Yoxuwa 4:19 - Emakhuwa Bible

¹⁹ Vanihukuni nanaamuloko na mweeri woopacera muloko waalapuwa muYordanu, onakonela oGiligali, omwiinanoni mpatta ninkhuma nsuwa wa oYeriko.

Yoxuwa 4:19 Iomraidhean Croise

2 Mamwene 2:1

Yave aatthunnaawe omuweliha Eliya wiirimu mpheyoni, Eliya ni Elixa yeera evenyaka oGiligali.

Amosi 4:4

“Murowe oBeteli ni mwatthekewo; murowe oGiligali ni mwatthekaxewo. Khula oxeexelo mpake sooveleelasanyu, mvahe sanaamulokosanyu khula vayaakhani yanaararu.

Amosi 5:5

muhaase oBeteli, muhirowe oGiligali, muhivireru oBerexeba. Vano vekhaikhai, amaki a oGiligali anoroonghiwa wootthukiwani, ni oBeteli onooheliwa nthala.”

Mikeyasi 6:5

Mulokwaaka, muupuwelele moota Balaki, mwene a oMowabe oovaanelenlaaweni, ni yeele Balaami mwaana mulopwana a Beyori aakhunlaawe. Muupuwelele mukwaha mwaapankaanyu okhuma oXitimi mpaka oGiligali, ni moonelele weera miteko sa Yave ti soororomeleya.”

Deuteronomiyo 1:3

Vayaakhani miloko mixexe, vanihukuni noopacera na mweeri wanaamuloko nimmoha, Moisesi aahaalaleera aYixrayeli malamulo ootheene Yave aamulamulenlaawe mwaha wa yaale.

Deuteronomiyo 11:30

Ntoko musuwenlaanyu nyaako iyo siri okhopela Yordanu, mpatta ninkela nsuwa wa musewe, ninnelaayawo nsuwa, vakhiviru wa nyiri sitokotoko sa oMore, elapo ya aKanaani ankhala wAraba yookhuveela oGiligali.

Yoxuwa 10:43

Vahoolowaya Yoxuwa aahokoleela waakoneliwa oGiligali vamoha ni aYixrayeli ootheene.

Yoxuwa 10:6

aGibiyoni yaamurumihela Yoxuwa mutthenga ola waakonelingwe oGiligali: “Muhaahiye arumeiyaanyu. Ngweeke woowaakuveya ni munivuluxe! Munikhavihere, niwoko mamwene ootheene a awAmori ankhala mmanyaakoni aanithukumanela!”

Yoxuwa 15:7

Mwiinano waakhuma oDebir okelaka vareyareyani na wAkori ni waarukureera okottoombelaka mpatta wa ottuttuwani wookela oGiligali, ohoolo wa ekhato ya wAdumimi, mpatta wa ohitto wa vareyareyani. Waavira mmaahini a wEni-Xemexi orowaka mpaka wEni-Rogeli.

Yoxuwa 24:11

Vahoolowaya mwaamulapuwa Yordanu, munaphiyasa oYeriko. Yaale a oYeriko yaahoowanananisa, hiihotho awAmori, aPerizi, aKanaani, aHiti, aGiregaxi, aHivi, aYebusi, mene Miyo kaawinnyererasa mmatatanimwanyu.

Yoxuwa 4:18

asaserdoti* yaakhuma mmoolokoni yaateexaleene Arka* a Wiiraana a Yave. Enyikalakaru omokoni, maahi a Yordanu yaakumanela, enasareya okhopela ni okhopela ntoko yeerenlaaya.

Yoxuwa 5:10

Moohiyuni wa nihuku na naamuloko ni maxexe na mweeri ole, ekonenleene oGiligali oreyareyani wa oYeriko, aYixrayeli yaapaka efesta ya mPaska*.

Yoxuwa 5:9

Vano Yave aamweerela Yoxuwa: “Olelo kohoovenxerani oyevihiwa mwaahaawanyu wExipitu.” Tivawo nipuro nne nniitthaniwaaya Giligali mpaka olelo.

Yoxuwa 9:6

Vano yaarowa wa Yoxuwa aari waakoneliwe oGiligali, enamweerela yoowo ni aYixrayeli: “Ninkhumelela elapo ya ottaiwene. Vano nintthuna weera niiraaneke.”

1 Samuweli 10:8

Muhooleke mpaka oGibeya. Vekhaikhai kinimoowa wa nyuwo weera kapake sooveleela soohisa ni sa murettele. Mwakiwehererewo mahuku mathannameeli mpaka kineeraka kaphiyewo ni vano kinimooleelani yeeyo entthuneya opaka.”

1 Samuweli 15:33

Vaheera Samuweli aamweerela: “Mweenre mwaakakatthasa anamwane a asimaayi amayinyutho kheekhalano mwaana variyari wa asimaayi.” Ni Samuweli aamwiiva Agagi ohoolo wa Yave oGiligali.