Zakariya 2:8 - Emakhuwa Bible

⁸ Vano Yave a ikuru sootheene oneera ha: “Owo okirumihenle ohokoloxera ovuwawawe variyari wa miloko soohuhunleni, niwoko ootheene aneera ootannyeni onimweera wiitutha.

Zakariya 2:8 Iomraidhean Croise

Epacerero 20:6

Vano Muluku aamwaakhula moolohani: “Aani Miyo koosuwela weera weyo opanke yeeyo ni murima wootteela. Miyo muneenaaka koowooceeliha weera ohikitthekele Miyo, tivawo kihootthunihenraaka omutava.

2 Mamwene 24:2

Yave aamurumihela Yehoyakini nakhotto a oBabiloniya, wArami, oMowabe ni wAmoni weera yahuhule oYuda. Aahaarumiha weera ephwate oYuda, ntoko Yave aahimmaawe mwa arumeiyaawe maprofeeti.

Icipo 17:8

Mukikosoope ntoko oosiveleyaxaanyu; mukiipithihe mmunttuusini mwa mapuphaanyu

Masu a Miruku 7:2

Wiiwelele malamulowaaka, ni weyo onookhalano okumi; othokorore mahusihowaaka ntoko emboni ya mmaithonimwawo.

Yesaya 49:19

Naari muheleiyeene nthala ni muthaamiweene, naari elapwaanyu ereene ittuxoru, vano elapwaanyu enooyevaxa wa mulokwaanyu wootheene ni yaale yookhuuraleni anookhala ottaiwene.

Yeremiya 12:14

Yave oneera ha mwaha wa amwaattamanaaka ootheene, miloko sootakhala sinaakamela yoohiyeriwa kaavanghaaka aYixrayeli mulokwaaka: “Kinoowaakha mweelaponimwaya ni kinoovenxa oYuda eriyaraaya.

Yeremiya 27:7

Miloko sootheene nsilamuliweke ni yoowo, mwaniye ni osuulwaawe; mpaka ophiyera mahuku eneeraaya enyaatuliwe elapwaaya ni miloko sincipale ni mamwene ooweraxa.

Ezekiyeli 25:12

“Yave onlamula sootheene oneera ha: ‘Eenre Edomi iinlelaka ikukuttula muloko wa oYuda, ni mwaha wa yeeyo aniiruuhela nthowa,

Ezekiyeli 25:15

“Yave onlamula sootheene oneera ha: ‘Yeenre aFilisti epakelaka ikukuttula, soonanara sireene vamurimani, ni wiittawaya wa khalayi ohuruwela ophwata oYuda,

Ezekiyeli 26:2

“Mwaana a mutthu, eenre Tiro uulumaka sa oYerusaleemu, eeraka: ‘Eya! Mulako mutokweene wa miloko woophwatiwa, ni maselaaya aahuleya; vano owo aheleiyeene nthala, Miyo sinookeettela nnene,’

Ezekiyeli 26:20

vano, kinimookuruxelani munlittini ntoko yaale ankuruxeliwa munlittini weera yaatthare amuhakhalai. Miyo kinimwaamakiha mpuwa etthaya, ntoko mathala a khalayi, vamoha ni yaale ankuruxeliwa munlittini, ni nyuwo khamuhokoleelatho vanipuroniwanyu mulaponi mwa akumi.

Ezekiyeli 35:5

Mweenre nyuwo mwavarexexaka wiittana wa khalayi, munawinnyerera aYixrayeli mukatanani mweehuhuni naaphiyalaaya nttaruxonaya, mweehuhuni ya ehasaraaya,

Ezekiyeli 36:11

Kinoowaattiha atthu ni axinama, ni awosa anooyaranasa yaatteke. Kinimwaatekiha ntoko khalayi, ni kinooweettiherelani nnene opwaha khalayi. Hiiho, nyuwosa munoosuwela weera Miyo ti Yave.

Ezekiyeli 38:11

Nyuwo mmweere: ‘Kinoovoleela elapo ya mittetthe soohilipa; kinoowanano muloko wa murettele ni ohinghovelaru etthu, mwa weiwo onkhalaayawo musidadeni soohitekeleliwa, soohikhalano masele ni anampattika.

Ezekiyeli 38:14

Tivawo mwaana a mutthu, munthalihere otthunawaka ni mmweerele Gogi: ‘Yave onlamula sootheene oneera ha: Nihuku nno, mulokwaaka aYixrayeli waakhalaka woolipeene, weeraka nyuwo khamoona yeeyo?

