Yoxuwa 8:33 - Emakhuwa Bible

³³ aYixrayeli ootheene, akhalaka muYixrayeli hoye hoye namarwa, vamoha ni asitokweenaaya, ahoolelaaya ni aphukaaya yaari yeemelelo mipatta soomiili sa Arka* a Wiiraana a Yave yaawehawehaka yaawo yaateexa, eyo tiiyo asaserdoti* yaari aLeevi. Mpatta mukina wa muloko waari yeemelelo ohoolo vamwaako Gerizimi ni mpatta mukinoowo ohoolo vamwaako Ebali, ntoko Moisesi, murumeiyi a Yave, aalamulenlaawe khalayi muloko wa aYixrayeli weera oreelihiwe.

Yoxuwa 8:33 Iomraidhean Croise

Okhuma 12:49

Ikanosene seiya seetteliweke wa muYixrayeli ni namarwa omankemo.”

Levitiku 24:22

Malamulo ala ti wa namarwa nitho muYixrayeli. Miyo ti Yave Mulukwaanyu.’”

Nuumeru 15:15

Muthukumano okhalaneke malamuloweene yaawo, eniyooreereleni nyuwo mpaka namarwa onkhala eriyaraanyu. Nna nikhale nlamulo noohimala wa ikhapirasanyu sootheene sineera sirwe. Ohoolo wa Yave, enimooreerelani nyuwosa mpaka namarwa onkhala ni nyuwo.

Nuumeru 15:16

Nlamulo nenenenno ni ikano iyo, seetteliweke ni nyuwo mpaka namarwa onkhala ni nyuwo.

Nuumeru 15:29

Nlamulo nimoha paahi nnikhale wa yoowo anaattheke mweerisani, akhalaka neethi, naari namarwa onkhala ni nyuwo.

Yohaane 4:20

Makholowaahu yaalapela vamwaakoni ola, mene nyuwo aYuda muneera weera oYerusaleemu ti nipuro nintthuneya olapa.”

Deuteronomiyo 11:29

Yave Mulukwaanyu ooronghakani mweelaponi yeeyo munrowaanyu okuxa, mwalaleiye mareeliho vamwaako oGerizimi ni nlapho vamwaako wEbali.

Deuteronomiyo 31:12

Mwathukumanyihe muloko – asilopwana, asithiyana, anamwane ni anamarwa ankhala mmasidadenimwanyu weera yiiwe ni exuttere omoova Yave Mulukwaanyu ettharaka oororomeleyeene masu ootheene a Nlamulo nna.

Deuteronomiyo 31:25

aahaalamulela aLeevi yaateexa Arka* a Wiiraana a Yave:

Deuteronomiyo 31:9

Hiiho Moisesi aalepa Nlamulo nna, anaavaha asaserdoti* yaari anamwane a Leevi mwa yaawo yaateexa Arka* a Wiiraana a Yave aavahakatho ahooleli ootheene a aYixrayeli.

Yoxuwa 23:2

aahaathukumanyiha aYixrayeli ootheene – asitokweenaaya, ahoolelaaya, aphukaaya ni asitokweene akina, anaweerelasa: “Miyo kohuuluvala vancipale.

Yoxuwa 24:1

Vano Yoxuwa aathukumanyiha ipuumba sootheene sa aYixrayeli oXekhemi. Aahaathukumanyiha asitokweene, ahooleli, aphuki ni asitokweene akina a aYixrayeli ni awosa yaahiixoonihera ohoolo wa Muluku.

Yoxuwa 3:14

Muloko okhulakhulakaru iheemasaya weera omulapuwe Yordanu, asaserdoti* yaateexa Arka* a Wiiraana yaarowasa ohoolo.

Yoxuwa 3:3

yaalamulaka atthu: “Mwaawoonaka Arka* a Wiiraana a Yave Mulukwaanyu ni asaserdoti* ari aLeevi yaakunxeene yaawo, vano mvenye mmapuronimwanyu ni mwaattharaseke.

Yoxuwa 3:6

Yoxuwa aaweerela asaserdoti*: “Mwaattukhule Arka* a Wiiraana ni murowe ohoolo wa muloko.” Awosa yaahaattukhula, enarowa ohoolo.

Yoxuwa 4:10

Vano asaserdoti* yaateexa Arka* yaari yeemelelo eriyari ya Yordanu mpaka muloko opaka sootheene Yave aamulamulenlaawe Yoxuwa mwa Moisesi. Muloko waalapuwa woowaakuveya.

Yoxuwa 4:18

asaserdoti* yaakhuma mmoolokoni yaateexaleene Arka* a Wiiraana a Yave. Enyikalakaru omokoni, maahi a Yordanu yaakumanela, enasareya okhopela ni okhopela ntoko yeerenlaaya.

Yoxuwa 6:6

Yoxuwa, mwaana mulopwana a Nuni, aawiitthana asaserdoti*, anaweerela: “Mwaateexe Arka* a Wiiraana a Yave ni asaserdoti* athanneeli a nyuwo ekuxeke mapalapatta ohoolowaya.”