Zakariya 9:8 - Emakhuwa Bible

⁸ Kinimwaakiha Empaaka mwa anamahuhula. Namahasula kharwatho ahasula mulokwaaka, niwoko vano Miyo kinoona yeeyo ni maithwaaka.

Zakariya 9:8 Iomraidhean Croise

2 Samuweli 16:12

Apaale Yave onimoona ohaawawaka olelo ni onimwaakakhanyiha yooreera ni onyohola kaakhenlaaka olelo.

2 Mamwene 19:34

Kinimwaakiha esidade ela ni kinoovuluxa mwa osivelawaka ni wa murumeiyaaka Davide.’”

2 Mamwene 23:29

Yosiya areene mwene, Farawu* Neko, mwene a wExipitu, aarowa mpaka mooloko Efratesi weera amukhavihere mwene a wAsiriya. Mwene Yosiya aarowa weera angwaneno, mene Farawu* Neko aangwanano, anamwiiva Yosiya oMegidu.

2 Mamwene 24:1

Moolamulani mwa Yehoyakini, Nebukadenezari, mwene a oBabiloniya, aakuxa elapo ya oYuda ni Yehoyakini aathatuwa oolamuliwa ni yoowo wa iyaakha tthaaru. Simanleene iyaakha tthaaru, Yehoyakini aaceendya soowuupuwelasawe, anamuvaanelela Nebukadenezari.

Icipo 34:7

Ndyelo a Yave ti namalipelela aarukureenreene yaale ammoova Yave ni Owo ongwoopola.

Icipo 72:4

Owo onnimwaakiha oohasuliwa variyari wa muloko ni onimwaavuluxa anamwane a oohaawa; onoomphwata namahasula.

Okhuma 3:7

Yave aaheera: “Vekhaikhai kohoona ohasuliwawaya mulokwaaka wExipitu. Kohiiwa okhuwelawaya niwoko na anamahooxa ni koosuwela ohaawawaya.

Okhuma 3:9

Vanonto, okhuwela wa aYixrayeli wookiphwanya. Kohoona moota awExipitu anaahasulaaya.

Masu a Miruku 3:25

Khoontthuneya woova ehasara yootutuxereya hata ophwata onaaphwanya atakhali.

Yesaya 26:1

Nihuku nenenenno enimwiipiwa oYuda ecipo ela: Nookhalano esidade yoolipaxa; Muluku ookhaliha ovuluxa ntoko ixirisaya ni moowiipithamo.

Yesaya 31:5

Hiiho ntoko ipalame sinaakhapelelaaya axaanaaya ni mapuphaaya, Yave a anakhotto onimwaakiha oYerusaleemu; Owo onimwaakiha ni onoovuluxa; Owo onoovira osuluwaya, amoopoleke yoowo.”

Yesaya 4:5

Vano Yave onoohela omwaako Siyoni wootheene ni wa ootheene eniithukumanewo nihutte na othana ni waara wa mooro ohiyu; ovuwa onuukuttelele sootheene.

Yesaya 52:1

Ii! oSiyoni, mvenye, mvenye, mwiiwarihe ikuru. Ii! oYerusaleemu, esidade yootteela, ngware mikaandyosanyu soovuwaxa. Oohiineliwa ni oohitteela kheevolowatho mmilakoni.

Yesaya 52:12

Vaheera khamumpwaha woowaakuveya hata khamumvenya ni otthawa niwoko Yave onimoohoolelani ni Muluku a oYixrayeli onookhala ottuliwanyu.

Yesaya 54:14

Munookhalihiwa moororomeleyani: onimoorakamelani ohasuliwa; khamurwa moova etthu. Woopopiha onoosuseeriheliwa ottaiwanyu; iwo khoowaattamelani.

Yesaya 60:18

Mulaponimwanyu khawiiwanyeyatho wuulummwa sa mapuhero naari sa mathala a ophwatiwa mmwiinanonimwanyu, mene munimwiitthana ixirisanyu Ovuluxa ni milakosanyu Ottottopela.

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Yeremiya 46:13

Mutthenga Yave aamuulumenlaawe mprofeeti Yeremiya mwaha wa orwa wa Nebukadenezari, mwene a oBabiloniya weera awaneno wExipitu ti ola:

Yeremiya 46:2

Mwaha wa wExipitu: Ola mutthenga wa anakhotto a mwene a wExipitu, Farawu* Neko, aawiniwe oKarikemixi, omoolokoni Efratesi ni Nebukadenezari, mwene a oBabiloniya, muyaakhani yanaaxexe moolamulani wa Yehoyakimi, mwaana mulopwana a Yosiya, mwene a oYuda:

Ezekiyeli 39:29

Nkaahuluwatho, niwoko kinooyeehera Munepaaka muloko wa oYixrayeli, onghima Yave onlamula sootheene.”

Amosi 9:15

Kinimwaatekiha aYixrayeli mulaponimwaya ni kheevenxiwamotho mulaponi kaavanghaaka,” onghima Yave, Mulukwaanyu.

Zakariya 12:4

Vanihukuni nenenenno kinoorukureeriha nyuru ikavalu* sootheene ni anamweettihaaya kinimwaapupurumiha,” onghima Yave. “Miyo kinookosoopa nnenesene ekhapira ya oYuda, mene kinoohela evaasi ikavalu* sootheene sa miloko.

Zakariya 12:8

Vanihukuni nenenenno Yave onimwaakosoopa amaki a oYerusaleemu, moota wooweera oohilipaxa variyariwaya anaakhale ntoko Davide, ni ekhapira ya Davide eniikhale ntoko Muluku, ntoko ndyelo a Yave onaahoolela.

Zakariya 14:11

oYerusaleemu onoomakiwa; khoorwaru ophwatiwa. Iwo onookhala woolipeene.

Zakariya 9:7

Kinimuukuttha ephome owanoniwaya; yooca yoohitthuniheriwa mmainonimwaya. Yaale eneera ehale, anookhala a Mulukwaahu, ethatuwaka asitokweene a oYuda ni wEkroni onoolikana aYebusi.

Miteko 7:34

Kaahoona ohaawa wa mulokwaaka wExipitu. Kaahiiwa wiikhupanyerawaya ni kaakhuruwela weera kivuluxe. Ngwe vaanaano va, ni kinimoorumihani ohokoleela wExipitu.’

Ethupululo 20:9

Awo yaaheetteetta mweelaponi yootheene ni yaarukureera ekwarteli ya atthu ootteela, esidade yoosiveleya, mene mooro waakhuruwa wiirimu ni waahaahisa.