Zakariya 7:7 - Emakhuwa Bible

⁷ Ankha masu Yave aalaleiyaawe mwa maprofeeti a khalayi ehuhuweene yeele oYerusaleemu ni mittetthe sa mukhwipimwaya saaraaya ngwiitthuuwani ni moopuhani ni oNegeba ni ilapo sa vathi wa nyaako saahiitekiha?’”

Zakariya 7:7 Iomraidhean Croise

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yeremiya 13:19

Isidade sa oNegeba sinoowaliwa ni khawoworu aneera awere ohula. aYuda ootheene anooroihiwa wootthukiwani; aani anooroihiwa ottaiwene.

Yeremiya 17:26

Atthu animoowa erweelaka mmittettheni sa oYuda ni sirukureenre oYerusaleemu, mweelaponi ya oBenyamini, ilapo sa vathi wa nyaako, elapo ya oNegeba, eruuhaka Mpaani mwa Yave sooveleela soohisa ni sooveleela sa etrigu, erubani* ni sootthapela.

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 32:44

Imatta sinoothummwa ni eparatha*, ni soolempwa sinoottittiwa silipihiwaka ohoolo wa anamoona mulaponi mwa Benyamini, mmittettheni sirukureenre oYerusaleemu, mmasidadeni sa oYuda, ni sa mmanyaakoni, sa vathi wa mmanyaakoni ni oNegeba, niwoko Miyo kinooreherera oreereliwawaya, onghima Yave.”

Yeremiya 33:13

Okhuma mmasidadeni sa mmanyaakoni, sa vathi wa mmanyaakoni, oNegeba ni mulaponi mwa Benyamini, mpaka mmittettheni simurukureenre Yerusaleemu ni mmasidadeni sa oYuda, sinooviramotho ikhondoolo mmatatani mwa yoole onaalikela,’ oneera Yave.”

Yeremiya 44:4

Emaara ti emaara Miyo kannoorumihelani arumeiyaaka, maprofeeti, yeera: ‘Muhipake etthu ela ya mwiikho yoothanyeya!’

Yeremiya 7:23

Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Yeremiya 7:5

Nyuwosa vekhaikhai mwaceendya mweettelowaanyu ni mitekosanyu ni mwapakelana ekhaikhai,

Zakariya 7:12

Yaahuumiha mirimasaya ehitthunaka wiiwa malamulo hata masu Yave a ikuru sootheene uulumaawe mwa Munepaawe mmwaano mwa maprofeeti a khalayi. Tivawo Yave a ikuru sootheene aanyoonyaxiwaawe.

Zakariya 7:6

Ni mwaacaanyu ni mwaawuraanyu, khamwiipakela asineenaanyu?

Zakariya 7:8

Yave aahuulumatho ni Zakariya amweerelaka:

Deuteronomiyo 34:3

oNegeba ni elapo yootheene okhuma oreyareyani na oYeriko, esidade ya Mavare mpaka oZowari.