Yoxuwa 8:1 - Emakhuwa Bible

¹ Vano Yave aamweerela Yoxuwa: “Muhoove. Muhiporore. Mwaakuxe anakhotto ootheene, mwawaneno wAi. Koomwinnyerera mmatatanimwanyu mwene a wAi, mulokwaawe, esidadaawe ni elapwaawe.

Yoxuwa 8:1 Iomraidhean Croise

Icipo 27:1

Yave ti waarawaka ni ovuluxiwawaka – taani kineeraaka kimoove? Yave ti wootthawelawaka woolipa – taani aneera akoopopihe?

Icipo 44:3

Awosa khayaawinne elapo ni ikatanasaya naari ni ikurusaya; mwaari Nyuwo mwaawinne ni ntatananyu noolopwana, moonowaanyu ni waara wa ekhovaanyu mweenre mwaasivela.

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Yesaya 43:2

Mwaalapuwaka, kinookhala ni nyuwo; mwaalapuwaka yooloko, seiyo khasoomireihani; mwaaviraka mmooroni, khamunza; malumi a mooro khaanoohisani.

Yeremiya 46:27

“Wa nyuwo murumeiyaaka Yakobe – muhoove! Ii! Yixrayeli, muhituthuwe! Miyo kinimoovuluxani mulaponi yoorakamela, ni ekhapiraanyu mulaponi mutthukiwaanyu. Yakobe onoohokolowa ni onookhala mmuretteleni; oolipeene ni khaawo eniimuungurumihe.

Yeremiya 49:3

“Ii! Hexiboni, wiikhupanyere, niwoko wAi woophwatiwawo! Ii! Amaki a oRaba! Mukhuwele! Ngware soolalamikano ni mwiinle! Mwaase otthimaka, niwoko Moloki onoorowa wootthukiwani vamoha ni asaserdotaawe ni asitokweenaawe.

Daniyeli 2:21

Owo onceendya ihuhu sa vanihukuni ni sa vayaakani; Owo onaakhaliha mamwene ni Owo onaakuruxa yaawo. Owo onaavaha miruku anamiruku ni esuwelo yaale aniiwexexa nnene.

Daniyeli 4:25

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe ni munimwiimeliwa nikame na wiirimu. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Matheyo 8:26

Yeesu aahaakoha: “Heeni munoovaanyu vancipale, atthu a nroromelo vakhaani?” Vano aavenya, anahiiha epheyo ni ephareiya, ni yaamaaleleya vancipale.

Deuteronomiyo 1:21

Moone, Yave Mulukwaanyu ohiikaati elapo ela ohoolowanyu. Murowe, mwakuxe, ntoko Yave, Muluku a makholowaanyu oweerenlaaweni. Muhoove hata muhiporore.”

Deuteronomiyo 31:8

Yave muneenaawe onimoohoolelani ni onookhala ni nyuwo. Khoohiyani meekhiinyu. Muhoove hata muhiporore.”

Deuteronomiyo 7:18

Wa soothesene, muhoove iyo. Muupuwelele nnenesene yeeyo Yave Mulukwaanyu aampakenlaawe Farawu* ni wExipitu wootheene.

Deuteronomiyo 7:21

Muhoove niwoko Yave Mulukwaanyu ori variyariwanyu ti Muluku Mutokweene ni Oowoopiha.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”

Yoxuwa 10:7

Hiiho Yoxuwa vamoha ni anakhottwaawe ootheene nitho asilopwana ooweraxa owana yaattimula oGiligali.

Yoxuwa 10:8

Yave aamweerela Yoxuwa: “Muhiwoove mamwene awo, kowinnyerera mmatatanimwanyu. Khawowo hata mmoha a yaawosa ongwera woowinani.”

Yoxuwa 2:24

Awosa yaamweerela Yoxuwa: “Woohihovela, Yave ooninnyerera elapo yootheene. Atthu ootheene a weiwo aasareya woova niwoko na hiyo.”

Yoxuwa 6:2

Vanonto Yave aamweerela Yoxuwa: “Moone, kohoovahani Yeriko mmatatanimwanyu, vamoha ni mwenaaya ni anakhottwaawe.”

Yoxuwa 7:9

aKanaani ni miloko sikina sa elapo ela sinoosuwela yeela ni sinoonirica, siniphwataka mweelaponimu. Vano mmwipake eheeni weera mwaakihe Nsinananyu ntokweene?”