Zefaniya 1:13 - Emakhuwa Bible

¹³ Mihakhusaya sinoohuhuliwa; impasaya sinookurumuliwa. Naari etekaka impa inyowani, kheekhalamo; anoophatteya imatta sa iwuuva*, mene kheewura eviinyuwaaya.”

Zefaniya 1:13 Iomraidhean Croise

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yeremiya 15:13

Muleele muloko ola: Kinoovaha mmahalani sooreelasanyu ni mihakhusanyu ntoko soohuhuliwa niwoko na sootthekasanyu sootheene mweelaponimwanyu yootheene.

Yeremiya 17:3

ni mmanyaakoni sa ntuphini. Kinimwaavaha akina mihakhusanyu ni sooreerelasanyu sootheene vamoha ni mapurowaanyu ootteela vasulu wa mattumuxa ntoko soohuhuliwa. Eyo enookhala nlivo na sootthekasanyu mwaaltaarini* a miluku sikina mweelaponimwanyu yootheene.

Yeremiya 4:20

Erisa enttharelana erisa; elapo yootheene yooheleya nthala. Wootutuxereya iheemasaka soophwatiwa vamohamoharu moowiipithamwaka.

Yeremiya 4:7

Mwatto ookhuma munyattanimwawe; namaphwata a miloko oovenya. Owo ookhuma munyattanimwawe weera aphwate elapwaanyu. Mittetthesanyu sinoohala ittuxoru soothaamiwa.

Yeremiya 5:17

Awosa anoomira soohephasanyu ni soocasanyu; animwaamira anamwaniinyu asilopwana ni asithiyana; anoomira imombesanyu ni ikhondoolosanyu, imattasanyu sa iwuuva* ni nyiri sa efiigu*. Awosa anoophwata ni ekatana isidade soolipihiwa mwa seiyo munroromelaanyu.

Yeremiya 9:11

“Kinootatuxa oYerusaleemu ittuxoru, nipuro ankhalaayawo akhwatte; ni kinoophwata mittetthe sa oYuda weera ehikhale eneera emakewo.”

Yeremiya 9:19

Oruma wa olalamika wohiiwanyeya oSiyoni: ‘Moota niphwatiwaahu! Moota niyevihaxiwaahu! Nintthuneya ohiya elapwaahu niwoko impasahu sooheleya nthala.’”

Icipo Soolalamika 5:2

Yoohiyeriwaahu ahinnyereriwa amalapo, impasahu ahinnyereriwa anamarwa.

Ezekiyeli 22:31

Tivawo kineeraaka kaayeeherase isarasaka ni kaalalihe ni onyoonyaxiwawaka woovarela; koottaruxelakani yoonanara opankaaya,’ onghima Yave onlamula sootheene.”

Ezekiyeli 7:19

Eparathaaya* anoovonyera mmiseweni ni eyuumaaya yoorikaxa eniyooneliwe okhala yoohitteela. Eparathaaya* ni eyuumaaya yoorikaxa khasiwera waatapuxa vanihukuni na isara sa Yave. Ovoliwawaya khawaamalela hata kheevona niwoko iyo saahaakwattuliha mootakhalani.

Ezekiyeli 7:21

Sootheene iyo kinimwinnyerera mmatatani mwa anamarwa ntoko soohuhuliwa ni mmatatani mwa atakhali a mulaponi ntoko soowiiyiwa, ni awosa anoovaliha iyo.

Ezekiyeli 7:24

Kinimwaaruuha atthu ootepaxa otakhala a mmilokoni weera ekuxase impasaya; kinoomaliha wiixoona wa aweri ni mapurowaaya ootteela anoohiirihiwa.

Amosi 5:11

Nyuwosa munimuhasula oohaawa munnyesererihaka woovahani etrigu. Tivawo, murootekaru impa sa maluku, khamukhalamo; muroophatteyaru imatta sa iwuuva* soopomba, khamuwura eviinyuwaaya.

Mikeyasi 3:12

Tivawo niwoko na nyuwosa, oSiyoni oneeraaya ottipuriwe ntoko ematta, oYerusaleemu onoothatuwa ettuxo, ni nttumuxa na Empa ya Muluku nnoosareya maphuwa.

Mikeyasi 6:15

Nyuwosa mmwiphatteye, mene khamuhepha; mmweeke makhura, mene khamuttikitthelana; mmwaame iwuuva* mene khangwura eviinyu.

Zefaniya 1:9

Nihuku nno kinimwaattaruxa ootheene anraramela waathi nsele, esarihaka mpaani mwa milukusaya nipuhero ni olokottha.

Deuteronomiyo 28:30

Nyuwo mmuure, mene muthiyana owo anaatheliwe ni mulopwana mukina. Mmwiteke empa, mene khamukhalamo. Mmwiphattheiye ematta ya iwuuva*, mene khamulawiha yoowiimaaya.

Deuteronomiyo 28:39

Mmwaphatteye imatta sa iwuuva* mulimelaka, mene khamuwura eviinyuwaaya naari khamuhepha iwuuvasaya niwoko nsiwenyiwe ni nyuungu.

Deuteronomiyo 28:51

Oniwaamalihe axaana a mihuwosanyu ni sooruwera sa mulaponimwanyu mpaka muneeraanyu mphwatiwe. Awosa khayoohiyeraniru etrigu, eviinyu enyowani hoye hoye makhura naari axaana a imombe hata iputtiputthi sa ikhondoolosanyu mpaka muneeraanyu muhononiwe.