Zakariya 8:16 - Emakhuwa Bible

¹⁶ Itthu sintthuneya opaka ti iya: Muulumelaneke ni muthorihe ekhaikhai munuulumaanyumo milattu.

Zakariya 8:16 Iomraidhean Croise

Icipo 15:2

Yoowo oneetta moota wookwanela apakaka yeeyo eri yoororomeleya ni onuuluma ekhaikhai mmurimanimwawe.

Icipo 34:15

Yave ongwoona yaale ari oororomeleya ni Owo onimwiiwa okhuwelawaya.

Masu a Miruku 12:17

Namoona a nnene onkhalela onamoona woororomeleya, vaheera namoona oohiroromeleya onthaliha soowootha.

Masu a Miruku 12:19

Iyano singhima ekhaikhai simpwaherera mahuku ootheene, vaheera nlumi noowootha ninkhala ehuhu vakhaani.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 22:3

Yave oneera ha: Mpake yeeyo eri ya ekhaikhai ni yoororomeleya. Mmoopole mmatatani mwa namahasula yoole ohuhuliwe. Muhimupakeleru yoonanara hata nihasu namarwa, akhwaasuni naari asinaamukhweli ni muhimwiiveleru oohinthowa vanipuroni nna.

Ezekiyeli 18:8

Owo khankoongoriha eerelaka owina musurukhu hata khankokoca eerelaka iphura. Owo onghuluxa ntatanawe weera nihipake soonanara, athorihaka ni ekhaikhai eriyari ya atthu eeli.

Ezekiyeli 45:9

Yave onlamula sootheene, oneera ha: Ii! Anamwane a mamwene a oYixrayeli, nyuwosa mootepihaxa paahi! Muhiye nipuheronanyu, nihasunanyu ni mpake yeeyo eri yoororomeleya ni yoowookoleleya. Muhiyerere okuxa yeeyo eri ya mulokwaaka,’ onghima Yave onlamula sootheene.

Levitiku 19:11

Muhiiye, muhoothe; muhilokotthane.

Amosi 5:15

Muthanye yoonanara; musivele mpuha. Mukhalihe ekhaikhai munuulummwa milattu. Apaale Yave, Muluku a ikuru sootheene, anaamorele ikharari yaawo ahalahanle a Yoseefe.

Amosi 5:24

Ohiya yeeyo, wookoleleya otthimake ntoko mooloko, ekhaikhai ntoko nxaapwa nihingwelelaru!

Mikeyasi 6:12

Anamapuhaaya ti anamapuhera; mulokwaaya ti woowootha ni malumaaya anuuluma moolokotthani.

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Zefaniya 3:13

Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Zakariya 7:9

“Yave a ikuru sootheene oneera ha: ‘Mpake ekhaikhai moota woororomeleya, mmorelaneke ikharari, mooniheranaka murima wooreera.

Zakariya 8:19

Yave a ikuru sootheene oneera ha: ‘Otthuka wa mweeri wanaaxexe, wanaathanu, wanaathannamiili ni wanaamuloko onoothatuwa ihuhu soohakalalaxa ni ifesta soosareya ohakalala wa oYuda. Tivawo, musivele ekhaikhai ni murettele.’

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Matheyo 5:9

Ooreelihiwa ti yaale ampaka murettele variyari wa atthu, niwoko eniyiitthaniwe anamwane a Muluku.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

awEfeso 4:25

Tivawo khula mutthu a nyuwo ahiye wootha ni uulume ekhaikhai wa mukhwaawe, niwoko ootheene nri mipatta sa erutthu emoharu yeeyo.

1 aTesalonika 4:6

Mwaha wa yeeyo, ahikhale mukina aneera amutthekele munneiye, naari ampakele yoonanara. Apwiya eniittaruxe miteko sootheene iyo, ntoko nooleenlaahuni nnenesene,

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”