Zakariya 9:4 - Emakhuwa Bible

⁴ Vaheera Yave onoovenxa mihakhusaya, aphwatelaka mphareiyani ni vano onoolalihiwa ni mooro.

Zakariya 9:4 Iomraidhean Croise

Masu a Miruku 10:2

Mihakhu simphwanyiwa moohiroromeleyani khasimvareleya muteko, vaheera ororomeleya ontapuxa mookhwaani.

Masu a Miruku 11:4

Mihakhu khasimvareleya muteko munihukuni na isara sa oMuluku, vaheera wookoleleya ontapuxa mookhwaani.

Yesaya 23:11

Yave ootheteela ntata mphareiyani anathukumeliha imwenesaya. Mwaha wa oFenisiya oolamulela weera mapurowaaya oolipihiwaxa ephwatiweke.

Ezekiyeli 26:17

Vahoolowaya, animwiipa ecipo yoowoolalamikelani nyuwo, yeeraka: ‘Ii!, Moota mphwatingwaanyu nyuwo esidade ya epili, emakingwe ni atthu a ophareiya! Nyuwo mwaari ikuru sa mphareiya, nyuwo ni amakaanyu; nyuwosa mohaatteengula ootheene yaawo ankhalawo.

Ezekiyeli 28:16

Mumvarexenxaanyu nakoswaanyu moosareya nipuhero, munattheka. Tivawo Miyo koovonyenraakani ooyeviheyeene ottai wa mwaako wa Muluku, kinawoomolani, ii! Kerubini* oolipelela eriyari ya maluku ooceremela.

Ezekiyeli 28:18

Nyuwo moohiiriha mapurowaanyu ootteela niwoko na sootthekasanyu sincipale ni nakoswaanyu oohiroromeleya. Tivawo kikhumihalaaka mwa nyuwo mooro woolalingheni onootatuxani ettuura vathi vamaithoni wa ootheene yaawoonani.

Ezekiyeli 28:2

“Mwaana a mutthu, mwaaleele alamuli a oTiro weera Yave onlamula sootheene oneera ha: ‘Ngwixoonani wa murimaanyu nyuwo muneera: “Miyo ti Muluku; kinkilaathela ehice ya emwene ya Muluku eriyari ya ephareiya.” Vaheera nyuwo muri mutthu paahi, khamuhiyono Muluku, naari mwiixeeraka okhala musuweli ntoko Muluku.

Ezekiyeli 28:8

Awosa animookuruxelani mulittini, ni nyuwo munookhwela eriyari ya ephareiya moota woopuhereya.

Yoweli 3:8

Kinimwaathumihera anamwaniinyu asilopwana ni asithiyana amaki a oYuda ni awosa eniyaathumihere aSabeyani ankhala ottaiwene.” Ti Yave eenre.

Amosi 1:10

Tivawo kineeraaka kihise ixiri sa oTiro ni malumi a mooro anoolaliha moolipamwaya.”

Zakariya 9:5

wAxekeloni onimoona yeeyo, wooveke. oGaza onootteenguwaxa ni hiihotho wEkroni, niwoko owehererawaya onoolakaseya. oGaza onoohiiwa woohikhalano mwene ni wAxekeloni onoothaamiwa.