Yuda 1:13 - Emakhuwa Bible

¹³ Ari mitekuteku sa owali sa mphareiyani, sikhumihaka nipheru na mitekosaya soowuuliha muru; ithenyeeri sithweelenle, mwa yaawo aathokororeliwa epiphi etokotokoxa yoohimala.

Yuda 1:13 Iomraidhean Croise

Icipo 65:7

Ti Nyuwo mummaaliha oruma wa iphareiya, oruma wa mitekutekusaya ni minyakunyaku sa miloko.

Yesaya 57:20

Vaheera atakhali ari ntoko ephareiya yoowali, ehiweraka omaaleleya, ni mitekutekusaya sinkhumiha nipheru na ittoko.

aFilipi 3:19

Mwaha wa yaawo, ommaleloniwaya ti oriheya; mulukwaaya ti nipwiipwi, ni ovuwawaya ori mwa yeeyo eri yoowuuliha muru; awo anuupuwela paahi itthu sa elapo ya vathi.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

2 Pedru 2:17

Atthu awo ari anaattuuttu oohikhalano maahi, etthapwe yeettihiwe ni ettheku. Oriipa wa epiphi onimwaaweherera.

Yuda 1:6

Apwiya ahaatthuka mpiphini ni onyooro woohimala wa othorihiwa wa nihuku ntokweene andyelo yahaakosoompe mikhalelosaya sa ikuru, mene yaahiya nipuronaya.

Ethupululo 20:10

Diyabu* aalokottha aavonyeriwa vantthiyani na mooro omvarela ni enxofre*, weiwo yaavonyeriwaaya enama ya mmunepani ni mprofeeti oolokottha. Awo eniittaruxiwe othana ni ohiyu mahuku ootheene oohimala.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”