Zakariya 2:13 - Emakhuwa Bible

¹³ Omutthu wootheene omaaleke vamaithoni wa Yave, niwoko oovenya vaNipuroninawe Nootteela*.”

Zakariya 2:13 Iomraidhean Croise

2 Nyaha 30:27

Asaserdoti* ni aLeevi yaaheemelasa weera ereelihe muloko, ni Muluku aawiiwa; mavekelowaaya yaaphiya wiirimu, woomakawawe wootteela.

Icipo 11:4

Yave ori Mpaanimwawe Yootteela; Owo onkilaathi vahiceniwawe ya wiirimu. Onnaawehaweha atthu a elapo ya vathi; maithwaawe annoona.

Icipo 46:10

Mmaaleke ni musuwele weera Miyo ti Muluku. Kinoovuwihiwa variyari wa miloko; kinoovuwihiwa mweelaponimu.

Icipo 68:5

Tiithi a akwaasuni ni Namwaakiha a asinaamukhweli ti Muluku vaNipuroniwawe Nootteela*.

Icipo 78:65

Vano Yave aavenya ntoko mulipa ookona; ntoko mulopwana omvenya ahapaliweene eviinyu.

Yesaya 14:2

Miloko sinoophwanya yoowo siroiheke mmapuronimwayaxa. Ekhapira ya Yixrayeli enoolamula miloko ntoko ipottha ilopwana ni ithiyana mweelaponi mwa Yave. Awosa animwaakhaliha anamatthukiwa anamavaraaya ni animwaalamula anamahasulaaya.

Yesaya 19:16

Vanihukuni nenenenno awExipitu anookhala ntoko asithiyana. Anoothukumela ni woova niwoko na moono wa Yave a ikuru sootheene aneeraawe aatheteele yaale.

Yesaya 41:1

Nyuwosa icirumba, mmaaleke vamaithoniwaka! Miloko siphwanyetho ikurusaya! Seiyo sirweeke weera siixaakihe; nathukumaneke weera nuulume mulattu.

Yesaya 51:9

Ii! Moono wa Yave, mvenye! mvenye! mwiiwarihe ni ikuru, mvenye ntoko mmahukuni avinre ntoko mweehuhuni ya ikhapira sa khalayi. Ti nyuwo mwaamunyaannye Rahabi a mphareiya ni mwaathoronle enowa yoowoopihaxa ya mphareiyani.

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 57:5

Moosareya soohaawela variyari wa ikaravalyu* ni vathi wa khula mwiri woopombaxa; nyuwosa munaapaka sooveleela anamwaniinyu mmaxaapwani ni munyattani.

Yesaya 63:15

Ngwehe wiirimu woorakamela ni moone mukilaathiyeene vahiceniwanyu ya osulu, yootteela ni yoovuwa. Nri woowi nthitinanyu ni ikurusanyu? Murimaanyu wooreera ni ikhararisanyu nohiimaniwa.

Yeremiya 25:30

Vano, mwaathalihere yaawosa masu ootheene ala, mweeraka: ‘Yave ontturuma ari osulu; onkukutteela wookhalawawe wootteela; ontturumela mukuruni yawaweene. Owo onkhuwela ntoko anamavotta a iwuuva*; onaakhuwelela amaki ootheene a mulaponi.

Habakuki 2:20

Vaheera Yave ori Mpaanimwawe yootteela; elapo ya vathi yootheene emaaleke vahoolowawe.

Zefaniya 1:7

Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe.

Zefaniya 2:9

Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa.

Zefaniya 3:8

“Tivawo, mukiweherere Miyo,” onghima Yave, “ngweherere nihuku Miyo kineeraaka kivenyere okhalela onamoona. Koolakela othukumanyiha miloko ni omwene weera kiyeehere isarasaka, wuupa wootheene wa onyoonyiwawaka. Elapo yootheene enoolalihiwa ni mooro wa isarasaka sa ehace.

Zakariya 4:9

“Mathipelo a Empa ela ya Yave yaaheliwe ni matata a Zerubabeli ni ti yoowo aneera amalihetho empeene yeela. Vano munoosuwela weera Yave a ikuru sootheene ti okiruminghe wa nyuwo.

Zakariya 6:15

Yaawo ari ottaiwene animoowa weera ekhavihere otekiwa wa Empa ya Yave ni munoosuwela weera Yave a ikuru sootheene ti okiruminghe wa nyuwo. Eyo eniiyereye nyuwo mwamwiiwelela oororomeleyeene Yave Mulukwaanyu.”

aRooma 3:19

Noosuwela weera sootheene nlamulo ninghimaaya, ninaaleela yaale alamuliwe ni nne, weera iyano sootheene simaale, ni elapo ya vathi yootheene ekhale yoothorihiwa ni Muluku.

aRooma 9:20

Mutthu, weyo taani oomukohakoha Muluku? Apaale yeeyo epakiwe enoowera omweerela yoowo opanke: “Heeni mukipankaanyu hiiha?”

Deuteronomiyo 18:21

Onoowereya wiixeerela: “Nnisuwele hai mutthenga ohinrweela wa Yave?”

Deuteronomiyo 18:22

Yeeyo aneeraawe uulume mprofeeti mwa Nsina na Yave yaahikhumelela hoye hoye yaahikwaniheriwa, mutthenga owo khuulumme Yave. Ti masu a mprofeeti owo paahi. Muhimoove.

Deuteronomiyo 26:15

Wiirimu iwo, ngwehe vaNipuroniwanyu Nootteela* ni mureelihe mulokwaanyu aYixrayeli ni elapo munivanghaanyu ntoko mwaaroromelinghaanyu ni nlipelo makholowaahu, elapo yoosareya mukaka ni oravo.”