Zakariya 7:14 - Emakhuwa Bible

¹⁴ ‘Kaahaamwaraxela muyuupuruni variyari wa miloko, mwa weiwo yaakhalaayawo ntoko anamarwa. Elapo yaahiiwa yoothaamiweene moota wooweera khaawo aawera ophutulamo. Ti hiiho yaatatunxaaya milepe elapo yooreera.’”

Zakariya 7:14 Iomraidhean Croise

2 Nyaha 36:21

Elapo yaahuleleya wiitthuuwa wa iSaabadu; yaahiitthuuwa mweehuhuni yootheene ya oheleya nthala, mpaka ophiyera iyaakha miloko mithannamiili, ekwanihereyaka masu a Yave, yaahimmwale mwa Yeremiya.

Icipo 58:9

Sihinaaye ikarikhosaya okukheliwa mooro wa ikhuuni ikitthi hoye hoye soowuuma, atakhali ekweseriwe ottaiwene.

Yesaya 17:13

Naari miloko sirumaka ntoko maahi oowuupa, Owo aahiihaka, iyo sinootthawela ottai, sivavihiwaka ni epheyo ntoko makamba mmattumuxani, ntoko ntthupi ninkuxiwa ni eyuupuru.

Yesaya 21:1

Masu mwaha wa Nikare na ephareiya ti ala: Ntoko iyuupuru siviraka elapo ya oNegeba, amwiittana anrweela munikareni, mweelaponi yoowoova.

Yesaya 60:15

Naari muhiiwaka ni muthanyiwaka ahikhalaka ontthuna oviraviramo, kinimookhalihani ovuwa woohimala ni ohakalala wa ikhapira sootheene.

Yesaya 66:15

Moone, Yave ongwa ni mooro ni ikaarosawe sa ikavalu* siri ntoko eyuupuru. Onooruuhela vathi onyoonyiwawawe ni isara ni ohiihawawe ni malumi a mooro.

Yeremiya 12:10

Akukhuli ancipale aananariha emattaaka ya iwuuva* enyikhalelaka yeeyo; awosa aatatuxa emattaaka yooreeraxa nikare noophwatiwa.

Yeremiya 23:19

Moone ettheku ya Yave! Onyoonyiwawawe wootaphuwa! Eyuupuru enlukama mmuru wa atakhali.

Yeremiya 30:23

Moone, ettheku ya Yave! Onyoonyiwawawe wookurukuttuwa! Eyuupuru emmorela mmuru mwa atakhali.

Yeremiya 36:19

Ahooleli yaamweerela Baruki: “Mwiipithe nyuwo nitho Yeremiya; ni ahikhale anaasuwele muraanyuwo.”

Yeremiya 44:6

Tivawo, onyoonyiwawaka oyeehereiyaaya ni ohinsaaya isidade sa oYuda ni misewe sa oYerusaleemu, othatuwaka mathala ttewu mpaka olelo.

Yeremiya 5:15

Ii! Ipuumba sa oYixrayeli,” onghima Yave, “kinooruuhelani muloko wa ottai weera woowananeni – muloko wa khalayi ni woohiwineya, mwa yoowo muhisuwenlaanyu nuulumonaya hata muhiniiwexexaanyu onghimaaya.

Yeremiya 52:30

vayaakhani yanaamiloko miili ni tthaaru, aYuda 745 yaaronghiwe wootthukiwani ni mutokweene a anamalipelela a emwene, Nebuzaradani. Ootheene awo yaari aYuda 4 600.

Ezekiyeli 12:19

Mweerele muloko wa mulaponi weera Yave onlamula sootheene oneera ha mwaha wa yaale ankhala oYerusaleemu ni oYixrayeli: ‘Awosa animooca yoocaaya moohaawelani ni anoowura maahaaya moohiwehererani, niwoko sootheene siri mulaponimwaya animwaakhiwamo mwaha wa nipuhero na yaawo ankhalamo.

