Zakariya 7:11 - Emakhuwa Bible

¹¹ Vaheera yaakhootta opwattha; ni murima woowuuma yaahoorerani ettuli, ekhalaka attiyamaaru.

Zakariya 7:11 Iomraidhean Croise

2 Nyaha 33:10

Yave aahuuluma ni Manaxe ni mulokwaawe, mene khayaampwatthelanse.

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Nehemiya 9:29

Nyuwo mwaawooperera weera ehokoleele Nlamulonanyu, mene awosa yaahiixoona ehiiwelelaka malamulowaanyu. Yaatthekela ikanosanyu, mwa seiyo sintthuneya wiiwelela weera ekhale ni okumi. Ni murima woowuuma yaahoorerani ettuli, ekhalaka attiyamaaru, ehitthunaka owiiwani.

Okhuma 10:3

Moisesi ni Aharoni yaarowa wa Farawu* emweerelaka: “Yave, Muluku a aHeberi eenre ha: ‘Mpaka yaakhani mukhoottaka wiiyeviha ohoolowaka? Muhiyeke mulokwaaka weera wakilape!

Yesaya 28:12

Owo aaheera: “Nna nipuro noowiitthuuwa – munghiye ookhulumuwa iitthuuweke”; ni “nna nipuro noomumulela,” vaheera awosa khayaatthunne wiiwa.

Yesaya 46:12

Mukiiwe nyuwosa muri attiyamaaru ni ottaiwene wa ororomeleya!

Yesaya 6:10

Muumihe mirima sa muloko owo; mwaattiyanihe maaruwaaya ni mwaawale maithwaaya. Mwaahipaka yeeyo, owo onimoona ni maithowaaya, onimwiiwa ni maaruwaaya ni onimwiiwexexa ni mirimasaya, ni vano onoorukunuwa ni onoolamihiwa.”

Yesaya 65:12

Miyo kinimoophwatasani ni ekatana ni ootheene nyuwo munimuurama weera muhitiwe. Niwoko koowiitthanani, mene khamukaakhunleru; kohuuluma, mene khamukiiwale. Moopaka soonanara vamaithoniwaka ni moothanla yeeyo ehinkisiveliha.”

Yeremiya 11:10

Awosa aahokoleela soottheka sa makholowaaya mwa yaawo yaakhoontte wiiwelela maswaaka, ettharaka miluku sikina weera erumeele. Ipuumba sootheene sa oYixrayeli ni sa oYuda khasiiwelenle wiiraanawaka kaapakenlaaka makholowaaya.

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 17:23

Wa soothesene awosa khayaakiiwale hata khayaakipwantthe. Yaattiyamaaru ni khayaatthunne wiiwa ehaakhulelaka olakiwa.

Yeremiya 17:27

Vaheera mwaahikiiwa muhitteelihaka eSaabadu, mvirihaka yoolemela mmilakoni sa oYerusaleemu vanihukuni na eSaabadu, vano kinoopattiha mooro woohimala mmilakonimwaya oneera ohise moolipamwaya oYerusaleemu.’ ”

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 36:31

Miyo kinoomuttaruxa yoowo, anamwanaawe ni anamalakaawe niwoko na sootthekasawe. Kinimwaaruuhelasa awo, amaki a oYerusaleemu ni atthu a oYuda erisa yootheene kaalakelenlaaka, yeenre ehikipwattha.’”

Yeremiya 42:21

Miyo kohooleelani olelo vaava, yeeyo Yave, Mulukwaanyu, okilamulenlaawe wooleelani, vaheera nyuwosa khamummwiiwelela moota wookwanela.

Yeremiya 44:16

“Hiyo khanipwatthelaru munnivahaanyu mwa Nsina na Yave!

Yeremiya 5:21

Mwiiwe yeeyo muloko wa ololo ni woohimiruku orino maitho, ohoonaka ni maaru, ohiiwaka:

Yeremiya 5:3

ii! Yave, maithwaanyu anaasaasa ekhaikhai. Nyuwo mwaahaavulaliha, mene awosa khayoonne ovoreya; mwaahaattaruxa, mene yaakhoottha olakiwa. Yaahuumihaxa mirimasaya, ekhoottaka orukunxa murima.

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Ezekiyeli 14:5

Nkipakele yeeyo weera kiwinetho murima wa muloko wa aYixrayeli mwa yoowo okihiyale okaakakhanyihaka ni miluku sikina.’

Ezekiyeli 3:7

Vaheera muloko wa aYixrayeli khoontthuna owiiwani niwoko owo khoontthuna okiiwa. Vano muloko wootheene wohuumiha murima ni woottiyamaaru.

Ezekiyeli 5:6

Wa soothesene, mwa soonanarasaya, eyo yoovaanyera malamulowaaka ni ikanosaka opwaha miloko sikina sootheene sirukureenrewo. Eyo yookhootta malamulowaaka ni kheettharinghe ikanosaka.

Daniyeli 9:5

hiyo noottheka ni nookhalano nthowa. Naari atakhali ni anamavaanya; noohiya soolamulasanyu ni ikanosanyu.

Hoxeya 4:16

aYixrayeli ti oottiyamaaru, ari oohihuweya ntoko mwaaxaana a emombe oohihuweya. Moota heeni Yave aneeraawe aakukhule ntoko iputtiputthi sireene munghawalawani?

Zefaniya 3:2

Khawoworu emmwiiwaaya, ni kheentthuna wookoleliwa. Kheenimuroromela Yave, kheemmwaattamela Mulukwaaya.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Matheyo 13:15

Vano mirima sa muloko ola saathatuwa soohipwattha, waakhalano maaru oolipa ni maitho ookhuneeleya. Wahaari hiihaawo, yaahereke woona ni maitho, wiiwa ni maaru, wiiwexexa ni murima ni orukunxa murima, ni Miyo kaamwaalamiha.’

Miteko 7:51

Muloko woohiiwelela, woohiineliwa mmirimanimwanyu ni mmaarunimwanyu! Nyuwo munoolikana ni makholowaanyu – mahuku ootheene munnakhootta Munepa Wootteela!

Miteko 7:57

Vano awo yaattiyela maaru ni, ekhuwelaka ni nsu ntokotoko, ootheene yaamutuphela yoowo.

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.