Zakariya 13:3 - Emakhuwa Bible

³ Vano mukina nlelo atthuna othalihera ntoko mprofeeti atithawe ni amayawe anoomweerela: ‘Muntthuneya okhwa niwoko mohootha mwa Nsina na Yave.’ Owo eerera opaka oprofeeti, asinaangolowaawe anoomuhomasa.

Zakariya 13:3 Iomraidhean Croise

Yeremiya 23:25

“Kohiiwa anuulumaaya maprofeeti, anthalihera soowootha mwa Nsinanaka, yeeraka: ‘Kooloha! Kooloha!’

Yeremiya 23:34

Mprofeeti hoye hoye musaserdoti* naari mukina a muloko ahima: ‘Ola ti mutthenga mwa yoowo okinnyerenraawe Yave,’ Miyo kinoomuttaruxa mulopwana owo ni emusaawe.

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Ezekiyeli 13:23

Tivawo nyuwosa khamukhalanotho nyoonelo soolokottha ni khamurwatho mweettela sa ehako. Kinootapuxa mulokwaaka mmatatanimwanyu. Hiiho, nyuwosa munoosuwela weera Miyo ti Yave.’”

Ezekiyeli 14:9

Vano mprofeeti alokottheya, anapacera othalihera itthu, ti Miyo Yave, kimulokontthe mprofeeteene yoowo, ni kinoomutheteela ntata kimphwateke ni kimvenxeke eriyari ya mulokwaaka aYixrayeli.

Ezekiyeli 43:7

Owo aakeerela: “Mwaana a mutthu, nna ti nipuro na ehicaaka ya emwene ni noonyikalihera inaawosaka. Va kinookhala mahuku ootheene eriyari ya aYixrayeli. Muloko wa aYixrayeli khoovalihatho Nsinanaka Nootteela, hata aYixrayeli, naari mamwenaaya kheevaliha ni opuutaaya ni miluku soohikhalano okumi sa mamwenaaya mmattumuxanimwaya ootteeliheriwa miluku sikina.

Matheyo 10:37

Yoowo onaasivelaxa atithawe, hoye hoye amayawe wookipwaha Miyo, khakiphwanenle Miyo. Yoowo onaasivelaxa anamwanaawe wookipwaha Miyo, khakiphwanenle Miyo.

Luuka 14:26

“Akhala mukina ongwa wa Miyo ni owo ahaathanya atithawe, amayawe, amwaarawe ni anamwanaawe, axunneiye ni axirokoriye, aani mpakatho okumaawe, khangwera okhala oohuseraaka.

2 aKorinto 5:16

Okhuma vaanaano mpaka ohoolo, ahikhale nneeraahu nimuthorihe moota wa omutthu. Naamwi naamusuwenle Kristu moota ola khalayi, vano khannimusuwela hiiha.

Deuteronomiyo 18:20

Vaheera mprofeeti oneera weera onuuluma mwa Nsinanaka yakhalaru etthu Miyo kihimulamulenlaaka wuuluma, hoye hoye mprofeeti onuuluma mwaha wa miluku sikina, iiviweke.”

Deuteronomiyo 33:9

Leevi aaweerela atithawe ni amayawe: “Awosa nkingwoonelamo.” Khaapwantthe axunneiye hata anamwanaawe aathokorora maswaanyu ni wiiraanawanyu.