Zakariya 14:8 - Emakhuwa Bible

⁸ Vanihukuni nenenenno nyooloko sinoopiluwa oYerusaleemu, mpatta mmoha wa seiyo sinrowa wa ephareiya ya ninkhuma nsuwa ni mpatta mukinoowo mpatta wa ephareiya ya ninkela nsuwa. Eyo enimweereya okhuma elimwe mpaka eyiita.

Zakariya 14:8 Iomraidhean Croise

Ecipo Yooreeraxa 4:15

Nyuwo ti naattuuttu a nttimbe, ehime ya maahi makumi ankhuma oLibanu.

Yesaya 35:7

Ehaava yoovihaxa enoothatuwa nratta; etthaya yoovoliwa ntthona enoothatuwa ihime soosareya maahi. Vanipuroni yaakhalaayawo akhwatte, vano onoophuwa munyepu, ettheere ni etiili.

Yesaya 49:10

Awosa kheevoliwa etala naari ntthona, hata oviha wa nsuwa na munikareni khanaahisa. Owo ongwoonihera ikharari onimwaahoolela ni onimwaaphiiha omaahini.

Yesaya 58:11

Yave onimoohoolelani mahuku ootheene; onoohakalaliha sohaawelasanyu mweelaponi moowuumelelihiwa ni nsuwa ni onoolipihera erutthwaanyu. Munookhala ntoko nttimbe noohelelaxiwa ni naattuuttu oohimala maahi.

Yoweli 2:20

Kinoowoomolelasani amwiittana anrweela mpatta wa ottuttuwani, kaathaamiheraka munikareni noowuumaxa. Ohoolowaya kinimwaavonyera mphareiyani ya ninkhuma nsuwa ni ottuliwaya mphareiyani ya ninkela nsuwa. Mittembosaya nsunkhaxa.” Vekhaikhai Yave oopaka itthu sootikhiniheya sitokotoko!

Yoweli 3:18

Nihuku nno nyaako nsittonye eviinyu enyowani; mmattumuxani onuuvuuve mukaka. Maxaapwa ootheene a oYuda eniitthimake maahi. Mpaani mwa Yave anaakhume naattuuttu ahelelaka nreyareya na oXitimi.

Mikeyasi 4:2

Miloko sincipale sinimoorwa, seeraka: “Nrowe, niwele mwaako wa Yave, Mpaani mwa Muluku a Yakobe. Owo onoonixuttiha iphirosawe weera neette mphironimwawe.” Vano Nlamulo nnoorweela oSiyoni, masu a Yave oYerusaleemu.

Zakariya 14:4

Vanihukuni nenenenno inaawosawe sinimweemela vasulu mwaako wa Sooliveira*, mpatta ninkhuma nsuwa wa oYerusaleemu. Vano mwaako owo onookawanyeya eriyariru okhuma mpatta ninkhuma nsuwa mpaka ninkelaayawo ni nnookhala nreyareya ntokotoko. Vanonto mpatta mmoha wa mwaako onoosusiheriwa mpatta wa ottuttuwani ni mpatta mukinoowo mpatta wa ohitto.

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 7:38

Ntoko Yoolempwa* yeenraaya: ‘Yoole onkiroromela Miyo, mmurimanimwawe nsikhume nyooloko sa maahi a okumi.”

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.