Zakariya 8:13 - Emakhuwa Bible

¹³ Ii! Yuda ni Yixrayeli, mooteene yoowo mwaalaphiwaanyu variyari wa miloko, hiihotho Miyo kinimoovuluxani ni munookhala nreeliho. Muhoove ni mukhale toko oolipeene.’

Zakariya 8:13 Iomraidhean Croise

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Icipo 44:16

niwoko na matthebwa a yaale ankuuluma ni ankithanya, aani, niwoko na amwiittana ankiinlela ikukuttula.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Icipo 79:4

Vamaithoni wa aximwaattamanaahu hiyo noothatuwa mutheelelowaaya, aani awosa aanitheya ni aaniruwana.

Yesaya 43:28

Tivawo kineeraaka kiwuulihihe muru asitokweene a Empa ya Yave ni kimmwinnyerera Yakobe moophwatiwani ni oYixrayeli mootheiwani.”

Yeremiya 24:9

Miyo kinimwaatatuxa etthu yoowoopopihera ni ya mwiikho wa omwene wootheene wa mulaponi. Khula nipuro kineeraaka kiwoomolele, anoothanliwa, anootthebwiwa, animuulihiwa muru ni anoolaphiwa.

Yeremiya 25:18

Yerusaleemu ni mittetthe sa oYuda, mamwenaaya ni ahoolelaaya, weera seiyo ehiye ttewu ni moopopihero, otthebwiwa ni nlapho ntoko eneereyaaya olelo;

Yeremiya 26:6

Vano Empa ya Muluku ela kinoopakela yeeyo kipakenlaaka Nipuro Nootteela* na oSilo ni esidade ela kinoopakelatho etthu ya nlapho eriyari ya miloko sootheene sa mulaponi.’ ”

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 33:24

“Nyuwo mohoona weera atthu ala aneera weera Yave ookhootta imwene piili aathanlalaawe! Tivawo ahinoonelaaya mulokwaaka ni ahimpwatthelaaya ntoko muloko.

Yeremiya 42:18

Yave a ikuru sootheene, Muluku a oYixrayeli oneera ha: ‘Mooteene yoowo onyoonyiwawaka oyeeheriwaaya oYerusaleemu, isarasakatho munooyeeheriwa nyuwosa, mwaarowaka wExipitu. Nyuwosa munookhala eneneero ya nlapho ni moopopihero, woonyooserano ni otthebwiwa. Nyuwosa khamoonatho nipuro nna.’

Yeremiya 44:12

Kinoomvenxa oohalahala a oYuda, aalakenle orowa okhala wExipitu. Ootheene awosa anookhwela wExipitu; animwiiviwa ni ekatana hoye hoye etala. Okhuma mukhaani mpaka mutokweene, animwiiviwa ni ekatana hoye hoye etala. Awosa anoothatuwa eneneero ya nlapho ni moopopihero, onyoosiwa ni otthebwiwa.

Yeremiya 44:22

Yave ahiweraka ovilelatho sootakhalasanyu ni ipakelo soohiirasanyu, elapwaanyu yoophwateya ni yoohiiwa ttewu, yoothatuwa nlapho ni kheemakiwe, ntoko onooneyaaya olelo.

Icipo Soolalamika 4:15

“Mususeke! Nyuwosa khamutteenle!” muloko onaakhuwelelasa yaawosa! “Mususe, muhinitave!” Awosa yaatthawaka ni yeettaka oothweeleleene, miloko sa ilapo sikina sineera: “Awosa ehimakase va.”

Ezekiyeli 34:26

Miyo kinooreeliha seiyo vamoha ni mapuro arukureenre nttumuxanaka. Kinoorupiha epula mweehuhunimwaya; enookhala epula ya mareeliho.

Ezekiyeli 37:11

Vano Owo aakeerela: “Mwaana a mutthu, makhuva ala ti muloko wootheene wa oYixrayeli. Awosa aneera: ‘Makhuvaahu ahuuma ni owehererawahu woolakaseya; vano, noomalamalihiwa.’

