Yoxuwa 6:18 - Emakhuwa Bible

¹⁸ Muhikuxeru itthu sootteeliheriwa hata emoha ya seiyo. Mwakuxasa iyo, munoophwatiwa mwaaruuhelaka ophwatiwa ni irisa aYixrayeli.

Yoxuwa 6:18 Iomraidhean Croise

2 Samuweli 21:1

Ehuhu ekina moolamulani wa Davide, yaakhala etala yaavonle iyaakha tthaaru. Tivawo Davide aamvekenlaawe Yave. Yave aamwaakhula: “Ti niwoko na Sawuli ni emusaawe yoosareya ephome; niwoko aawiiva aGibiyoni.”

Namalaleiya 9:18

Miruku ti sooreera opwaha ikapwitthi sa ekhottho, vaheera namattheka mmoha paahi omphwata itthu sooreera sincipale.

Yoonasi 1:12

Yoonasi aawaakhula: “Mukivare ni mukivonyere mphareiyani ni ela enoomaala. Miyo koosuwela weera ettheku etokotoko ela yoorweenleni nyuwo niwoko na miyo.”

aRooma 12:9

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

2 aKorinto 6:17

Tivawo: “muvenye wa yaawo ni mususeke,” aneera Apwiya. “Muhitave itthu soohitteela, ni Miyo nkiwaakheleni.

awEfeso 5:11

Muhiiraaneke ni miteko sihiniima sa epiphi. Ohiyanawaya, moonihereke iyo ntoko sa epiphi.

Deuteronomiyo 13:17

Muhiphwanyaniweru elakeliwe ophwatiwa weera Yave akurunuxe isarasawe. Owo onimoomoreliwani ikharari, anaawaandyeerereni ntoko aaroromelinghaawe ni nlipelo makholowaanyu,

Deuteronomiyo 23:10

Mmoha a anakhottwaanyu aahitteela niwoko na wiilohera, owo avenyeke mukonelingwe.

Deuteronomiyo 7:26

Muhikuxeru etthu eri ya mwiikho muronghaka mpaanimwanyu weera nyuwosa muhiphwatiwetho. Muthanye ni musembe ni murimaanyu wootheene niwoko simwalamwaliheriwe ophwatiwa.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.

Yoxuwa 7:1

Wa soothesene, aYixrayeli khayaaroromeleiye ni itthu sootteeliheriwa. Akani, mwaana mulopwana a Karemi, mwaana mulopwana a Zabedi, mwaana mulopwana a Zera, a epuumba ya Yuda, aahiiya ikina sa seiye. Isara sa Yave saahaaluttuwela aYixrayeli.

Yoxuwa 7:13

Murowe, mwatteelihe muloko. Mwaaleele: ‘Mwiitteeliherase weera mukhaleke oolikaneene omaalo, niwoko Yave, Muluku a aYixrayeli oneera ha: Sookhala itthu sootteeliheriwa ophwatiwa variyariwanyu, aYixrayeli. Khamungwera waawina amwiittanaanyu muhithupulunle.

Yoxuwa 7:15

Yoowo anaavaraniwe itthu sootteeliheriwa onoohisiwa mmooroni vamoha ni sootheene orinaawe. Owo oorambura Wiiraana wa Yave ni oopaka etthu yoowuuliha muru muYixrayeli.’”

Yoxuwa 7:25

Yoxuwa aamukoha: “Munitannyerenle heeni erisa ela? Olelo Yave onimootannyeranitho erisa!” Vano aYixrayeli ootheene yaamvonya maluku ni vahoolowaya yaahaavonya awawe, enaahisa ootheene ni sootheene mmooroni.

1 Yohaane 5:21

Anamwane, mwiithokorore mwa miluku sikina.

1 Samuweli 15:9

Vaheera Sawuli ni anakhotto yaamuurela Agagi vamoha ni sooreerela sa ikhondoolo ni imombe, aximombe ni iputtiputthi soonenevela – sootheene saari sooreera. Khayaatthunne ophwata itthusene seiye voothevene, vaheera yaaphwata sootheene saari soothanyeya ni soohivareleya muteko.