Zakariya 4:6 - Emakhuwa Bible

⁶ Owo aakeerela: “Masu a Yave wa Zerubabeli ti ala: ‘Khoohiyono ni ikuru hata ni oweraxa, mene mwa Munepaaka,’ oneera Yave a ikuru sootheene.

Zakariya 4:6 Iomraidhean Croise

Epacerero 41:16

Yoseefe aamwaakhula: “Iwo khoohiyono owerawaka. Ti Muluku anaavahe aFarawu* yoowaakhula yooreerela.”

1 Mamwene 19:12

Vahoolo wa otetereya waakhala mooro, mene Yave khaakhanle mmooroni. Ni vahoolo wa mooro yaakhala epheyo yoomaaleleya ni yooriirela.

2 Nyaha 14:11

Vano Asa aamukhuwelela Yave, Mulukwaawe: “Yave, khawoworu onlikana ni Nyuwo, onaakhavihera oolosowa yaawanaka ni oolipa. Ii! Yave, Mulukwaahu, munikhavihere, niwoko nnoororomelani Nyuwo, ni nirweenle waawanano anakhotto ancipale ala mwa Nsinananyu. Ii! Yave, Nyuwo ti Mulukwaahu; muhimuhiye mutthu oowananakani.”

Ezera 2:2

Yaahokolongwe ehooliwaka ni Zerubabeli, Yexuwa, Nehemiya, Seraya, Rehelaya, Mordekai, Bilexani, Misepari, Bigevai, Rehumi ni Bahana. Masina a aYixrayeli ale ti ala:

Ezera 3:10

Anamateka epacerakaru mathipelo a Empa ya Yave, asaserdoti* ewarenleene ikuwosaya ni ekunxeene mapalapattaaya, ni aLeevi (anamwane asilopwana a Asafi) ekunxeene ikomasaya, yaakhala mmapuronimwaya weera emuttottopele Yave, ntoko Davide, mwene a oYixrayeli, aalamulenlaawe.

Ezera 5:2

Vanonto Zerubabeli, mwaana mulopwana a Xeyaletiyeli ni Yexuwa, mwaana mulopwana a Yozadaki, yaapacera orasela Empa ya Muluku oYerusaleemu. Ni maprofeeti a Muluku yaari ni yaawo yaakhaviheraka.

Icipo 33:16

Khawoworu mwene omvuluxiwa niwoko na waatta wa anakhottwaawe naari khawoworu nakhotto ooweraxa omutthawa niwoko na ikurusawe sitokotoko.

Namalaleiya 9:11

Kohoonelela etthu ekina mulaponimu: Ooweraxa otthimaka, khaangwina mahuku ootheene a otthimakawaya; oolipa khaangwina mahuku ootheene mukhottoni; asuweli khaankhalano yooca mahuku ootheene; anamiruku khaankhala mathadyiri mahuku ootheene; niwoko ehuhu ni mikhalelo sinaakhalela ootheene.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yesaya 32:15

mpaka nneeraahu nikuruxeliwe Munepa wiirimu ni nikare nithatuwe elapo yooruwereya ni imatta sooruwereya sinlikana othako.

Yesaya 34:16

Ngwehe mulivuruni mwa Yave ni musome: Soopattuxiwa sootheene iyo sinookhalawo, khaawo anaakhale meekhaawe. Vano ti eyanowaawe elamulenle ni Munepaawe onimwaathukumanyiha.

Yesaya 59:19

Okhuma ninkela nsuwa atthu animoova Nsina na Yave ni okhuma ninkhuma nsuwa onoottittimiha ovuwawawe. Vano Owo onimoowa ntoko mirupi soowoopihaxa seettihiwaka ni iphumu sa Yave.

Daniyeli 2:34

Nyuwo ngwehexexaka, nluku nimoha naakurukunduwa muneenaayaru. Naaswanya nyetto sa eyuuma ni oloko sinattikittheya.

Hoxeya 1:7

Wa soothesene, kinoopwattha ni osivela muloko wa oYuda; ni Miyo kinoovuluxa, ohikhanle mwa muura, ekatana hoye hoye mukhottoni, hata mwa ikavalu* ni anamweettihaaya, mene mwa Yave, Mulukwaaya.”

Axewu 1:1

Vanihukuni noopacera na mweeri wanaathannamosa muyaakhani yanaapiili ya olamula wa Dariyu, Yave aahuuluma mwa mprofeeti Axewu ni Zerubabeli, mwaana mulopwana a Xeyaletiyeli, guvernadori a oYuda ni Yoxuwa, mwaana mulopwana a Yehozadaki, mutokweene a asaserdoti*, eeraka:

Axewu 2:21

“Mwamuleele Zerubabeli, guvernadori a oYuda, weera Miyo kinooteterexa erimu ni etthaya.

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Nuumeru 27:16

“Ii! Dyoontte, Yave Muluku onaavaha okumi akumi ootheene athanlele mutokweene muloko ola,

awEfeso 6:17

Ngwareke ekapasete ya ovuluxiwa ni ekatana ya Munepa, eri masu a Muluku.

1 Pedru 1:12

Muluku aawoonihera weera mutthenga yaalaleiyaaya, khawaahiyono wa asineenaaya, mene wa nyuwo. Awo yaahuuluma sa itthu nyuwo mwiiwalaanyu vaanaanova wa anamalaleiya a masu ooreeraxa, mwa yaawo yuulumale ni Munepa Wootteela orumihiwe wiirimu. Siri itthu mpaka andyelo antthunaxaaya osuwela.

1 Samuweli 14:6

Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”

1 Samuweli 17:47

Ootheene ari va eniisuwele weera Yave khangwina avarelaka muteko ekatana hoye hoye nivaka. Ekhotto eri yawawe ni Owo onoowinnyererasani ootheene nyuwo mmatatanimwahu.”