Yoxuwa 7:11 - Emakhuwa Bible

¹¹ aYixrayeli aattheka. Aarambura wiiraanawaka kaalamulenlaaka. Aakuxa sikina sa itthu sootteeliheriwa. Ahiiya, aavitha, enikaathi vamoha ni itthusaya.

Yoxuwa 7:11 Iomraidhean Croise

2 Mamwene 18:12

Eyo yeereenle niwoko aYixrayeli khayaamwiiwelenle Yave Mulukwaaya, mene yaaramusa wiiraanawawe – sootheene Moisesi, murumeiyi a Yave, aalamulenlaawe. Awo khayiiwale malamulo hata khayaakwanihenre.

2 Mamwene 5:24

Gehazi aphiyakaru vanttumuxani aakhalaawe, aakuxa mirupa yaakuxalaaya arumeiyi eeli ale, anathokorora mpaanimwawe. Aahaalaxera arumeiyi ni awosa yaapwaha.

Yesaya 24:5

Elapo yoovaliheya ni amakaaya; awosa aarambura malamulo, aaramusa ikano ehipwatthaka wiiraana woohimala.

Yeremiya 31:32

Khookhala ntoko wiiraana kaapankaaka ni makholowaanyu kaavarenlaaka ni ntata weera kaakhumihe wExipitu; niwoko aananariha wiiraanawaka, kaarookhalaru Iyaya,” onghima Yave.

Hoxeya 6:7

Ntoko Adamu, awosa aananariha wiiraana, enakikhalela oohiroromeleya.

Levitiku 5:15

“Mukina aatapanya atthekaka mweerisani wa yakhalaru etthu yootteeliheriwa Yave, owo amuruuheleke Yave napunci a muhuwaawe oohirakala oophimiwa mparathani*, ettharaka olemela wa exekeli* ya Nipuro Nootteela*. Eyo ti yooveleelela nthowa.

Habakuki 2:6

Nihuku na muhoolo miloko sootheene iyo sinoomutthebwa ni icipo sa munyemu, seeraka: ‘Ii! Yoowo onthukumanyiha itthu soohuhula ni oniipuhiha ni wiixoopopiha. Mpaka yaakhani eyo eneeraaya epwaherere?’

Zakariya 5:4

Yave a ikuru sootheene onghima: ‘Miyo kirumihenle nlapho nno weera nivolowe mpaani mwa namwiiya ni mwa yoowo onlipela moota woowootha mwa Nsinanaka. Nno nnookhala mpaanimwaya, ni nnoophwata okhuma itthaabwa mpaka indyerwa.’”

Matheyo 22:21

Awo yaamwaakhula: “Sa Seesari.” Owo aaweerela: “Vano, mumvahe Seesari yeeyo eri yawawe, ni wa Muluku eri yawawe.”

Miteko 5:9

Pedru aamweerela: “Heeni nyuwo mwaavaanelaanyu weerera Munepa wa Apwiya? Moone, inaawo sa yaawo yaavithale aiyinyu siri vamulako, ni awo animookuxanitho.”

Deuteronomiyo 17:2

Vano mulopwana hoye hoye muthiyana mmoha onkhala esidade emoha emoha Yave Mulukwaanyu onoovahaaweni aphwanyaniwa apakaka yeeyo Yave Mulukwaanyu ohintthunaawe ananarihaka wiiraanawawe,

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Yoxuwa 23:16

Nyuwosa mwavirikanyiha wiiraana Yave Mulukwaanyu oolamulenlaaweni ni mwalapa miluku sikina, mukokhorelaka seiyo, vano isara sa Yave sinimoopattelasani ni nyuwosa munoomalamala mulaponimu mooreera oovanghaaweni.”

Yoxuwa 7:1

Wa soothesene, aYixrayeli khayaaroromeleiye ni itthu sootteeliheriwa. Akani, mwaana mulopwana a Karemi, mwaana mulopwana a Zabedi, mwaana mulopwana a Zera, a epuumba ya Yuda, aahiiya ikina sa seiye. Isara sa Yave saahaaluttuwela aYixrayeli.

Yoxuwa 7:10

Yave aamweerela Yoxuwa: “Mweemele, muuramenle heeni vawo?

Ahooleli 2:20

Tivawo isara sa Yave saapattenlaaya aYixrayeli ni Owo aaheera: “Weenre muloko ola onanarihaka wiiraana kaapakenlaaka makholowaaya ni ohikiiwaka,

1 Samuweli 14:38

Tivawo Sawuli eenraawe: “Ngweeke wenno, ootheene nyuwosa muri asitokweene a anakhotto weera noonelele yoottheka heeni epakeiye olelo.