Zakariya 3:1 - Emakhuwa Bible

¹ Vano ookoonihera Yoxuwa, mutokweene a asaserdoti* eemenleene ohoolo wa ndyelo a Yave ni Satana areene moonowaawe woolopwana weera amoothere.

Zakariya 3:1 Iomraidhean Croise

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Epacerero 48:16

Aani, ti Mulukweene Yoowo aari ndyelo okivulunxe wa soonanara sootheene. Ekhale oowiitthaniwa mwa nsinanaka ni masina a atithaka Abrahamu ni Isaki nitho ekhalaneke ekhapira etokotoko mweelaponimu.”

1 Nyaha 21:1

Satana aahaamorela aYixrayeli, anamutannyera Davide ompaka namalepela a muloko.

2 Nyaha 29:11

Anamwanaaka, muhikhalase oohipwatthela, niwoko Yave oothanlaleni weera mweemele ohoolowawe ni munrumeele, aani murumeele ohoolowawe ni muhise erubani*.”

Ezera 10:18

Eriyari ya ikhapira sa asaserdoti* yaathelanne ni anamarwa saari ti iya: mukhapirani mwa Yexuwa, mwaana mulopwana a Yozadaki, ni axunneiye: Mahaseiya, Eliyezeri, Yaribi ni Gedaliya.

Ezera 2:2

Yaahokolongwe ehooliwaka ni Zerubabeli, Yexuwa, Nehemiya, Seraya, Rehelaya, Mordekai, Bilexani, Misepari, Bigevai, Rehumi ni Bahana. Masina a aYixrayeli ale ti ala:

Ezera 5:2

Vanonto Zerubabeli, mwaana mulopwana a Xeyaletiyeli ni Yexuwa, mwaana mulopwana a Yozadaki, yaapacera orasela Empa ya Muluku oYerusaleemu. Ni maprofeeti a Muluku yaari ni yaawo yaakhaviheraka.

Icipo 106:23

Vano Muluku aaheera weera onimwaaphwata, mene Moisesi, oothanliwaawe, aaheemela ohoolowawe vaniproniwaya weera isara sa Muluku sihaaphwate.

Icipo 109:6

Awosa aneera: “Munthanle mulopwana oonanara weera amoothere; namoothera eemeleke moonowaawe woolopwana.”

Yeremiya 15:19

Tivawo Yave oneeraawe ha: “Mwarukunxa murimaanyu, Miyo kinimoorehererani moota wooweera mukirumeeletho. Nyuwo mwahima masu a ekhaikhai, ehikhalaka oohiphwanela, munookhala namutthengaaka. Muloko ola ohokoleeleke wa nyuwo, mene nyuwo muhirowe wa yoowo.

Ezekiyeli 44:11

Awosa erumeeleke vaNipuronivaka Nootteela* ntoko anamawehaweha a milako sa Empa ya Muluku ni evareketho muteko mwemmo; ewiiveke axinama oowaapakela sooveleela soohisa ni sooveleela sikina wa muloko ni ekhaleke ohoolo wa muloko, erumeelaka.

Ezekiyeli 44:15

Vaheera asaserdoti* ari aLeevi, a ekhapira ya Zadoki, ni akwanihenre moororomeleyani sootthuneyasaka sa Nipuronaka Nootteela*, aYixrayeli yaakihingyaaya, ekhuveeleke weera erumeele ohoolowaka; awosa anookhala ohoolowaka weera epake sooveleela sa makhura ni sa ephome, onghima Yave onlamula sootheene.

Axewu 1:1

Vanihukuni noopacera na mweeri wanaathannamosa muyaakhani yanaapiili ya olamula wa Dariyu, Yave aahuuluma mwa mprofeeti Axewu ni Zerubabeli, mwaana mulopwana a Xeyaletiyeli, guvernadori a oYuda ni Yoxuwa, mwaana mulopwana a Yehozadaki, mutokweene a asaserdoti*, eeraka:

Axewu 1:12

Vano, Zerubabeli, mwaana mulopwana a Xeyaletiyeli, Yoxuwa, mwaana mulopwana a Yehozadaki, mutokweene a asaserdoti*, ni akina yaahalahanle a muloko yaahiiwelela nsu na Yave, Mulukwaaya, niwoko na masu a mprofeeti Axewu, mwa yoowo Yave, Mulukwaawe, aamurumihenlaawe. Vanonto muloko waamoova Yave.

