Zakariya 12:4 - Emakhuwa Bible

⁴ Vanihukuni nenenenno kinoorukureeriha nyuru ikavalu* sootheene ni anamweettihaaya kinimwaapupurumiha,” onghima Yave. “Miyo kinookosoopa nnenesene ekhapira ya oYuda, mene kinoohela evaasi ikavalu* sootheene sa miloko.

Zakariya 12:4 Iomraidhean Croise

1 Mamwene 8:29

Ngwehe Empa ela ohiyu ni othana, niwoko nri nipuro nyuwo mweenraanyu: ‘Nsinanaka nnookhalamo.’ Mahuku ootheene mwiiweke mavekelowaaka ankhuma mu.

2 Mamwene 6:14

mwene a awArami aahaarumihelawo anakhotto ancipale vamoha ni ikavalu* ni ikaaro sa ikavalu* sa ekhotto. Awo yaaphiyale ni ohiyu, enarica esidade.

2 Mamwene 6:18

awArami awo yaamukhuveelaaya weera emvare, Elixa aamvekela Yave: “Mwaakelihe evaasi atthu ala!” Vano Yave aahaakeliha evaasi, ntoko Elixa aavekenlaawe.

2 Nyaha 6:20

Maithwaanyu ewehexexe othana ni ohiyu Empa ya Muluku ela, nipuro mwa nenno mweenraanyu weera mwaamuhelamo Nsinananyu, weera mwiiwe nivekelo aneeraawe apake murumeiyaanyu akokhorenleene nipuro nna.

2 Nyaha 6:40

Hiiho Mulukwaaka, maithwaanyu yoone ni maaruwaanyu yiiwe mavekelo apakiwe nipuro nna.

2 Nyaha 7:15

Okhuma olelo woorowa muhoolo, maithwaaka animoona ni maaruwaaka animwiiwa mavekelo ampakiwa nipuro nna.

Nehemiya 1:6

Maaruwaanyu ewiriyaneke ni maithwaanyu ehuleyeke wa mavekelo murumeiyaanyu ompakaawe ohoolowanyu othana ni ohiyu aweerelaka arumeiyaanyu, aYixrayeli. Kinlapa soottheka hiyo, aYixrayeli, nootthekenlaahuni. Aani, miyo ni mulokwaaka noottheka.

Yesaya 24:21

Nihuku nenenenno Yave onoottaruxa ikuru siri osulu erimu ni mamwene a elapo ya vathi.

Yesaya 37:17

Ii! Yave mwiiwe ni moone. Mwiiwe mutthenga Senakeribi orumihalaawe weera amuveihe Muluku Mukumi.

Yeremiya 24:6

Kinimwaapwattha, ni nkinaahokoloxera elapweene yeela. Miyo kinimwaatekiha, kihaaphwataka; Miyo kinimwaatikithera, kihaavenxaka.

Ezekiyeli 38:4

Kinimoorukureerihani, kinoohoma ni nimeso ettwattwaraanyu, kookhumihekeni vamoha ni anakhottwaanyu ootheene – ikavalusanyu*, ni anamweettihaaya vamoha ni ikapwitthisaya ni nakupa mutokotoko akuxaleene ixikudu* itokweene ni ikhaani, ootheene awo evukhulaka ikatanasaya.

Ezekiyeli 39:20

Vameesaniwaka nyuwosa munookhuura enama ya ekavalu* ni anamweettihaaya, enama ya atthu ooweraxa ni ya anakhotto moota moota,’ onghima Yave onlamula sootheene.

Daniyeli 9:18

Ii! Muluku Dyoontte mwiiwe; muhuleke maithwaanyu ni ngwehe othaamiwa wa esidade enkuxa Nsinananyu. Hiyo khannoovekelani Nyuwo niwoko na ororomeleyawahu, mene niwoko na ikhararisanyu sitokotoko.

Zakariya 10:5

Awosa anoolikana asilopwana ooweraxa enyikalaka nttoko mmiseweni okhottoni. Eenre Yave akhala ni yaawosa, awosa anoowana, yaawineke anamweettiha a ikavalu*.

Zakariya 12:11

Vanihukuni nenenenno olalamika oYerusaleemu onookhala otokotoko, ntoko wiinliwaaya oHadadi-Rimoni vanreyareyani na oMegido.

Zakariya 12:3

Vanihukuni nenenenno, miloko sootheene sa elapo ya vathi sithukumanneene weera siwaneno oYerusaleemu, Miyo kinootatuxa oYerusaleemu mwala woolemela wa miloko sootheene. Sootheene sineera seerere weemexa, sinoovulalaxa.

Zakariya 12:5

Vano ahooleli a aYixrayeli animwiixeerela: ‘Muloko wa oYerusaleemu ori woolipaxa niwoko Yave a ikuru sootheene ti Mulukwaaya.’

Zakariya 12:6

Vanihukuni nenenenno kinoopakiha weera ahooleli a oYuda elikane ni niikho eriyari ya ikhuuni sincipale, ni ntoko muthuko ovarelaka eriyari ya ithatu. aYuda anoohisa woomalela miloko sa mukhwipimwaya sootheene, mene oYerusaleemu onookhala vanipuroniwaya woolipeene.

Zakariya 14:15

Nihooxo nenenenno nnoohasula ikavalu*, abuuru ootheene, ikamelu* ni axinama ootheene a miloko iyo.

Zakariya 9:8

Kinimwaakiha Empaaka mwa anamahuhula. Namahasula kharwatho ahasula mulokwaaka, niwoko vano Miyo kinoona yeeyo ni maithwaaka.

Miteko 17:30

Ehuhu evinre Muluku khaalikelenle ohisuwela iwo, mene vano onlamulela weera mmapuroni moothemwene, ootheene erukunxe mirimasaya.

Deuteronomiyo 28:28

Owo onimoohooxani ni anepa, ohoona ni ohicela muru.