Zakariya 6:13 - Emakhuwa Bible

¹³ Ti yoowo aneera ateke Empa ya Yave ni owo onoowarihiwa ni ovuwa, alamulaka akilaathiyeene vahiceniwawe ya emwene. Ni owo onookhala musaserdoti* vahiceniwawe. Vano onookhala murettele variyari wa esaserdotaawe ni emwenaawe.’

Zakariya 6:13 Iomraidhean Croise

Epacerero 14:18

Vanonto, Melkisedeki, mwene a oSalemi, aari musaserdoti* a Muluku Musulusulu, aahiixoonihera akuxaleene yooca ni eviinyu.

2 Samuweli 7:13

Ti yoowo anaakitekele Empa attittimiherelaka Nsinanaka ni kinoolipiha ehice ya omwenaawe wa mahuku ootheene.

Icipo 110:1

Yave onimweerela pwiiyaaka: “Mukilaathi moonowaaka mulopwana mpaka kineeraaka kiwiikaathi amwiittanaanyu vathi wa inaawosanyu.”

Icipo 110:4

Yave aalipela ni kharwa aceendya soowuupuwelasawe: “Nyuwo ti Mutokweenexa a asaserdoti* mahuku ootheene mmukhaleloni mwa Melkhisedeki.”

Icipo 21:4

Owo ohoovekelani okumi ni Nyuwo moomvaha – okumi woowaatta ni woohimala.

Icipo 21:5

Ovuwawawe mwene ti otokotoko niwoko na owina mumvanghaanyu. Moomukhuneelano waara ni ovuwa.

Yesaya 11:10

Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 22:24

Ovuwa wootheene wa emusaawe eniimuweheke yoowo – anamwanaawe ni osuuluwaawe; ikarumasawe sikhaani sootheene okhuma ibasiya mpaka nyaapu sootheene.

Yesaya 54:10

Naari nyaako sittikinyeyaka ni mattumuxa evenxiwaka, woosivelaniwaka woohimala khoottikinyeyaru naari wiiraanawaka wa murettele khoovenxiwa,” onghima Yave onoomorelani ikharari.

Yesaya 9:5

Iboota sootheene sa nakhotto singwareliwa mukhottoni ni soowara sootheene soosareya ephome sinoohisiwa ntoko ikhuuni vamooroni.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Yeremiya 33:15

Mmahukuni awo ni mweehuhuni eyo kinoophuwihatho Ephandi Yoororomeleya ya ekhapira ya Davide; Owo onoopaka yeeyo eri yoororomeleya ni yooreera mulaponi.

Mikeyasi 5:4

Owo onimweemela ni onookukhula muhuwaawe mukuruni sa Yave, mootokweeneni wa Nsina na Yave, Mulukwaawe. Hiiho awosa anookhala oolipeene niwoko wunnuwawawe onoophiyera elapo yootheene.

Zakariya 4:14

Vano aakeerela: “Iya sinthoonyera asilopwana eeli oothanliwa weera emurumeele Yave a elapo yootheene.”

Zakariya 4:9

“Mathipelo a Empa ela ya Yave yaaheliwe ni matata a Zerubabeli ni ti yoowo aneera amalihetho empeene yeela. Vano munoosuwela weera Yave a ikuru sootheene ti okiruminghe wa nyuwo.

Zakariya 6:11

Mukuxe eparatha* ni eyuuma yoorikaxa eyo ni mpake ecireemba ni muntthuke mutokweene a asaserdoti*, Yoxuwa, mwaana mulopwana a Yehozadaki.

aRooma 5:1

Vano, naakhuleliweene ni Muluku niwoko na nroromelo, nookhalano murettele ni Yoowo mwa Apwiyaahu Yeesu Kristu.

aKolosi 1:2

wa ootteela ni axunna oororomeleya mwa Kristu ari oKolosi: mahala wa nyuwo, ni murettele onrweela wa Muluku Atithihu.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

aHeberi 6:20

mwemmo Yeesu aavolongwaawe ntoko Muhooleli vanipuroniwahu, athatuwaka Mutokweenexa a asaserdoti* oohimala mmukhaleloni wa Melkhisedeki.

1 Pedru 3:22

owenle wiirimu ni, ori moono mulopwana wa Muluku, weiwo andyelo, elamulelo ni ikuru sootheene simmwiiwelelaaya Yoowo.

Ethupululo 3:21

Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.