Zakariya 14:11 - Emakhuwa Bible

¹¹ oYerusaleemu onoomakiwa; khoorwaru ophwatiwa. Iwo onookhala woolipeene.

Zakariya 14:11 Iomraidhean Croise

Yesaya 26:1

Nihuku nenenenno enimwiipiwa oYuda ecipo ela: Nookhalano esidade yoolipaxa; Muluku ookhaliha ovuluxa ntoko ixirisaya ni moowiipithamo.

Yesaya 60:18

Mulaponimwanyu khawiiwanyeyatho wuulummwa sa mapuhero naari sa mathala a ophwatiwa mmwiinanonimwanyu, mene munimwiitthana ixirisanyu Ovuluxa ni milakosanyu Ottottopela.

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Yeremiya 31:40

Nreyareya nootheene sinriheliwaayamo mittembo ni ettuura, ni itarato sootheene siri oreyareyani na oKideroni mpatta ninkhuma nsuwa, mpaka nlootho na mulako wa Ikavalu*, sinootteeliheriwa Yave. Esidade kheesusihiwatho hoye hoye kheephwatiwa.”

Yeremiya 32:37

Vekhaikhai Miyo kinimwaathukumanyiha mulaponi moothemwene kaamwaraxenlaaka musaranimwaka soopatta ni moonyoonyiwanimwaka otokotoko; Miyo kinimwaahokoloxera nipuro nna ni kinootthunihera weera ekhale oolipeene.

Ezekiyeli 37:26

Kinookhaliha wiiraana wa murettele ni yaawosa; onuukhale wiiraana woohimala. Miyo kinimwaalipiha, kiwaandyeerereke, ni kinimwiikaathi eriyaraayasa Nipuronaka Nootteela*.

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Yoweli 3:20

oYuda onuumakiwe mahuku ootheene nitho oYerusaleemu wa ikhapira sootheene.

Amosi 9:15

Kinimwaatekiha aYixrayeli mulaponimwaya ni kheevenxiwamotho mulaponi kaavanghaaka,” onghima Yave, Mulukwaanyu.

Zakariya 12:6

Vanihukuni nenenenno kinoopakiha weera ahooleli a oYuda elikane ni niikho eriyari ya ikhuuni sincipale, ni ntoko muthuko ovarelaka eriyari ya ithatu. aYuda anoohisa woomalela miloko sa mukhwipimwaya sootheene, mene oYerusaleemu onookhala vanipuroniwaya woolipeene.

Zakariya 2:4

anamweerela: “Mutthimake ni mwamuleele mmiravo ole: ‘oYerusaleemu eniikhale esidade yoohikhalano ixiri niwoko na waatta wa atthu ni mihuwo.

Zakariya 8:13

Ii! Yuda ni Yixrayeli, mooteene yoowo mwaalaphiwaanyu variyari wa miloko, hiihotho Miyo kinimoovuluxani ni munookhala nreeliho. Muhoove ni mukhale toko oolipeene.’

Zakariya 8:4

Yave a ikuru sootheene oneera ha: ‘Anamuuluvala asilopwana ni asithiyana eniikilaathitho mmuseweni mwa oYerusaleemu, khula mutthu a yaawo areeneno muttonttwaawe niwoko na wuuluvalawaya.

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Nuumeru 21:3

Yave aahiiwa yoovekela ya aYixrayeli, anawinnyerera aKanaani. aYixrayeli yaahaaphwatasa woomalela yaawo ni isidadesaya, moota wooweera nipuro nne naahiitthaniwa oHorema.

Deuteronomiyo 33:28

Hiiho aYixrayeli anookhala oomaaleleya; naattuuttu a Yakobe ori oolipeene mweelaponi ya etrigu ni eviinyu enyowani mwa mwemmo ninttonyeraayamo nikame na wiirimu.

Ethupululo 21:4

Owo anuukutthe mmaithonimwaaya maithori ootheene. Khoorwa okhala okhwa, hata olalamika, hata wiinla, naari ovoreiya, niwoko itthu soopacera soovira.

Ethupululo 22:3

Khoorwa okhalatho olapha okina. Ehice ya Muluku ni ya Eputtiputthi eniikhale musidadeni, ni arumeiyaawe eniimurumeele.