Yoxuwa 4:6 - Emakhuwa Bible

⁶ Maluku awo eniikhale eneneerowaanyu. Muhoolommo, anamwaniinyu yookohani: ‘Maluku ala antaphulelani?’

Yoxuwa 4:6 Iomraidhean Croise

Icipo 44:1

Ii, Muluku! Nohiiwa ni maaruwaahu; makholowaahu yaanithalihera seiye mwaapankaanyu mmahukunimwaya; ehuhuweene yeele ya khalayi.

Icipo 71:18

Ii! Muluku, vano kuuluvanlaaka ni ipwi, muhikihiye, weera kilaleiye ikurusanyu wa anamwaniihu ni owerawanyu wa ikhapira sa muhoolo.

Okhuma 12:14

Nihuku nno nikhaleke noowuupuweleliwa nyuwosa ni ekhapiraanyu. Khula eyaakha vanihukuni nno mmuupuwelele mumpakelaka efesta Yave, ntoko nlamulo noohimala.

Okhuma 13:14

Muhoolommo anamwaniinyu yookohani: ‘entaphulela eheeni yeela?,’ vano mwaaleele: ‘Yave onikhuminghe wExipitu, elapo ya okaporo ni ntata nooweraxa.

Okhuma 13:9

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Nlamulo na Yave nikhale vayanoniwanyu, niwoko Yave ohookhumihani wExipitu ni ntatanawe nooweraxa.

Okhuma 31:13

“Mwaaleele aYixrayeli: ‘Muttittimihe iSaabadusaka. Eyo eniikhale eneneero ya Miyo ni nyuwosa wa khula ekhapira weerela musuwele weera Miyo ti Yave onootteelihasani.

Yesaya 38:19

Akumi, paahi aani, akumi anoottottopelani Nyuwo, ntoko miyo kimpakaaka olelo. Asitiithi anaathalihera anamwanaaya sa ororomeleyawanyu.

Yesaya 55:13

Mwiri wa epinyeiru* onimunnuwa vanipuroni na nyiiwa ni vanipuroni na rupulula onimunnuwa murta*. Eyo enoomuttittimiha Yave ntoko eneneero yoohimala eneera ehiphwatiwe.

Ezekiyeli 20:12

Kohaavahasatho iSaabadusaka ntoko eneneero ya eriyaraahu, weera esuwele weera Miyo, Yave, kohaapakasa yaawo muloko wootteela.

Ezekiyeli 20:20

Mutteelihe iSaabadusaka, weera iyo sikhale eneneero ya eriyaraahu. Hiiho nyuwosa munoosuwela weera Miyo ti Yave, Mulukwaanyu.”

Nuumeru 16:38

Soohisera erubani* sa atthu siwiivale mwa sootthekasaya sinoohaniwa ntoko ireesa ni sinoovareliwa muteko woowaahuruwelano altaari*, niwoko sooveleeleliwa Yave ni soothatuwa sootteelihiwa. Iyo sikhaleke eneneero wa aYixrayeli.”

Miteko 2:39

Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

Deuteronomiyo 11:19

Mwaaxuttihaseke anamwaniinyu malamulo ala mwaathaliheraka nyuwosa mukilaathiyeene owaani hata mweettaka mphironi naari mwiixaatalelaka hoye hoye mvenyaka.

Yoxuwa 22:27

Ohiyanawaya, ekhaleke namoona variyariwahu, ni ikhapira sineera sirwe, weera nnoomulapa Yave mphironimwawe mootteela ni sooveleelasahu soohisa, sa enama ni sa murettele. Hiiho, ehuhu ya muhoolo, ikhapirasanyu khasiwera oneerela: Nyuwo khamuniiwanana ni Yave.’

Yoxuwa 4:21

Owo aaweerela aYixrayeli: “Muhoolommo, anamwaniinyu yookohani: ‘Maluku ala antaphulelani?’

Yoxuwa 4:5

anaweerela: “Murowe ohoolo wa Arka* a Yave Mulukwaanyu mpaka eriyari ya Yordanu. Khula mutthu a nyuwosa muloko neeli athateleke nluku nimoha nithoonyeraka khula epuumba ya aYixrayeli.