Ezekiyeli 5:15

Miyo koottaruxakani nyuwo musarani, moonyoonyiwani ni moohiihani, nyuwo munookhala mutheelelo ni yootthebwano, moopererelo ni yootannyera otteenguwa wa miloko soorukureenreni. Ti Miyo, Yave, kuulumme.

Daniyeli 9:11

aYixrayeli ootheene aahiya nlamulonanyu, enahapuwa, ekhoottaka owiiwelelani. Tivawo malapho ni mahooxo alempwale munlamuloni na Moisesi, murumeiyi a Muluku, animorenlaaya, niwoko nohootthekelani Nyuwo.

Mikeyasi 5:7

Oohalahala a oYixrayeli anookhala eriyari ya miloko sincipale, ntoko nikame na mpatta wa Yave, aani, ntoko epula yincipale enrupela munnyepuni; kheeningweherera mutthu, hata kheenkhalela omutthu.

Zefaniya 3:16

Nihuku nno onimweereliwa Yerusaleemu: “Ii! Siyoni, muhoove; muhihiye matataanyu etteenguwaka.

Zefaniya 3:20

Ehuhuweene yeeyo, Miyo kinimoothukumanyihani; ehuhuweene yeeyo, Miyo kinimoohokoloxerani owaani. Miyo kinimoovahani nttittimiho ni ovuwa eriyari ya miloko sootheene sa mulaponi, kaarehereraka oreeriwawanyu vamaithoniwanyu,” oneera Yave.

Axewu 2:19

Vatathani wookhala nlelo mmiso? Mpaka olelo evideira*, mwiri wa ifiigu, mwiri wa eromazera* ni wa sooliveira* khasiimale soowiima. Vaheera, okhuma olelo mpaka muhoolo, kinimooreelihasani.”

Axewu 2:5

‘Wu ti wiiraana kipankaaka ni nyuwosa mukhumaleene wExipitu; Munepaaka ori eriyaraanyu. Muhoovase.’

Zakariya 1:19

Miyo kaamukoha ndyelo uuluma ni miyo: “Iheeni iya?” Owo aakaakhula: “Ala ti manyaka amwaranxe oYuda, oYixrayeli ni oYerusaleemu.”

Zakariya 14:11

oYerusaleemu onoomakiwa; khoorwaru ophwatiwa. Iwo onookhala woolipeene.

Zakariya 8:15

‘hiihotho vano koolakela opakela nnene oYerusaleemu ni oYuda. Muhoove.

Zakariya 8:9

Yave a ikuru sootheene oneera ha: ‘Nyuwosa muniiwa masu ala olelo ahimmwale ni maprofeeti yaapaceriwaaya mathipelo a Empa ya Yave a ikuru sootheene, mukhale nyoono wii weera Empa ya Yave etekiwe.

Zakariya 9:13

Miyo kaakungaka oYuda ntoko onkungeliwaaya muura, kivarelaka muteko wEfrayimi ntoko muupa, kinoopakiha weera anamwane asilopwana a oSiyoni yaavenyere anamwane asilopwana a oGresiya ni kinoopaka oSiyoni ntoko ekatana ya nakhotto ooweraxa.

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

aGalata 3:14

Aapakenle yeeyo weera, niwoko na Yoowo, nreeliho na Abrahaamu niphiyetho wa amalapo nitho weera hiyo naakhele munroromeloni yoororomelihiwa ya Munepa.

Deuteronomiyo 26:19

Owo oohima weera onimoowelihani moovuwani epiili ni nttittimiho ntokotoko opwaha miloko sootheene opankaawe. Mmwikhale muloko wootteeliheriwa Yave Mulukwaanyu, ntoko aaroromelinghaawe.

Deuteronomiyo 28:37

Mmwikhale oottiyeya iphumu, ootthebwiwa ni ootheiwa wa miloko sootheene weiwo aneerawe oorongheni Yave.