Zakariya 2:11 - Emakhuwa Bible

¹¹ “Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Zakariya 2:11 Iomraidhean Croise

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Okhuma 12:49

Ikanosene seiya seetteliweke wa muYixrayeli ni namarwa omankemo.”

Yesaya 45:14

Yave oneera ha: “Sooruwera sa wExipitu ni soothumiha sa oKuxe ni aSabeyani awo oorakamaxa – awosa animoowa wa nyuwo ni anookhala awinyu; awosa animoottharani ootthukiweene. Awosa anookokhorela ohoolowanyu yoodyoonttelelakani: ‘Vekhaikhai Muluku ori ni nyuwosa ni khawowo mukina, Khoowowo muluku mukina.’ ”

Yesaya 48:16

Mukaattamele ni mwiiwe yeeyo: Okhuma maswaaka oopacera nkuulumme muxiirini; mweehuhuni sineeraaya sikhumelele Miyo kinookhalawo. Vano Yave onlamula sootheene ookirumiha ni Munepaawe.”

Yesaya 52:10

Yave onimoonihera moonowaawe wootteela vamaithoni wa miloko sootheene ni ekotenle elapo yootheene enimoona ovuluxa wa Mulukwaahu.

Yesaya 52:11

Mususe, mususe! Mvenye va! Muhitaveru etthu yoohitteela! Muhiyeke ni mukhaleke ootteela, nyuwosa munteexa ikaruma sa Yave.

Yesaya 66:19

Miyo kinookhaliha eneneero variyariwaya ni kinimwaarumihela akina akina ahalahanle wa miloko – wa oTaresisi, wa aLibiya, wa aLidiya (oosuwanyeyaxa ntoko alipa oolatha nyuupa), wa oTubali, wa oGresiya, ni wa icirumba sa ottaiwene, mwa seiyo sihiiwale sa epilaaka hata sihoonne ovuwawaka. Awosa anoolaleiya ovuwawaka variyari wa miloko.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 50:8

Mutthawe oBabiloniya! Mukhume mulaponi mwa aBabiloniya ni mukhale ntoko anapunci anghoolela muhuwo.

Ezekiyeli 33:33

Saakhumelelaka sootheene iyo – ni vekhaikhai sinookhumelela – vano, awosa anoosuwela weera aakhala maprofeeti eriyaraaya.”

Mikeyasi 4:2

Miloko sincipale sinimoorwa, seeraka: “Nrowe, niwele mwaako wa Yave, Mpaani mwa Muluku a Yakobe. Owo onoonixuttiha iphirosawe weera neette mphironimwawe.” Vano Nlamulo nnoorweela oSiyoni, masu a Yave oYerusaleemu.

Zakariya 1:16

Tivawo, ti yeeyo Yave eenraawe: “Kinghokoleela oYerusaleemu ni ikharari ni Empaaka enooraseliwawo. Vano efiiyu yooringelano enimookoleliwa oYerusaleemu,” onghima Yave a ikuru sootheene.

Zakariya 2:5

Vano Yoomeene kinookhala exiraaya ya mooro mukhwipimwaya, onghima Yave, ‘ni mpuwamwaya kinookhala ovuwawaya.’

Zakariya 3:10

Vanihukuni nenenenno khula mutthu a nyuwosa onoomulattula mukhwaawe weera akilaathi vathi wa evideiraawe* ni wa mwiraawe wa efiigu*,’ onghima Yave a ikuru sootheene.”

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Luuka 2:32

waara weera waamwaleele amalapo ni wa ovuwa wa atthwaanyu aYixrayeli.”

Yohaane 17:21

weera ootheene ekhale mmoha, Tiithi, ntoko Nyuwo muraanyu mwa Miyo ni Miyo mwa Nyuwo, ni weera awo ekhaletho mwa Hiyo. Hiiho amalapo eniiroromele weera Nyuwo mwaakirumiha.

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Yohaane 17:25

Tiithi oororomeleya, orookhalaru weera amalapo khayoosuwenleni, Miyo kohoosuwelani, ni yaawo ari awaka aansuwela weera mwaakirumiha.

Miteko 28:28

Tivawo kintthunaaka weera musuwele nnenesene weera ovuluxa wu wa Muluku woorumiheliwa wa amalapo; awo eniyiiwe!”

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”