Zakariya 8:12 - Emakhuwa Bible

¹² Onimwaattaxa mmiso ni imatta sa iwuuva* sinooruwera soowiimasaya, etthaya enooruwera soohephasaya ni erimu enimwiimiha nikame. Kinimwaavaha itthu sootheene iya yaawo ahalahanle a muloko ola.

Zakariya 8:12 Iomraidhean Croise

Epacerero 26:12

Isaki, mweelapweene yeele, aahaala mmatta ni aahepha eyaakheene yeele miringosene ncira sa seiyo aanlaawe, niwoko Yave aamureeliha.

Epacerero 27:28

Muluku oovahe nikame na wiirimu ni ohepha wooreera wa vatthayani, aani, waatta wa etrigu ni eviinyu.

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

Icipo 72:3

Nyaako siruuhele mpuha muloko ni mattumuxa eruuhele soowiima sa ororomeleya.

Icipo 85:12

Vekhaikhai, Yave onoovaha yeeyo eri yooreera ni elapwaahu enooruwera soohephasaya.

Masu a Miruku 19:12

Isara sa mwene siri ntoko murika wa mwatto, vaheera onnenaawe ori ntoko nikame mmalaxini.

Yesaya 30:23

Owo onimooruuhelanitho epula wa mmiso muneeraanyu mwaale ni etthaya enooruwera yooca yoowaatta. Vanihukuni nenenenno mihuwosanyu sinimooca moowaatta.

Yesaya 61:7

Mulokwaaka onimwaakhela iphura sa ettima vanipuroni na oyevihiwa ni onoohakalalela yoohiyeriwaaya vanipuroni na wuulihiheya muru. Hiiho onimwaakhela iphura sa mweelaponimwaya ni ohakalala woohimala onookhala wawaya.

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Ezekiyeli 34:28

Kheehuhuliwatho ni miloko, hata kheenyaanyiwa ni axinama a mutuphini. Eniikhale oolipeene, ni khaawo anaawoopopihe.

Ezekiyeli 36:12

Nyuwosa mulokwaaka wa oYixrayeli, kinoopakiha weera muhokoleeletho mulaponimwanyu, weera mwakhalemotho. Elapo eyo enookhalatho yawinyu ni khangwiiyeratho anamwanaaya.

Ezekiyeli 36:30

Kinimwaandyeerera soowiima sa nyiri, ni soohepha sa mmatta, moota wooweera nyuwo khamuhaawatho wuulihiheya muru eriyari ya miloko niwoko na etala.

Ezekiyeli 36:9

Kinootthukuruwelasani nyuwo, ni nkoowehaseni ni murima wooreera; nyuwosa mmwittipurasiwe ni mmwaaliwe,

Hoxeya 13:3

Tivawo eneeraaya ekhale ntoko ekasikasi ya oxeexelo, aani ntoko nikame nnaakuva omora, ntoko makamba ekuxakuxiweene muyuupuruni ekhumaka wamveereliwa etrigu, ntoko mwiixi ontthuwa vaxanelani.

Hoxeya 14:5

Miyo kinookhalela oYixrayeli ntoko nikame; iwo onoottuva ntoko ethutu. Aani, ntoko esidari* ya oLebanoni, sinoorakamelaxa mikwankhwaarisaya;

Yoweli 2:19

Yave onaakhula: “Kinimooruuhelani etrigu, eviinyu enyowani ni makhura mancipale mpaka sineeraaya sookwaneeni. Nkirwatho kitthunihera weera miloko sikina sootthebweeni.

Yoweli 2:22

Axinama a ntuphini, muhoove, niwoko malaxi muncaanyu eneera ephuwaka. Nyiri sineera siimaka; aani nyiri sa efiigu* ni imatta sa iwuuva* siri nyeya nyeya.

Levitiku 26:3

Nyuwosa mwatthara ikanosaka ni mwiiwelela malamulowaaka,

Zefaniya 3:13

Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Axewu 1:10

Tivawo, niwoko na nyuwosa, erimu ehiimihalaaya nikame ni etthaya ehiyalaaya wiimiha soowiimasaya.

Axewu 2:18

“Okhuma olelo, nihuku nanaamiloko miili ni maxexe na mweeri wanaathannamixexe, moonelemo nihuku na mathipelo a Empa ya Yave yaapakingwaaya, aani muupuwele nnene:

Axewu 2:19

Vatathani wookhala nlelo mmiso? Mpaka olelo evideira*, mwiri wa ifiigu, mwiri wa eromazera* ni wa sooliveira* khasiimale soowiima. Vaheera, okhuma olelo mpaka muhoolo, kinimooreelihasani.”

Zakariya 8:6

Yave a ikuru sootheene oneera ha: ‘Wa yaale eniihalahale a mulokwaaka apaale enimwaakhalela ntoko yoohiwereya, mene khoohiyoni wa Miyo,’ onghima Yave a ikuru sootheene.

Malekiya 3:11

Kinimooceeliha mahooxo ohonona soohepha, ni iwuuva* sinimwiima soowiimasaya mweehuhunimwaya,” oneera Yave a ikuru sootheene.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

1 aKorinto 3:21

Tivawo, ahikhale mukina aneera avuwihe mwa atthu. Itthu sootheene ti sawinyu –

Deuteronomiyo 32:2

Nihusihonaka nirupe ntoko epula ni maswaaka yiime ntoko nikame, mooteene yoowo onrupeliwaaya munyepu, ntoko kanyenye mmaphuwani.

Deuteronomiyo 33:13

Wa Yoseefe aaheera: “Yave areelihe elapwaawe ni nikame nooreeraxa ninrweela osulu, wiirimu. Areelihetho maahi moowiixera;

Deuteronomiyo 33:28

Hiiho aYixrayeli anookhala oomaaleleya; naattuuttu a Yakobe ori oolipeene mweelaponi ya etrigu ni eviinyu enyowani mwa mwemmo ninttonyeraayamo nikame na wiirimu.

Yakobe 3:18

Yoowiima ya ekhaikhai enaaliwa mmuretteleni ni yaale ampaka murettele.