Zakariya 13:2 - Emakhuwa Bible

² Vanihukuni nenenenno kinoomalamaliha mweelaponi masina a miluku soowootha ni seiyo khasuupuweleliwatho,” onghima Yave a ikuru sootheene. “Kinimwaavenxa mulaponi maprofeeti nitho munepa wa ohitteela.

Zakariya 13:2 Iomraidhean Croise

1 Mamwene 22:22

Yave aakoha: ‘Moota heeni?’ Munepa waamwaakhula: ‘Kinookhuma weera kakhale munepa woowootha vayanoni sa maprofeetaawe ootheene.’ Yave aaheerela: ‘Onoowera omulokottha. Orowe wapake yeeyo.’

Icipo 16:4

Soohooxa sa yaale antthara miluku sikina sinimwaandyeerereya ni nkinkhala ampakaayawo sooveleela sa ephome hata eyanowaaka kheerwa eromola masinaaya.

Okhuma 22:13

Mwaamunama owo anyaanyiwa ni axinama a ntuphini, amurongheleke yoowoonihera ehanle ni kharwa aliva etthu.

Okhuma 23:13

Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.

Yesaya 2:18

ni miluku soowootha sinoolakaseya woomalela.

Yesaya 2:20

Nihuku nenenenno atthu anoorihela mmakhuleni ni mwaanaantuuthuni milukusaya soowootha sa eparatha* ni eyuuma yoorikaxa, mwa seiye apankaaya weera elape.

Yeremiya 29:23

Niwoko aapaka yoololo oYixrayeli: Aararuwa ni axaara a asinthamwenaaya ni mwa Nsinanaka ahuuluma soowootha, Miyo kihaalamulenlaaka wuuluma. Vaheera Miyo kineera kisuwelaka; kiri Namoona a yeeyo,” onghima Yave.

Ezekiyeli 12:24

Vano khasikhalatho nyoonelo soowootha hoye hoye sootthoma soolokottha eriyari ya muloko wa oYixrayeli.

Ezekiyeli 13:23

Tivawo nyuwosa khamukhalanotho nyoonelo soolokottha ni khamurwatho mweettela sa ehako. Kinootapuxa mulokwaaka mmatatanimwanyu. Hiiho, nyuwosa munoosuwela weera Miyo ti Yave.’”

Ezekiyeli 14:9

Vano mprofeeti alokottheya, anapacera othalihera itthu, ti Miyo Yave, kimulokontthe mprofeeteene yoowo, ni kinoomutheteela ntata kimphwateke ni kimvenxeke eriyari ya mulokwaaka aYixrayeli.

Ezekiyeli 30:13

Yave onlamula sootheene oneera ha: Kinoophwata miluku ni kinoomaliha icaambulo siri oMemfesi. Khakhalatho mwaana mulopwana a mwene wExipitu, ni kinoomwaraxela woova mulaponi moothemwene.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Ezekiyeli 36:29

Miyo kinimoovuluxani moohitteelanimwanyu wootheene. Kinooromola irooro sittupeke, ni nkooruuhelasani etala.

Ezekiyeli 37:23

Khayiivalihasatho ni milukusaya vamoha ni icaambulosaya sa mwiikho hata wakhalaru ovaanya, niwoko Miyo kinoowoopola moohapuwanimwaya wootthekeya wootheene, kaatteeliheke. Awosa anookhala mulokwaaka ni Miyo kinookhala Mulukwaaya.

Ezekiyeli 43:7

Owo aakeerela: “Mwaana a mutthu, nna ti nipuro na ehicaaka ya emwene ni noonyikalihera inaawosaka. Va kinookhala mahuku ootheene eriyari ya aYixrayeli. Muloko wa aYixrayeli khoovalihatho Nsinanaka Nootteela, hata aYixrayeli, naari mamwenaaya kheevaliha ni opuutaaya ni miluku soohikhalano okumi sa mamwenaaya mmattumuxanimwaya ootteeliheriwa miluku sikina.

Ezekiyeli 6:6

Muneeraanyu mukhaleru, isidade iyo sinookurumuliwa ni miluku soowootha sa mmattumuxani sinoopuruliwa, siphwatiweke; milukusanyu sinoonyaanyiwe sitatuxiweke mathala. Altaaraanyu a erubani* anoopwexiwa ni sootheene mpankaanyu sinoomalamalihiwa.

Hoxeya 14:8

Ii! wEfrayimi, nkipwatthele heenitho miluku sikina? Ti Miyo kinimwaakhula, kinamukosoopa. Kiri ntoko mwiri wa epinyeiru* ekithi; soowiimasanyu sootheene sinrweela wa Miyo.”

Hoxeya 2:17

Kinoovenxa vayanoniwaya masina a aBahali*; masinaaya khayiitthaniwatho.

Hoxeya 2:19

Miyo kinimoothelani mahuku ootheene; Miyo kinimoothelani moororomeleyani ni ngwookoleleyani, moosivelani ni mukhararini.

Mikeyasi 2:11

Namootha ni namalokottha arwa, aneera: ‘Miyo kohoolaleerani waatta wa eviinyu ni wa yoowura yoohapala,’ owo onookhala ti mprofeeteene a muloko ola!”

Zefaniya 2:11

Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe.

Matheyo 12:43

Waakhumaka munepa woonanara mweerutthuni ya mutthu, onimweetta mapuro oowuuma waasaasaka wiitthuuwa, mene khoomphwanya.

Matheyo 7:15

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa.

Luuka 11:20

Waaritho weera Miyo kinoomola minepa soonanara ni ekatha ya Muluku, vano, omwene wa Muluku wohoorweelani.

Deuteronomiyo 12:3

Mwaaphwate altaaraaya mwaapwexakase amarimbwaaya ootteelihiwa ni mwahise nyirisaya soothipeleliwa sa Axera. Mwakakatthanye icaambulo sa milukusaya mmalamalihaka masinaaya mmapuroni awo.

Deuteronomiyo 18:20

Vaheera mprofeeti oneera weera onuuluma mwa Nsinanaka yakhalaru etthu Miyo kihimulamulenlaaka wuuluma, hoye hoye mprofeeti onuuluma mwaha wa miluku sikina, iiviweke.”

Yoxuwa 23:7

Muhiitakansere ni miloko iyo sihanle variyariwanyu; muhiitthane masina a milukusaya naari muhilipeleru seiyo. Muhilape naari muhikokhorele.

Ethupululo 18:2

Vano aakhuwela ni nsu noowera, eeraka: “Oomora, oomora Babiloniya mutokweene! Owo oothatuwa nipuro sinkhalaaya minepa soonanara, ntthawelo wa minepa soonanara sootheene, ntthawelo wa ipalame sootheene soohitteela ni soothanyeya,

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.