Zakariya 14:21 - Emakhuwa Bible

²¹ Khula mwaapu wa oYerusaleemu ni oYuda onootteeliheriwa Yave a ikuru sootheene ni ootheene eneera erwe weera epake yooveleela anookuxa nyaapu sikina, yaapeyekemo. Vanonto okhuma nihuku nenenenno kheekhalatho ananakoso Mpaani mwa Yave a ikuru sootheene.

Zakariya 14:21 Iomraidhean Croise

Nehemiya 8:10

Nehemiya aaweerela: “Mpwahaseke, mwaceeke ni mwawure sooreerela muraanyuno. Mwaameeleke yaawo ahireherenre etthu. Nihuku nna nitteeliheriwe Yave. Muhithanane niwoko ohakalala wa Yave ti ikurusanyu.”

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 4:3

Yaale eneera ehale oSiyoni, enakhala oYerusaleemu animwiitthaniwa ootteela: ootheene alepeliwe weera emake oYerusaleemu.

Yesaya 52:1

Ii! oSiyoni, mvenye, mvenye, mwiiwarihe ikuru. Ii! oYerusaleemu, esidade yootteela, ngware mikaandyosanyu soovuwaxa. Oohiineliwa ni oohitteela kheevolowatho mmilakoni.

Ezekiyeli 44:9

Yave onlamula sootheene, oneera ha: Ahikhaleru namarwa oohiineliwa mmurimani ni mweerutthuni aneera avolowe vaNipuronivaka Nootteela*, aani, hata vakhaani wa namarwa onkhala eriyari ya aYixrayeli.

Ezekiyeli 45:1

“ ‘Nyuwosa mwaakawasaka elapo ntoko yoohiyeriwa, mumvaheke Yave ettima emoha ya elapo ntoko yootteelihiwa; mweerakamelonimwaya, ekhalaneke ikilomeetru* muloko ni tthaaru, ni mweekhuveelonimwaya, ekhalaneke ikilomeetru* muloko ni eriyari ya ekilomeetru* emoha; ettima yootheene eyo enookhala yootteelihiwa.

Hoxeya 12:7

Nanakoso omvarela muteko mphimo woohiroromeleya; ni ontthunaxa olokottha.

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Zefaniya 1:11

Mulalamike nyuwosa munkhala mmuttettheni wa nakoso a esidade; ananakoswaanyu ootheene anoophwatiwa woomalela. Anooheleya nthala ootheene anthumiha eparatha*.

Zakariya 14:20

Vanihukuni nenenenno “OOTTEELIHERIWA YAVE” anoolempwa mungilingilini sa ikavalu* ni nyaapu sa Mpaani mwa Yave sinootteelihaxiwa ntoko siraaya ibasiya sootteela ohoolo wa altaari*.

Zakariya 7:6

Ni mwaacaanyu ni mwaawuraanyu, khamwiipakela asineenaanyu?

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

Deuteronomiyo 12:12

Mwahakalalewo ohoolo wa Yave Mulukwaanyu – nyuwosa, anamwaniinyu asilopwana ni asithiyana, ipotthasanyu asilopwana ni asithiyana ni aLeevi ankhala mmittetthenimwanyu mwa yaawo ahikhanleno elapo hoye hoye yoohiyeriwa.

Deuteronomiyo 12:7

Weiwo mmwace ni ohakalala vamaithoni wa Yave Mulukwaanyu, nyuwosa ni imusisanyu, niwoko na mitekosanyu sooreera sootheene eenre Yave Mulukwaanyu ooreelihakani.

1 Timootheyo 3:15

Miyo kapisatho, onoosuwela mweettelo wootthuneya wa atthu Mpaani mwa Muluku eri ekerexa ya Muluku mukumi, ereene marimbu ni mathipelo a ekhaikhai.

aHeberi 3:6

mene Kristu ti oororomeleya ntoko Mwaana a Empa ya Muluku. Vano, Empeene yeeyo ti hiyo, navarela nnenesene oweherera ni ororomela mwa weiwo ninroromelaahu.

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.