Yoxuwa 7:6 - Emakhuwa Bible

⁶ Vano Yoxuwa aahaahula ikuwosawe uuramihelaka ekhovaawe vathi ohoolo wa Arka* a Yave, iihenleene etthaya mmuru. Aakhalawo mpaka wiila. Asitokweene a aYixrayeli yaapaka mooteene yoowo.

Yoxuwa 7:6 Iomraidhean Croise

Epacerero 37:29

Ahokoleelakaru Rubeni ohimeni, ni oonaka weera Yoseefe khaakhanlemo, aahaahula soowarasawe,

Epacerero 37:34

Vano Yakobe aahaahula soowarasawe, anawara esaakho, ni aathananaxa mahuku mancipale amwiinlelaka mwanawe.

2 Samuweli 1:11

Vano Davide ni asilopwanaawe ootheene ni yoowo yaahaahula soowarasaya.

2 Samuweli 1:12

Awosa yaatthuka, eniinla mpaka wiila, emulalamikelaka Sawuli, mwanawe Yonatani, anakhotto a Yave ni muloko wa oYixrayeli, niwoko yaahiiviwa ancipale.

2 Samuweli 1:2

Vanihukuni nanaararu aaphiya mulopwana mmoha akhumaka aakonenlaawewo Sawuli, soowarasawe saahungweene ni areene itthayaru mmuru. Amwaattamelaka Davide aamuuramela ooniheraka nttittimiho.

2 Samuweli 12:16

Davide aamudyoonttelela Yave amweerelaka mwaana ole. Owo aatthuka, anavolowa mpaanimwawe avirihaka ohiyu akonneene puruvuru.

2 Samuweli 13:19

Tamari aahiihela ettuura mmurumwawe, anaahula mukaandyowaawe iivarenleene muru aakuxera ephiro akhuwelaka ni iinlaka.

2 Samuweli 13:31

Mwene aavenya, anaahula ikuwosawe, anuuramihela ekhovaawe vathi. Arumeiyi ootheene aaraaweno yaahaahulasatho ikuwosaya.

2 Mamwene 22:11

Mwene iiwakaru masu ale a elivuru ya Nlamulo, aahaahula ikuwosawe.

2 Nyaha 34:19

Mwene iiwakaru masu a elivuru, aahaahula soowarasawe,

Ezera 10:1

Ezera avekelaka ni alapaka akokhonreene iinlaka ohoolo wa Empa ya Muluku, atthu ancipale a aYixrayeli – asilopwana, asithiyana ni amiravo – yaathukumana emurukureenreene. Awosatho yaahiinlaxa.

Nehemiya 9:1

Vanihukuni nanaamiloko miili ni maxexe na mweeri, aYixrayeli yaathukumana, etthukaka, ewaraka isaakho eniihelasa ettuura mmuru.

Exteri 4:1

Mordekai asuwelaka sootheene saakhumelenle, aahaahula soowarasawe, anawara esaakho, aniihela ettuura, anakhuma musidade iinlaka ni alalamikaka vancipale.

Exteri 4:3

Khula elapo yaaphiyalaayawo ekano ele ni nlamulo na mwene waakhala wiikhupanyera otokotoko variyari wa aYuda, enatthuka, eniinla, enalalamika. Ancipale yiixaatalela vasaakhoni yiihenleene ettuura.

Yobi 1:20

Yobi iiwaka yeeyo, aaheemela, anaahula mukaandyo ni anamettha. Vano aahuuramihela ekhove vathi moolapani,

Yobi 2:12

Emoonaka ottai ottai, khayaamusuwelaru ni yaapacerasa omwiinlela ekhuwelaka. Khula mutthu a yaawosa aahaahula mukaadyowaawe, aniihela etthaya mmuru.

Yobi 42:6

Tivawo kiniinyoosaaka muneenaaka, kinarukunxa murima vantthupini ni vattuurani.”

Icipo Soolalamika 2:10

Ahooleli a esidade ya oSiyoni ankilaathi vathi emaalelo. Aniihela ntthupi mmuru ni angwarela soolalamikano. Asimwali a oYerusaleemu anuuramihela muru vathi oowuulihiheyeene muru.

Nuumeru 14:6

Yoxuwa, mwaana mulopwana a Nuni, ni Kalebi, mwaana mulopwana a Yefune, yaari eriyari ya yaawo yaarongwe ohottela elapo, yaahaahulasa soowarasaya,

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

Nuumeru 16:45

“Mvenye eriyari ya muloko ola weera Miyo kaamalihase woowaakuveya.” Vaheera awosa yaahuuramihelasa ekhovaaya vathi,

Miteko 14:14

Yiiwaka yeeyo, Pawulo ni Barnaba yaahaahula ikuwosaya ni yaatthimakela eriyari ya atthu ancipale ekhuwelaka:

Yoxuwa 7:7

Yoxuwa aaheera: “Ii! Yave, Yave, heeni mulapuxenreni muloko ola muYordanu? Mweerela onivaherera mmatatani mwa awAmori weera eniphwate? Eya! Fataari naakhanle okhopela Yordanu!

Ethupululo 18:19

Eniihele ntthupi mmurumwaya, ni eniikhuwele, yiinlaka ni elalamikaka: ‘Ii! Ii! Enoohaawa, esidade etokweene, weiwo ootheene yaarino makula mphareiyani yaapuhaaya ni mihakhusaya! Wa ewoora emoharu eyo yoohononiwa.

Ahooleli 11:35

Amoonakaru mwanawe, aahaahula soowarasawe akhuwelaka: “Ii! Mwanaka! Koothananiheya ni ooriipiweene murima mwaha wa nyuwo! Koomuroromeliha ni nlipelo Yave etthu kihingweraaka ohikwanihera.”

Ahooleli 20:23

aYixrayeli yaamwaattamela Yave yiinlaka vamaithoniwawe mpaka oxekuwa, emukohaka: “Naawananeketho axunnihu aBenyamini?” Yave aawaakhula: “Nyuwosa mwaawananeke.”

Ahooleli 20:26

Vahoolowaya aYixrayeli ootheene, yaarowa oBeteli, enakilaathiwo yiinlaka ohoolo wa Yave. Yaatthuka nihuku nne mpaka oxekuwa empakelaka Yave sooveleela soohisa ni sa murettele.

Ahooleli 21:2

Muloko waarowa oBeteli mwa weiwo waakilaathiyaayawo vamaithoni wa Muluku mpaka oxekuwa okhuwelaka ni wiinlaka ni wiikhupanyera.

1 Samuweli 4:12

Nihuku nenenenne muBenyamini aavenya mukhottoni atthimakelaka oXilo, awanreene soothaala ni areene mmuru etthayaru.