi; iyo sinoohisa ni khasicipihiwa.

Yeremiya 7:34

Kinoomalamaliha okhuwela wa ohakalala ni otteeliwa murima nitho masu a namatthomeriwa ni namatthomera mmittettheni sa oYuda ni mmiseweni sa oYerusaleemu, niwoko elapo ela enooheleya mathala.’”

Yeremiya 9:11

“Kinootatuxa oYerusaleemu ittuxoru, nipuro ankhalaayawo akhwatte; ni kinoophwata mittetthe sa oYuda weera ehikhale eneera emakewo.”

Ezekiyeli 16:38

Miyo kinimoothorihelani nttaruxo alakeleliwaaya asithiyana anraruwa ni angyeeha ephome; kinoowiinlelelani ikukuttula sa ephome ya isarasaka ni onyoonyiwa ontannyeriwa ni ehacaaka.

Ezekiyeli 23:25

Kinimooruuhelani isara sa ehacaaka, ni enyoonyasiweene, awosa anoosuwela moota woowoopakani. Anoothikila ephulaanyu ni maaruwaanyu, ni atthu eneera ehalahale animwiiviwa ni ekatana. Animwaakuxa anamwaniinyu asilopwana ni asithiyana, ni yaawo eniihalahale anoolalihiwa ni mooro.

Ezekiyeli 7:11

Nipuhero noothatuwa ntoko ekopo weera nittaruxe yoonanara; khawoworu a muloko anaahale, aani khawoworu a nakupa ole – mihakhu ni epilaaya soothesene sinoovenxiwa.

Ezekiyeli 7:19

Eparathaaya* anoovonyera mmiseweni ni eyuumaaya yoorikaxa eniyooneliwe okhala yoohitteela. Eparathaaya* ni eyuumaaya yoorikaxa khasiwera waatapuxa vanihukuni na isara sa Yave. Ovoliwawaya khawaamalela hata kheevona niwoko iyo saahaakwattuliha mootakhalani.

Ezekiyeli 7:5

Yave onlamula sootheene oneera ha: ‘Moone erisa! Erisa mwa yeeyo ehitonko wuupuweleliwa enimoowa.

Zefaniya 1:11

Mulalamike nyuwosa munkhala mmuttettheni wa nakoso a esidade; ananakoswaanyu ootheene anoophwatiwa woomalela. Anooheleya nthala ootheene anthumiha eparatha*.

Zefaniya 1:15

Nihuku nno, nnikhale na isara, nihuku na makacamiho ni othanana, nihuku na ohaawa ni oheleya nthala, na epiphi ni ewiriphi, na mahutte ni oriipihana,

Zefaniya 2:2

ehinaaye ophiya ehuhu elakeliwe ni nihuku nno, niviraka ntoko ikokhola, sihinaaye woomorelani isara soowuupa sa Yave, ni nihinaaye woophwanyani nihuku na isara sa Yave.

Zefaniya 3:8

“Tivawo, mukiweherere Miyo,” onghima Yave, “ngweherere nihuku Miyo kineeraaka kivenyere okhalela onamoona. Koolakela othukumanyiha miloko ni omwene weera kiyeehere isarasaka, wuupa wootheene wa onyoonyiwawaka. Elapo yootheene enoolalihiwa ni mooro wa isarasaka sa ehace.

Matheyo 16:26

Yooreera heeni mutthu ophwanya elapo yootheene ya vathi, ayeleelakatho okumaawe? Hoye hoye anaavahe eheeni mutthu yoowaakakhanyiha ni okumaawe?

1 aKorinto 10:22

Apaale hiyo nintthuna otannya nrima na Apwiya? Hiyo nri oolipa waapwaha Awo?

Deuteronomiyo 31:17

Nihuku nenenenno sinimwaapattela isarasaka ni Miyo kinimwaattiwalasa kaareraka ettuli ni awosa anoophwatiwa. Onimwaarweela ohaawa ni mahooxo matokotoko ni nihuku nno eniyeere: “Mahooxo ala annikhumelelela onihingyaawe Mulukwaahu.”