Zakariya 3:9 - Emakhuwa Bible

⁹ Moone nluku kiiyaathiyaaka ohoolo wa Yoxuwa. Nno nookhalano maitho mathannameeli ni Miyo kinoolepamo yoolepa,’ oneera Yave a ikuru sootheene, ‘ni kinoovenxa soottheka sa elapo ela munihukuni nimoha.

Zakariya 3:9 Iomraidhean Croise

1 Mamwene 1:20

Pwiiyaaka mwene, aYixrayeli ootheene anoowehani nyuwo weera esuwele taani anoorandeleni omwene pwiiyaaka vahiceniwanyu.

2 Nyaha 16:9

Vano, maitho a Yave angweha elapo yootheene weera aalipihere ootheene yaawo animukhalela nthiti ni murima wootheene. Wa yeeyo, nyuwo moopaka ya ololo. Okhuma vaanaano va woorowa ohoolo, mmweereke owana ikhotto.”

Icipo 103:12

Owo onnirakameliha sootthekasahu ntoko orakamelanawaya ninkhuma nsuwa ni ninkela nsuwa.

Icipo 118:22

Nluku anamateka yaakhoonttaaya noothatuwa nluku noottittimiheyaxa.

Okhuma 28:11

Elepe masina a anamwane asilopwana a Yixrayeli mmalukuni meeli moota namalepa a maluku onlepaawe munnelani woottittelano. Vahoolowaya mutthukelele maluku muloko ni meeli vakaaxani ekhaanene muloko ni meeli a eyuuma yoorikaxa.

Okhuma 28:21

Ekhaleke maluku muloko ni meeli – nimoha wa khula nsina na anamwane asilopwana a Yixrayeli; khula nluku noolempwa ntoko munnelani woottittelano, nikhalanaka nsina nimoha na khula epuumba.

Okhuma 28:36

Mpake etthu ya malootho mararu ya eyuuma yoorikaxa ni mulepemo ntoko namalepa onlepaawe munnelani woottittelano. Mulepe ha: YOOTTEELIHERIWA YAVE.

Yesaya 28:16

Vano Yave onlamula sootheene oneera ha: “Moone, kiniikaathi nluku oSiyoni; nluku noowootiwa murima – nluku nooreeraxa noottittimiheyaxa ninkhaliha mathipelo oolipaxa; yoole onroromela nenno khattikinyeyaru.

Yeremiya 31:34

Khakhalaru mukina anaamuxuttihe mwaattamanaawe hata munneiye, eeraka: ‘Munsuwele Yave,’ niwoko ootheenaawo anookisuwela, okhuma mukhaani mpaka mutokweene,” onghima Yave. “Niwoko Miyo kinimwaalevelela soonanara ni nkuupuwelelatho sootthekasaya.”

Yeremiya 50:20

Mmahukuni awo ni mweehuhuni eyo,” onghima Yave, “sinimwaasaasiwa sootakhala sa oYixrayeli, mene khasiphwanyiwaru; mwa soottheka sa oYuda, mene khasiphwanyiwaru, niwoko kinimwaalevelela ahalahanle kineeraaka kiwuurele.

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Zakariya 3:4

Ndyelo aaweerela yaale yeemenle ohoolowawe: “Murule ikuwosawe soonanara.” Vano aamweerela Yoxuwa: “Moone, koovenxa sootthekasanyu ni kinoowarihani sa eneethi.”

Zakariya 4:10

Yaale yahoonenlemo itthu ikhaanene anoohakalalaxa, yoonaka efiiyu yooringelano mmatatani mwa Zerubabeli. Vano soomwaleela ithannapiili iya ti maitho a Yave angwehaweha elapo yootheene.”

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 6:27

Muhivarele muteko yooca emmala, mene yooca enkhala mpaka mookumini woohimala, mwa yeeyo Mwaana a mutthu anoovaheeni. Muluku Atiithi aamvaha Yoowo eneneero ya waakhuleleya.”

Miteko 4:11

Yeesu Owo ti ‘nluku nyuwo anamateka mwaakhoonttaanyu, ni naathatungwe nluku nootthuneyaxa.’

aRooma 9:33

Ntoko elempwalaaya: “Moone, Miyo kohiiyaathi oSiyoni nluku nookwattula ni noowuuwiha, mene yoowo onroromela, nenno kharwa uuliwa muru.”

2 aKorinto 1:22

ni oniyaathenre eneneero enoonihera weera nri a Yoowo, ni onihenle Munepaawe mmirimanimwahu ntoko yoororomelihiwa ya yeeyo eneera ewe.

2 aKorinto 3:3

Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu.

2 Timootheyo 2:19

Wa soothesene, nthipelo noolipaxa na Muluku ninkhala nooweemelaxa, ni nookhalihiwa ni yoolempwa ela: ‘Apwiya anaasuwela yaawo ari awaya’ ni ‘Ootheene anlapa Nsina na Apwiya, esuseke sootakhala.’

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.