Amosi 1:11

Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe.

Amosi 1:13

Yave oneera ha: “Niwoko na sootakhala sincipale seereiye wAmoni, nkirwa kihiya ottaruxa. Vano oophula irukulu sa asithiyana oorupala a oGiliyade, weera aandyeerere nyiinanosawe.

Amosi 1:9

Yave oneera ha: “Niwoko na sootakhala sincipale seereiye oTiro, nkirwa kihiya ottaruxa. Vano aathumiha muloko wootheene, yaathumiheraka awEdomi, enyoosaka wiiraana wa axunna,

Mikeyasi 4:11

Vaheera vano, miloko sincipale sohoothukumanelasani. Iyo sineera: “oYerusaleemu ohiirihiwe. Hiyo nooneke ophwatiwa wa oSiyoni.”

Mikeyasi 5:6

Awosa anoolamula elapo ya awAsiriya ni ekatana, ni elapo ya Ninrode evarenleene ekatana. Mwenaahu onoonitapuxa awAsiiriya yaavoleelaka elapwaahu, ni yaalapuwaka nyiinanosahu.

Mikeyasi 7:10

Vano mwiittanaaka anoone yeeyo uulihiheyaxeke muru, yoole aakeerenle: “Ori woowi Yave, Mulukwaanyu?” Maithwaaka animoona omorawawe; owo onoonyikalasiwa ntoko nttoko na munseweni.

Habakuki 2:17

Nipuhero mwaapakenlaanyu oLibanu nnimoophwanyani ni munoosareya woova niwoko na owiivawanyu axinama. Nyuwo mooyeeha ephome yincipale, munapuhera ilapo, isidade ni amakaaya.

Habakuki 2:8

Mweenre muhuhulaka miloko sincipale, seiyo sihalahanle sinimoohuhulani nyuwo niwoko na owiivawanyu oohinthowa. Moophwata ilapo ni isidade ni amakaaya ootheene.

Zefaniya 2:8

Kohiiwa oruwana wa aMowabe ni oveiha wa awAmoni, mwa yaawo aruwanne mulokwaaka, enawoopopiherela elapwaaya.

Zakariya 2:11

“Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Zakariya 2:9

Vekhaikhai miyo kinootheteela matata miloko moota wooweera ipotthasaya sinimwaahuhula. Vano munoosuwela weera Yave a ikuru sootheene ti okiruminghe.

Zakariya 8:5

Misewe sa esidade sinoosareya amiravo ni aximwali etheelakawo.’

Malekiya 3:1

“Moone, Miyo kinoomurumiha namutthengaaka, anaareherere ephiro ohoolowaka. Hiiho, woowaakuveya Yave mummwaasaanyu onoorowa Mpaanimwawe; namutthenga a wiiraana, mwa yoowo nyuwosa munimuhaawelaanyu onimoorwa,” oneera Yave a ikuru sootheene.

Matheyo 25:40

Mwene anaakhule: ‘Miyo kinooleelani ekhaikhai: ‘Yeeyo mwaampakenlaanyu mmoha a axunnaka ooyevaxa, mwaakipakenle Miyo.

Matheyo 25:45

Awo eniiwaakhule: ‘Miyo kinooleelani ekhaikhai: Yeeyo mwaahiyalaanyu ompakela mukina a asikhaani ala, mwaahiyatho okipakela Miyo.’

Yohaane 14:26

Namalakatho, Munepa Wootteela Atiithi eneeraaya erumihe mwa Nsinanaka, ngwooxuttiheni itthu sootheene ni onuuwuupuxereni sootheene kooleenlaakani.

Yohaane 17:18

Ntoko mwaakiruminghaanyu mweelaponi, hiihotho Miyo kohaarumiha mweelaponi.

Miteko 9:4

Owo aamorela vathi ni aahiiwa nsu naamweerela: “Sawuli, Sawuli, heeni nyuwo munkisoondaanyu?”

Deuteronomiyo 32:10

Yave aamphwanya munikareni; moowuururuwa ni yoosareya oruma wa inama sa ntuphini. Aamukhapelela nnenensene amuxuttihaka, anamukosoopa ntoko oosiveleyaxaawe.

2 aTesalonika 1:6

Ti ekhaikhai weera Muluku anaalivele ni soohooxa yaale anoohooxani nyuwo,

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.