Zakariya 1:4 - Emakhuwa Bible

⁴ Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Zakariya 1:4 Iomraidhean Croise

2 Nyaha 30:6

Munlamuloni na mwene, anamitthenga yaaviravira oYixrayeli ni oYuda wootheene, ekuxaleene ikaratta soottittiwa ni mwene nitho asitokweenaawe, ni mutthenga ola: “aYixrayeli, muhokoleele wa Yave, Muluku a Abrahaamu, Isaki ni Yixrayeli, weera Owo ahokoleele wa nyuwosa muhanle ni moopongwe mmatatani mwa mwene a wAsiriya.

2 Nyaha 30:7

Muhikhale ntoko asitithinyu ni axunninyu yahaaroromeleiye wa Yave, Muluku a makholowaaya, moota wooweera Owo aahaahiya ephwateiyeene ntoko nyuwosa munoonaanyu.

2 Nyaha 34:21

“Mwakikoherele Yave, miyo ni oohalahala a oYixrayeli ni a oYuda mwaha wa yeeyo elempwale mulivuruni ela ephwanyingwe. Onipattiherawawe isara Yave ti otokotoko, niwoko makholowaahu khayiiwelenle masu a Yave, ni khayeettenle sootheene silempwale mulivurunimu.”

Ezera 9:7

Okhuma mahuku a makholowaahu mpaka olelo nthowanahu nohunnuwaxa. Niwoko na sootthekasahu hiyo, mamwenaahu ni asaserdoti* nohinnyereriwa mmahooxoni a ekatana, wootthukiwani, moohuhuliwani ni oyevihiwa mmatatani mwa mamwene a ilapo sikina, ntoko eneereyaaya olelo.

Nehemiya 9:16

Wa soothesene, asitithihu yaahiixoona ni yaahuumiha mirima ehiiwelelaka malamulowaanyu.

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Nehemiya 9:30

Wa iyaakha sincipale mwaahaavilela. Mwannawooperera mwa Munepaanyu ni mwa maprofeeti. Hata hiiho, khayaawiiwelelani moota wooweera mwaawinnyerera mmatatani mwa miloko soowaattamana.

Icipo 78:8

Awosa kheekhala ntoko makholowaaya – ekhapira yoottiyamaaru ni yoovaanya; muloko wa murima woohimuroromela Muluku; atthu a okumi woohimutthara Yoowo.

Yesaya 31:6

Ii! aYixrayeli, munghokoleele Yoowo mwaamvaanyaxiyaanyu.

Yeremiya 18:11

Vano mwaaleele atthu a oYuda ni yaale amanke oYerusaleemu: Yave oneera ha: ‘Moone, kinreherera erisa ni woovaanelelani. Tivawo, muhiye iphirosanyu soonanara ni muceendye mweettelowaanyu ni mitekosanyu.’”

Yeremiya 23:22

Vaheera awosa yaarwiiye omuthukumanoniwaka, yaamulaleera maswaaka mulokwaaka ni yaampakiha weera orukunxe murima mmweettelonimwaya ni soopakasaya soonanara.

Yeremiya 25:8

Vano Yave a ikuru sootheene oneera ha: “Mweenre muhiiwasa maswaaka,

Yeremiya 26:5

ni mwaahiiwa masu a arumeiyaaka, maprofeeti, mwa yaawo kinoorumihelaakani imaara imaarasene, munoohiwiiwelelaru.

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Yeremiya 3:14

“Muhokolowe, muloko woohiroromeleya,” onghima Yave, “niwoko Miyo ti Aiyinyu. Kinimookuxani – mmoha a khula muttetthe ni eeli a khula nihimo – ni kinimoohokoloxerani oSiyoni.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 4:1

“Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Yeremiya 44:16

“Hiyo khanipwatthelaru munnivahaanyu mwa Nsina na Yave!

Ezekiyeli 14:6

Tivawo, mweerele muloko wa oYixrayeli Yave onlamula sootheene oneera ha: ‘Murukunxe murima! Muhiye milukusanyu ni mulape soopakasanyu soothaneya sootheene!

Ezekiyeli 20:18

Miyo kaaweerelasa anamwanaaya munikareni: “Muhittharihe mweettelo wa asitithinyu hata muhiiwelele malamulowaaya naari muhiivaliheno milukusaya.

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Ezekiyeli 33:4

vano mukina iiwa oruma wa nipalapatta ahinapwatthela woopereriwa, ni yarwa ekatana, enamwiiva, nthowa na okhwawawe, ti nawawe.

Daniyeli 9:6

Khaniwiiwelenle arumeiyaanyu, maprofeeti yuulumme mwa Nsinananyu ni mamwenaahu, anamwanaaya ni asitithihu ni atthu ootheene a elapo.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Amosi 5:24

Ohiya yeeyo, wookoleleya otthimake ntoko mooloko, ekhaikhai ntoko nxaapwa nihingwelelaru!

Mikeyasi 2:6

“Muhilaleiye moota hiiho,” aneera maprofeetaaya. “Muhilaleiye mwaha wa itthusene seiya; erisa kheeniphwanya.”

Zakariya 1:3

Tivawo, mwaaleele aYixrayeli: ‘Yave a ikuru sootheene oneera ha: ‘Muhokoleele wa Miyo,’ onghima Yave a ikuru sootheene, ‘ni Miyo kinoohokoleela wa nyuwosa,’ onghima Yave a ikuru sootheene.

Zakariya 7:7

Ankha masu Yave aalaleiyaawe mwa maprofeeti a khalayi ehuhuweene yeele oYerusaleemu ni mittetthe sa mukhwipimwaya saaraaya ngwiitthuuwani ni moopuhani ni oNegeba ni ilapo sa vathi wa nyaako saahiitekiha?’”

Miteko 26:20

Woopacera kaahaalaleera yaawo yaari oDamasku; vahoolowaya yaawo yaari oYerusaleemu ni oYudeiya woothewene, nitho wa amalapo, kiweerelaka weera erukunxe murima ni ehokoleele wa Muluku epakaka miteko sinoonihera orukunxawaya murima wa ekhaikhai.

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

1 Pedru 1:18

Moosuwela weera moovuluxiwa mwa mikhalelosanyu sa siiyo sa okhala nyuwo mwaakhenlaanyu ni makholowaanyu. Khamvuluxiwe ni itthu sooriheya ntoko iyuuma soorikaxa,