Zakariya 9:12 - Emakhuwa Bible

¹² Ii!, anamatthukiwa oosareya oweherera, muhokoleele vanipuroniwanyu noolipihiwaxa. Vaanaanova kinlaleiya weera kinimoorehererelani sootheene moota wa iphura.

Zakariya 9:12 Iomraidhean Croise

Yobi 42:10

Yobi aavekelenleene asinthamwenaawe, Yave aamweettiherelatho nnenesene, anamvaha iphura sa seiye aarinaawe khalayi.

Yesaya 24:22

Awosa anoothukumanyihiwa mukaliposo ntoko anamatthukiwa. Anoowaleliwa mukaliposo ni eviraleene mahuku mancipale anoottaruxiwa.

Yesaya 38:18

Vano nihiye khaningwera woottottopelani hata okhwa khooniipa icipo soowoottottopelani. Yaawo ankhuruwela mulittini khaangwera oweherera ororomeleyawanyu.

Yesaya 40:2

Mwalipihe murima oYerusaleemu ni mwalaleiye weera ehuhuwaaya yoovihaxa yoomala, weera sootthekasaya sooliviwa ni weera wohaakhela mmatatani mwa Yave ottaruxiwa iphura niwoko na sootthekasaya.

Yesaya 49:9

Vano nyuwo munooweerela anamatthukiwa: ‘Mukhume’ ni wa yaale ankhala mpiphini: ‘Ngwe ngwaarani.’ Awosa anookhala moocihamo mukerekhere musewe ni anoophwanya sooca mmattumuxani ootheene yahaamelamo etthu.

Yesaya 52:2

Mutathele ottai ntthupinanyu, Ii! oYerusaleemu, mvenye ni mukilaathi vahiceni ya emwene. Ii! Mwaana muthiyana a oSiyoni, mwiitapuxe onyooro ori muxikomwanyu.

Yesaya 61:7

Mulokwaaka onimwaakhela iphura sa ettima vanipuroni na oyevihiwa ni onoohakalalela yoohiyeriwaaya vanipuroni na wuulihiheya muru. Hiiho onimwaakhela iphura sa mweelaponimwaya ni ohakalala woohimala onookhala wawaya.

Yeremiya 14:8

Ii! Oweherera wa oYixrayeli ni Mvuluxaaya mweehuhuni yoovalaveliha, heeni munkhalaanyu ntoko namarwa mweelaponi, ntoko namukwaha omviriha ohiyu mmoha paahi?

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 17:13

Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 31:17

Tivawo ekhanlaaya yooweherera wa muhoolomwanyu,” onghima Yave. “Anamwaniinyu anoohokoleela elapwaaya xaxaxa.

Yeremiya 31:6

Vano nnoophiyera nihuku anamalipelela eneeraaya ekhuwele mmattumuxani a wEfrayimi: ‘Nrowe, niwele oSiyoni, vamaithoni wa Yave Mulukwaahu.’”

Yeremiya 50:28

Ngwiiwe anamatthawa ni yaale atthangwe ekhumaka oBabiloniya, elaleiyaka oSiyoni moota Yave, Mulukwaahu, iinlenlaawe ikukuttula, aani iinlenlaawe Empaawe.

Yeremiya 51:10

‘Yave oonaakiha; nrowe, nathalihe oSiyoni yeeyo Yave, Mulukwaahu opankaawe.’

Ezekiyeli 37:11

Vano Owo aakeerela: “Mwaana a mutthu, makhuva ala ti muloko wootheene wa oYixrayeli. Awosa aneera: ‘Makhuvaahu ahuuma ni owehererawahu woolakaseya; vano, noomalamalihiwa.’

Hoxeya 2:15

Weiwo, kinkela waahokoloxera imattasaya sa iwuuva*, ni kinookhaliha oreyareyani wa Akori mulako wa oweherera. Weiwo, awo eniyiipe ntoko mmahukuni a omiravowaaya, aani ntoko nihuku yaakhummaaya wExipitu.”

Yoweli 3:16

Yave anaatturume oSiyoni; nsunawe nniiwiwe oYerusaleemu. Erimu ni vathi eniitetereye, mene Yave anaakhale Wootthawelawo mulokwaawe; aani Nipuro Noolipaxa na aYixrayeli.”

Mikeyasi 4:8

Ii! Etoore* ya muhuwo, wa nyuwo muri woolipawo wa mwaana muthiyana a oSiyoni, munoohokoloxeriwa olamulawanyu wa khalayi; omwene onoohokoleela wa esidade ya oYerusaleemu.”

Nahumi 1:7

Yave ti ooreera murima; wootthawelawo mweehuhuni ya ohaawaxa. Owo ongwaakiha yaawo animuroromela.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

aHeberi 6:19

Nookhalano oweherera wu ntoko nipuro noolipihiwa mookuminimwahu, noolipa nnenesene. Nroromelo nna nimvolowa mpuwa mwa empa yootteela mpaka wiithela wa ekuwo etokotoko,