Zakariya 1:3 - Emakhuwa Bible

³ Tivawo, mwaaleele aYixrayeli: ‘Yave a ikuru sootheene oneera ha: ‘Muhokoleele wa Miyo,’ onghima Yave a ikuru sootheene, ‘ni Miyo kinoohokoleela wa nyuwosa,’ onghima Yave a ikuru sootheene.

Zakariya 1:3 Iomraidhean Croise

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

2 Nyaha 15:4

Vaheera moothanananimwaya, awosa yaahokoleela wa Yave, Muluku a aYixrayeli, emwaasaka, ni Owo aatthunihera weera emphwanye.

Nehemiya 9:28

Ephwanyakaru murettele, yaapakatho yeeyo mwahaatthunaanyu. Vano mwaawinnyerera mmatatani mwa amwiittanaaya weera elamuliwe ni yaawo. Vanonto yookhuwelelaayanitho, mwaangwiiwa muri wiirimu ni ikhararisanyu, mwaatapuxaka emaara ti emaara.

Yobi 22:23

Nyuwo mwamuhokoleela Muluku a ikuru sootheene, munoorehereriwatho. Mwasusa ohiroromeleya vaheemaniwanyu,

Yesaya 31:6

Ii! aYixrayeli, munghokoleele Yoowo mwaamvaanyaxiyaanyu.

Yesaya 44:22

Kookwesera ottaiwene soonanarasanyu ntoko nihutte, sootthekasanyu ntoko nikame na oxeexelo. Muhokoleele wa Miyo niwoko Miyo koowoopolani.”

Yeremiya 12:15

Vaheera kivenxaleene, kinoomorelatho ikharari ni kinoomuhokoloxera khula mutthu yoohiyeriwaawe ni elapwaawe.

Yeremiya 25:5

Awosa yannaweerelani: “Murukunxe murima khula mutthu mweettelowaawe woonanara ni wa mapakelowaawe oonanara, ni nyuwosa munoopwaherera okhala mulaponi Yave oovanghaaweni nyuwo ni makholowaanyu wa mahuku ootheene.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Yeremiya 3:22

“Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 4:1

“Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Ezekiyeli 18:19

Vano apaale munookoha: ‘Ohimpakelani mpatta wa nthowa na atithawe?’ Eenre mwaana owo apakaka yeeyo eri yoororomeleya ni yoowookoleleya ni iiwelela nnenesene ikanosaka sootheene, vekhaikhai owo anaakhale ni okumi.

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Ezekiyeli 18:32

Miyo khoonkisiveliharu okhwa wa mutthu, onghima Yave onlamula sootheene. Murukunxe murima ni mukhale ni okumi!”

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 14:4

“Miyo kinoolamiha ohiroromeleyawaya ni kinimwaasivela ni murimaaka wootheene, niwoko isarasaka sohaahuluwa.

Hoxeya 6:1

“Nrowe, nihokoleele wa Yave. Owo ooninyaanya, mene onoonilamiha; Owo oonivulaliha, mene onoovoliha makhwattaahu.

Yoweli 2:12

Yave oneera: “Muhokoleele wa Miyo vaanaano va ni murimaanyu wootheene, mutthukaka, mwiinlaka ni mulalamikaka.”

Malekiya 3:7

Okhuma ehuhu ya makholowaanyu, nyuwosa moohiya ikanosaka, muhiiwelelaka. Muhokoleele wa Miyo, ni Miyo kinoohokoleela wa nyuwosa,” oneera Yave a ikuru sootheene. “Vaheera nyuwosa munkoha: ‘Nnihokolowe hai?’”