Zakariya 11:3 - Emakhuwa Bible

³ Mwiiwe olalamika wa akukhuli; moocihamwaya mooruwereyaxa moophwatiwa! Mwiiwe wiipa wa amwatto; othako woowunttelana wa oYordanu woohononiwa!

Zakariya 11:3 Iomraidhean Croise

Icipo 22:21

Mukoopole mmwaano mwa amwatto ni wa manyaka a inari. Ni mookaakhula.

Yesaya 5:29

Murikaaya onlikana ni wa mwatto; anoopa murika ntoko amwatto oovara; antturuma evanreene yaatthunaaya, enapurula ahikhalaka oowaakihera.

Yesaya 65:15

Munimwaahiyera oothanliwaaka nsinananyu ntoko nlapho; Yave onlamula sootheene onoowiivasani, mene onimwaavaha arumeiyaawe nsina nikina.

Yeremiya 2:15

Amwatto anootturumela ekongelaka ohoolowaya; elapwaaya yaahiiwa ttewu; isidadesaya sooheleya nthala, soothaamiwa woomalela.

Yeremiya 2:30

“Khoovareleiye muteko ottaruxa mulokwaanyu, awosa khayaakhulenle olakiwa. Ekatanaaya yohaaphwata maprofeetaanyu ntoko mwatto oonyaanyaxa.

Yeremiya 26:6

Vano Empa ya Muluku ela kinoopakela yeeyo kipakenlaaka Nipuro Nootteela* na oSilo ni esidade ela kinoopakelatho etthu ya nlapho eriyari ya miloko sootheene sa mulaponi.’ ”

Yeremiya 49:19

Ntoko mwatto omvolowa ntuphini na Yordanu arowoka moocaani moosareya malaxi, wootutuxereya Miyo kinoomulupattha Edomi kimoomolaka mulaponimwawe. Oothanliwa heeni kineeraaka kimurume yeeyo? Taani ori ntoko Miyo anaawere okipakela mpikisaano? Ni mukukhuli heeni anaawere okiwanano?”

Yeremiya 50:44

Miyo kinoolupattha oBabiloniya wootutuxereya ntoko mwatto onkhuma mutuphini na oYordanu arowaka omunyepuni wooreerela, iirakamelihaka elapwaawe. Oothanliwa heeni kineeraaka kimurume yeeyo? Taani onlikana ni Miyo ongwera okipakela mpikisaano? Khawowo mukukhuli anaawere okiwanano.”

Yeremiya 7:4

Muhiroromele masu oolokhottha mweeraka: “Ela ti Empa ya Yave, Empa ya Yave, Empa ya Yave!”

Ezekiyeli 19:2

‘Moota wa mwatto muthiyana amayinyu yaaraya variyari wa amwatto! Owo aaciha axaanaawe, iixaatalenleene eriyari ya amwatto ooxuwunnuwa.

Hoxeya 10:5

Muloko onkhala oSamariya ommoova muluku opakiwe ntoko mwaamombe a oBeti-Aveni. Mulokwaaya onuumukhupanyere, vamoha ni asaserdotaaya a miluku yaahakalalela waarawaya, niwoko awo ahaakhiwa, onaronghiwa wootthukiwani.

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Amosi 8:8

Weeraka etthaya kheetetereya mwaha wa yeeyo, ni khayiinla ootheene ankhalamo? Elapo yootheene ela enoonyakhula ntoko Nilu, enootekuma vahoolowaya ettatteke ntoko mooloko wa wExipitu.

Zefaniya 1:10

“Nihuku nno,” onghima Yave, “onookhuweliwa vakhiviru wa mulako wa Ihopa, olalamikiwa munttettheni munyowani, ni oruma otokotoko mmattumuxani.

Zefaniya 3:11

Nihuku nno nyuwosa khamuulihiheya muru mwa soopakasanyu sa okivaanyawanyu, niwoko kinimwaavenxa musidadenimu yaawo anghakalalela wiixoonawaya. Nyuwosa khamukhalatho oowiixoona vamwaakoniwaka wootteela.

Zefaniya 3:3

Ahoolelaaya ti amwatto anoopa murika. Anamalamulaaya ti miici soovolaxiwa sihinghiyaru yookhuura omaalo.

Zakariya 11:2

Ii! Epinyeiru*, mwiipulele, niwoko esedari* yaamora; nyiri sooreerelaxa sohuuhiwa! Mulalamike, ekaravalyu* ya oBaxani, niwoko othakwaanyu woowiilihana woophwateya!

Zakariya 11:8

Kohaamaliha akukhuli araru mmweerini mmoha paahi. Muhuwo waakihovela ni Miyo kaakhulumuwano.

Matheyo 15:14

Mwaahiye, awo ari ahooleli oohoona. Oohoona mmoha amweettiha oohoona mukina, ooweeli anoomorela mulittini.”

Miteko 7:52

Mprofeeti heeni makholowaanyu ahimusoondalaaya? Yaawiiva yaale yaahima sa orwa wa Oororomeleya, mwa Yoowo nyuwo vano mootatuxiwa anamavarihaawe ni anamwiivaawe.