Zakariya 9:17 - Emakhuwa Bible

¹⁷ Ii! Anookhala ooreeraxa ni oophwaneliwaxa! Etrigu enimwaavaha ikuru amiravo, ni hiihotho eviinyu enyowani aximwali.

Zakariya 9:17 Iomraidhean Croise

Icipo 144:12

Vano moomiravoni anamwaniihu asilopwana anookhala ntoko soophatteiwa sookosoopiwa nnenesene ni anamwaniihu asithiyana ntoko amarimbu oocaambuliwa weera ephwaneliwe empa ya emwene.

Icipo 145:7

Nsuupuwelele murimaanyu wooreeraxa, siipelaka ni ohakalala sa ororomeleyawanyu.

Icipo 27:4

Koomvekela Yave etthu emoha ni ti yeela kinaasaaka: kintthuna okhala Mpaani mwa Yave mahuku ootheene a okumaaka weera koone oreera wa Yave ni kamwaase Mpaanimwawe.

Icipo 31:19

Ii! Ti otokotoko oreerawanyu murima mwaathokororenlaanyu yaale angwoovani. Vamaithoni wa atthu munimwaavaha oreerawanyu murima yaale anootthawelelani Nyuwo.

Icipo 36:7

Ii! Muluku, osivelawanyu woohimala ti wootthuneyaxa! Atthu amphwanya wootthawelawo mmunttuusini wa mapuphaanyu.

Icipo 45:2

Nyuwo ti mutthu oosuwanyeyaxa ni eyanowaanyu yoottikittheliwano mahala, eenre Muluku ooreelihani mahuku ootheene.

Icipo 50:2

oSiyoni, ophwaneliwa wookwanela, Muluku onnaaraxa.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Icipo 90:17

Oreera murima wa Yave Mulukwaahu okhale ni hiyo; mulipihe miteko sa matataahu, aani, mulipihe soopakiwa sa matataahu!

Okhuma 15:11

Taani a miluku sikina ori ntoko Nyuwo, Yave? Taani onlikana Nyuwo? Mutokweene mootteelanimwanyu; ooweraxa mmutekoni woovuwa, Muneene a sootikhiniha.

Ecipo Yooreeraxa 5:10

Oosiveleyaaka ti ooreera ni exapalaawe yooxeera, tivawo ohintikinsaawe eriyari ya atthu macira macireene muloko.

Ecipo Yooreeraxa 7:9

Eyanowaanyu ekhaleke ntoko eviinyu yooreerelaxa empiluwenle moota wooreerela oosiveleyaaka, ekhwalalelaka iyano ni maino.

Yesaya 33:17

Maithwaanyu anoomoona mwene ngwaaranimwawe, yoonaka wunnuwa wa elapo yootheene.

Yesaya 63:15

Ngwehe wiirimu woorakamela ni moone mukilaathiyeene vahiceniwanyu ya osulu, yootteela ni yoovuwa. Nri woowi nthitinanyu ni ikurusanyu? Murimaanyu wooreera ni ikhararisanyu nohiimaniwa.

Yesaya 63:7

Kinimuuluma sa murima wooreera wa Yave, sa mitekosawe sootikhinihaxa – sootheene onipakenlaawe, aani itthu sooreera sincipale opakenlaawe ekhapira ya Yixrayeli niwoko na ikhararisawe ni murimaawe wooreera mutokotoko.

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Yeremiya 31:14

Kinimwaavaha asaserdoti* itthu soowaatta; ni mulokwaaka onoovonihiwa mwa onnenaaka,” onghima Yave.

Yoweli 2:26

Munimooca mpaka ovona ni munootthapela Nsina na Yave Mulukwaanyu, mwa Yoowo oopakenleni sootikhiniheya. Mulokwaaka khoorwa oyevihiwatho.

Yoweli 3:18

Nihuku nno nyaako nsittonye eviinyu enyowani; mmattumuxani onuuvuuve mukaka. Maxaapwa ootheene a oYuda eniitthimake maahi. Mpaani mwa Yave anaakhume naattuuttu ahelelaka nreyareya na oXitimi.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

aRooma 5:20

Nlamulo nivaheriwe weera yoottheka yaandyeerereye. Weiwotho yaattiyaayawo yoottheka, ahaattatho mahala,

aRooma 5:8

Vaheera Muluku onoonihera onisivelawawe moota ola: Kristu aanikhwenle, hiyo naaraahu nlelo anamattheka.