Yoxuwa 6:17 - Emakhuwa Bible

¹⁷ Esidade ni sootheene siri mwemmo sitteeliheriweke Yave. Paahi puuta Rakhabi ni ootheene ari mpaanimwawe eneera yuureliwe, niwoko aawiipithiha anamahottela naarumihalaahu.

Yoxuwa 6:17 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Ezera 10:8

Ahooleli ni asitokweene akinaawo yaalakela weera yaawo yeera ehirwe mmahukuni mararu yaamuyeleela sooreelasaya sootheene ni yaamoomoliwa mmuthukumanoni mwa anamatthukiwa.

Yesaya 34:6

Ekatana ya Yave yoosareya ephome; yoohuruweleya makhura – ephome ya iputtiputthi ni ipuri, makhura a miso sa anapunci. Vano Yave onnyesereriha yooveleela oBozera, noomala mweelaponi mwa wEdomi.

Yeremiya 46:10

Vaheera nihuku nno ti na Muneene Yave a ikuru sootheene. Nnikhale nihuku na ikukuttula – noowiinlela ikukuttula awananaawe. Ekatana enoonyaanya mpaka okwaneya, aani mpaka okwaneya ohaawelawaya ephome. Niwoko Yoole onlamula sootheene, Yave a ikuru sootheene, onoopaka yooveleela mulaponi ya ottuttuwani, omoolokoni Efratesi.

Ezekiyeli 39:17

Mwaana a mutthu, Yave onlamula sootheene, oneera ha: Mwiitthane moota wootheene wa ipalame ni axinama ootheene a ntuphini: ‘Ekhumase mmapuroni moothemwene yaarukureenre ni ethukumanele yooveleela kinoorehererelasaakani, yooveleela etokotoko mmanyaakoni sa oYixrayeli. Wu, nyuwosa munookhuurawo enama ni munoowura ephome.

Levitiku 27:21

Ettima yaatapuxiwa vaYaakhani ya Otthapa, enoothatuwa yootteela, ntoko ettima yootteeliheriwa Yave; enoothatuwa ettima ya asaserdoti*.

Mikeyasi 4:13

“Ii! Esidade ya oSiyoni, mvenye ni mukokhole, niwoko Miyo kinimoovahani manyaka a eyuuma ni itthottopwa sa ebronze* weera munyaanyeno miloko sincipale.” Nyuwo munoomutteelihera Yave mwa Yoowo onlamula elapo yootheene, soowinasaya soohireerela ni mihakhusaya sootheene.

Matheyo 25:40

Mwene anaakhule: ‘Miyo kinooleelani ekhaikhai: ‘Yeeyo mwaampakenlaanyu mmoha a axunnaka ooyevaxa, mwaakipakenle Miyo.

1 aKorinto 16:22

Akhala mukina ohinaasivela Apwiya, akhaleke oolamphwa. Ewe Apwiya!

1 aKorinto 2:7

Ohiyanawaya, nnuuluma sa miruku sa Muluku, eyo tiiyo, ntikhinelo naari noowiipithiheya. Nno Muluku oolamulela wa ovuwawahu ehinaaye epacerero ya ehuhu.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

aGalata 3:12

Malamulo khaankhuma wa nroromelo, ohiyanawaya, “Yoowo ompaka itthu iya, onkhala niwoko na seiyo.”

Deuteronomiyo 20:17

Mwaaphwate aHiti, awAmori, aKanaani, aPerizi, aHivi ni aYebusi, ntoko Yave Mulukwaanyu oolamulenlaaweni.

aHeberi 11:31

Munroromeloni, puuta Rakhabi khaakhwiiye vamoha ni yaawo yaari oohiiwelela, niwoko owo aawaakhela vaatewawe anamahottela yaarummwe owehaweha elapo.

aHeberi 6:10

Muluku khahiyono oohiroromeleya, Owo kharwa attiwala mitekosanyu, naari osivelawanyu mmoonihenraanyu, niwoko mohaakhavihera ootteela ni nlelo mumpwaherera waakhavihera yaawo.

Yakobe 2:25

Hiihotho yaaheereiya ni puuta Rakhabi. Khahiyono owo aakhuleliwe niwoko na miteko, aawaakhenlaawe anamahottela ni aatthawihenraawe ephiro ekina?

Yoxuwa 2:1

Vano Yoxuwa, mwaana mulopwana a Nuni, aahaarumihela muxiirini anamahottela eeli oXitimi. Aaweerela: “Murowe, mweettelele elapo eyo wootepaxa oYeriko.” Awosa yaarowa, enavolowa empa ya puuta iitthaniwa Rakhabi, enavirihasa ohiyu.

Yoxuwa 2:22

Awosa ettimulasakaru, yaarowa omwaako, enakhalawo mahuku mararu mpaka yaahokolowaaya anamattharatthara. Awosa yaawaasaasa mmuseweni wootheene, mene khayaaphwayanse.

Yoxuwa 7:1

Wa soothesene, aYixrayeli khayaaroromeleiye ni itthu sootteeliheriwa. Akani, mwaana mulopwana a Karemi, mwaana mulopwana a Zabedi, mwaana mulopwana a Zera, a epuumba ya Yuda, aahiiya ikina sa seiye. Isara sa Yave saahaaluttuwela aYixrayeli.

1 Samuweli 15:3

Vano murowe ni mwaawaneno awAmaleki mphwataka soothesene siri sawaya. Muhimuurele mutthu; mwawiiveke asilopwana, asithiyana, anamwane, ooyariwa vaanaano, imombe, ikhondoolo, ikamelu* ni abuuru.’”

1 Samuweli 15:6

Vahoolowaya aaweerela aKeni: “Mvenyase wa awAmaleki weera kihoophwateni vamoha ni yaawo, niwoko mwaawoonihera murima wooreera aYixrayeli yaakhummaaya wExipitu.” Vano aKeni yaavenya wa awAmaleki.