Zakariya 9:14 - Emakhuwa Bible

¹⁴ Vano Yave onimwiixoonihera wa yaawo; muupaawe onootutha ntoko overinya. Yave onlamula sootheene onimwiipa nipalapatta; Owo onimweetta mutthekuni ya ohitto;

Zakariya 9:14 Iomraidhean Croise

Yobi 37:9

Ettheku enkhuma enuukaanaayawo, ni oriira onrweela mpheyoni etokotoko.

Icipo 18:14

Owo aalatha nyuupasawe anaamwaraxa amwiittanaaka; aaverunyiha mipatta sootheene, awoomolaka.

Icipo 18:15

Moohiihanimwanyu vamoha ni wiiselelawanyu wa mphulani waahooneya wiixera wa ephareiya ni mathipelo a elapo ya vathi yaakhala vanlakani.

Yesaya 18:3

Miloko sootheene nyuwo sa elapo ya vathi; ootheene nyuwo mummaka mulaponimu, eneneero yeemexiwaka mmanyaakoni, munimoona, ni nipalapatta naarumaka, munimwiiwa.

Yesaya 21:1

Masu mwaha wa Nikare na ephareiya ti ala: Ntoko iyuupuru siviraka elapo ya oNegeba, amwiittana anrweela munikareni, mweelaponi yoowoova.

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Yesaya 30:30

Yave onimwiiwiha nsunawe noovuwaxa ni onimoonihera ikuru sa moonowaawe woowoopopiha. Onimoonihera onyoonyiwawawe mmalumini a mooro woolaliha, eriyari ya epheyo etokotoko, etari ni maralala.

Yesaya 31:5

Hiiho ntoko ipalame sinaakhapelelaaya axaanaaya ni mapuphaaya, Yave a anakhotto onimwaakiha oYerusaleemu; Owo onimwaakiha ni onoovuluxa; Owo onoovira osuluwaya, amoopoleke yoowo.”

Yesaya 66:15

Moone, Yave ongwa ni mooro ni ikaarosawe sa ikavalu* siri ntoko eyuupuru. Onooruuhela vathi onyoonyiwawawe ni isara ni ohiihawawe ni malumi a mooro.

Habakuki 3:11

Nsuwa ni mweeri saaheemela wiirimu woowoona otutha wa nyuupasanyu sivavaka; waara wa nivakananyu noowaaraxa.

Habakuki 3:14

Mwaamuthorola ni nivakanawe muneenaawe, anakhottwaawe ekhumaka weera enimwaramwaxe. Yaakhuma enitthukuruwelaka oohakalaleene weera yiive ahikhalaka ompwattha.

Zakariya 12:8

Vanihukuni nenenenno Yave onimwaakosoopa amaki a oYerusaleemu, moota wooweera oohilipaxa variyariwaya anaakhale ntoko Davide, ni ekhapira ya Davide eniikhale ntoko Muluku, ntoko ndyelo a Yave onaahoolela.

Zakariya 14:3

Vano Yave onookhuma awananeke milokosene seiyo, ntoko ongwanaawe vanihukuni na ekhotto.

Zakariya 2:5

Vano Yoomeene kinookhala exiraaya ya mooro mukhwipimwaya, onghima Yave, ‘ni mpuwamwaya kinookhala ovuwawaya.’

Matheyo 24:31

Owo anaarumihe andyelowaawe ni nsu ntokotoko na nipalapatta, ni awo eniyaathukumanyihe oothanliwaawe wa elapo ya vathi yootheene, okhuma ekotenle erimu mpaka mpatta mukinatho.

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

aRooma 15:19

Eyo eweriwe ni ikuru sa ineneero ni sootikhiniha, nitho niwoko na ikuru sa Munepa Wootteela. Hiiho, okhuma oYerusaleemu ni mukhwipimwaya mpaka wIliriku, koolaleiya nnenesene masu ooreeraxa a Kristu.

aHeberi 2:4

Mulukutho ookhalela onamoona ovuluxiwa iwo mwaha wa ineneero, sootikhiniha, miteko sa ikuru soohiyanahiyana, ni samahala sa Munepa Wootteela sivahiwe ntoko otthunawaya.

Yoxuwa 10:42

Owo aahaawina mamwene ootheene ale vamoha ni ilaposaya ekwaha emoharu yeeyo, niwoko Yave, Muluku a aYixrayeli, aahaawanela aYixrayeli.

Ethupululo 6:2

Kaaweha, ni ohoolowaka yaakhala ekavalu* emoha yootteela, ni yoole eettiha aakhalano muupa. Aavahiwa ecireemba ni owo aavenyawo, ntoko namawina oolikana owina.