Yuda 1:23 - Emakhuwa Bible

²³ Mwaavuluxe akina ngwookholaka mmooroni; wa akinatho, mwaamorele ikharari ni woova, muthanyaka mpaka ikuwo sivalihiwe ni otakhala wa erutthu.

Yuda 1:23 Iomraidhean Croise

Masu a Miruku 7:8

Owo aarweela mmuseweni vakhiviru wa muthiyana mmoha, akelaka owannyawe.

Yesaya 64:6

Hiyo ootheene naathatuwa ntoko oohitteela ni mitekosahu soororomeleya sootheene siri ntoko mattapwatta oonanara; ootheene hiyo ninnyaala ntoko makukhu, ni ntoko epheyo sootthekasahu sinnivavihera ottai.

Icipo Soolalamika 4:14

Olelo, awosa anxoraxora mmiseweni ntoko oohoona. Erampeene ephome, khaawo aneera eerere otava soowarasaya.

Levitiku 14:47

Yoowo anaakonemo hoye hoye anaacemo akattheke ikuwosawe.

Levitiku 15:17

Yakhalaru etthu ya ekuwo hoye hoye exapala eneera ettonyeriwe elopwana, ekatthiwe ni enookhala yoohitteela mpaka oxekuwa.

Amosi 4:11

“Kaaphwata isidadesanyu ikina ikina, ntoko kaaphwantaaka oSodoma ni oGomora. Mwaari ntoko nrusuwela, mene waarookhalaru hiiho, nyuwosa khamuhokoleenle wa Miyo,” onghima Yave.

aRooma 11:14

munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe.

1 aKorinto 15:33

Muhilokotthiwe, “wiiraana ni atthu oonanara ompahula ikhovelelo sooreera.”

1 aKorinto 3:15

Yeeyo mukina otenkaawe yasa, anaahaawe mooyeleelani iwo, wa soothesene anaavuluxiwe ntoko mukina onoopowa avinreene mmooroni.

2 aKorinto 5:11

Hiiho, woonaka weera noosuwela owoova Apwiya, nnaasa waaviriyela atthu. Yeeyo nraahu, yohooniheriwa ohoolo wa Muluku, ni noororomela weera eyo yohooniheriwatho mmirimanimwanyu.

2 aTesalonika 3:14

Akhala mukina ohiniiwelela maswaahu a ekaratta ela, munthoonye ni muheette ni yoowo, weera owo uuliwe muru.

1 Timootheyo 4:16

Othokorore nnenesene mweettelowaawo ni nihusihonawo, opwahereraka ovilela mwa itthusene seiyo, niwoko opakaka yeeyo, onoovuluxiwa weyo mwaneenaawo ni yaawo angwiiwa.

2 Yohaane 1:11

Vano, yoowo anaamuulumihe, onimwiiwanana ni mitekosawe soonanara.

Yuda 1:22

Mwaamorele ikharari yaawo anghovela.

Ethupululo 3:18

Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.

Ethupululo 3:4

Wa soothesene, mookhalano iwo oSardi atthu vakhaani ahinanaringhe ikuwosaya. Awo eniyeette ni Miyo ni ikuwo sootteela, niwoko aaphwanela.