Axewu 2:4

Mene vano, mulipihe murima Zerubabeli,’ onghima Yave. ‘Mulipihe murima, Yoxuwa, mwaana mulopwana a Yehozadaki, mutokweene a asaserdoti*. Mulipihe murima! ootheene nyuwosa a muloko wa mulaponi ni muvare muteko,’ onghima Yave, ‘niwoko Miyo kiri ni nyuwosa,’ onghima Yave a ikuru sootheene.

Zakariya 1:13

Vano Yave aahuuluma masu ooreera ni oolipiha murima ni ndyelo uuluma ni miyo.

Zakariya 1:19

Miyo kaamukoha ndyelo uuluma ni miyo: “Iheeni iya?” Owo aakaakhula: “Ala ti manyaka amwaranxe oYuda, oYixrayeli ni oYerusaleemu.”

Zakariya 1:9

Miyo kaakoha: “Pwiiyaaka, iya iheeni?” Ndyelo uuluma ni miyo aakaakhula: “Kinoowooniherani seiyo.”

Zakariya 2:3

Vano ndyelo uuluma ni miyo aapwaha ni ndyelo mukina aarowa omukumanano,

Zakariya 3:8

Mwiiwe Yoxuwa, mutokweene a asaserdoti*, ni anamakhaviheraanyu akilaathiye ohoolowanyu – nyuwosa ti asilopwana anthoonyera itthu sineera seereiye: Kinoomuruuha murumeiyaaka, Ephuwelo.

Zakariya 4:14

Vano aakeerela: “Iya sinthoonyera asilopwana eeli oothanliwa weera emurumeele Yave a elapo yootheene.”

Zakariya 6:11

Mukuxe eparatha* ni eyuuma yoorikaxa eyo ni mpake ecireemba ni muntthuke mutokweene a asaserdoti*, Yoxuwa, mwaana mulopwana a Yehozadaki.

Malekiya 3:1

“Moone, Miyo kinoomurumiha namutthengaaka, anaareherere ephiro ohoolowaka. Hiiho, woowaakuveya Yave mummwaasaanyu onoorowa Mpaanimwawe; namutthenga a wiiraana, mwa yoowo nyuwosa munimuhaawelaanyu onimoorwa,” oneera Yave a ikuru sootheene.

Luuka 21:36

Mukhale oowehaweha mahuku ootheene, ni mvekele weera moopowe sootheene sineera sikhumelele, ni weera mweemele vamaithoni wa Mwaana a mutthu.”

Luuka 22:31

Simeyoni, Simeyoni, Satana onnavekelaxa weera ooveereni ntoko etrigu,

Deuteronomiyo 10:8

Ehuhuweene yeele Yave aathanla epuumba ya aLeevi weera yaateexe Arka* a wiiraana a Yave; yeemele vamaithoni wa Muluku erumeelaka ni weera elaleiyeke mareeliho mwa Nsinanawe, ntoko empakeyaaya olelo.

Deuteronomiyo 18:15

Yave Mulukwaanyu onookhaliherani mprofeeti ntoko miyo oothanliwa variyari wa axunninyu. Mmwiiwelele yoowo.

1 Pedru 5:8

Muhule maithwaanyu a mmunepani ni muwehawehe, niwoko mwiittanaanyu, Diyabu*, oneetta oorukureerakani, ntoko mwatto oniipa, amwaasaka taani aneeraawe angwere omukhuura.

1 Samuweli 6:20

Asilopwana a oBeti-Xemexi yaakoha: “Taani anaawere opwaherera okhala vamaithoni wa Yave, Muluku ootteela ola? Nnimurumihele taani Arka* ala weera ekhale ottaiwahu?”