Ezekiyeli 22:15

Kinoowoomolani eriyari ya miloko koomwaraxelekeni mulaponi; kinoomaliha woomalela ohitteelawanyu.

Ezekiyeli 5:10

Tivawo, eriyaraanyu, eniyeereye weera asitiithi eniyaakhuure anamwanaaya ni anamwane eniyaakhuure asitithaya. Kinimoottaruxani kaamwaraxeleke mipatta sootheene sa mpheyoni yaawo eniyaahalele.

Daniyeli 8:9

Vannyakani nimoha a yaawo naakhuma nikina nikhaani, mene naahunnuwa woowaakuveya mukuruni niwehaka mpatta wa ohitto, ninkhuma nsuwa ni wa Elapo Yooreeraxa.

Hoxeya 9:17

Mulukwaaka onimwaakhootta niwoko khaamwiiwale; anookhala anamaxoraxora eriyari ya miloko.

Yoweli 2:3

Ohoolowaya mooro onnahisa ni ottuliwaya amvarela malumi a mooro. Ohoolowayasatho elapo eri ntoko ematta ya wEdeni, ottuliwaya ntoko nikare noohikhala etthu; kheewo eniyaakuze.

Levitiku 26:22

Kinimoorumihelani axinama a ntuphini eneera ewiive anamwaniinyu, kimalamalihaka mihuwosanyu, koovukulakani mpaka iphirosanyu sinoowalana.

Levitiku 26:33

Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru.

Amosi 1:14

Tivawo kineeraaka kirumihele mooro ixiri sa oRaba olaliheke moolipamwaya. Vano vanihukuni na owana onimwiiwanyeya okhuweliwa wa ekhotto, yoopaxaka epheyo yoowuupaxa vanihukuni na ettheku.

Nahumi 1:3

Yave ti oopixaxa murima ni a ikuruxa; Owo khanimuhiya woohimuttaruxa nanthowa. Ephirowaawe eri muyuupuruni ni mutthekuni; mahutte ti ari ntthupi na inaawosawe.

Habakuki 3:14

Mwaamuthorola ni nivakanawe muneenaawe, anakhottwaawe ekhumaka weera enimwaramwaxe. Yaakhuma enitthukuruwelaka oohakalaleene weera yiive ahikhalaka ompwattha.

Zefaniya 3:6

“Koomalamaliha miloko; moolipamwaya woophwateya. Misewesaya kihiyale mathalaru ni khawoworu omvirawo. Isidadesaya soophwatiwa; khawoworu ohalahanle; khawoworu!

Zakariya 2:6

Ngweeke, ngweeke, mutthawe mweelaponi ya ottuttuwani,” onghima Yave, “niwoko kohoomwaraxelani mipatta mixexe sa mulaponi, onghima Yave.

Zakariya 8:1

Yave a ikuru sootheene aahuulumatho ni miyo akeerelaka:

Zakariya 9:14

Vano Yave onimwiixoonihera wa yaawo; muupaawe onootutha ntoko overinya. Yave onlamula sootheene onimwiipa nipalapatta; Owo onimweetta mutthekuni ya ohitto;

Deuteronomiyo 28:33

Muloko muhisuwenlaanyu onuuce sooruwera sa elapwaanyu ni mitekosanyu sootheene ni nyuwosa mmwihasuliwe woonanara mahuku ootheene.

Deuteronomiyo 28:49

Yave anootannyereleni muloko wa ottai weera woorweelaseni ntoko xaaka atthunaka ovara; muloko muneeraanyu muhiiweke nuulumonaya.

Deuteronomiyo 28:64

Vano Yave onimoomwaraxelani mmilokoni sa mipatta sootheene sa elapo. Weiwo mmwalape miluku sikina sipakiwe sa mwiri ni maluku mwa seiyo nyuwosa hata makholowaanyu mwahaasuwenlaanyu.

Deuteronomiyo 4:27

Yave onimoomwaraxelani variyari wa miloko, eniihale paahi akina akina a nyuwosa variyari wa miloko mwa weiwo Yave aneeraawe awoomoleleni.