Yoxuwa 3:14 - Emakhuwa Bible

¹⁴ Muloko okhulakhulakaru iheemasaya weera omulapuwe Yordanu, asaserdoti* yaateexa Arka* a Wiiraana yaarowasa ohoolo.

Yoxuwa 3:14 Iomraidhean Croise

Icipo 132:8

Ii! Yave, mvenye ni mwaphiye vanipuroniwanyu noowiitthuuwa – Nyuwo ni Arka* a ikurusanyu.

Yeremiya 3:16

Mmahukuni awo, waattawanyu waandyeerereyaka vancipale mweelaponi,” onghima Yave. “Asilopwana kheerwatho yeera: ‘Arka* a wiiraana a Yave.’” Kheekhala mmuupuwelonimwaya hata kheewuupuwelelatho; atthu kheewaasaasa Arka* awo hata kheerwa epakiwa akina.

Deuteronomiyo 31:26

Mukuxe elivuru ela ni mwiikaathi mukhwipi mwa Arka* a Wiiraana a Yave Mulukwaanyu. Eniikhalewo ntoko namoona wa nyuwosa.

aHeberi 9:4

yaaphwanyaneyaayamo altaari* a eyuuma yoorikaxa ya erubani*, ni Arka* a wiiraana ookhuneelaxiwa ni eyuuma yoorikaxa. Mwemmo waakhala mwaapu wa eyuuma yoorikaxa ereenemo emana*, ni ekopo ya Aharoni yaaphuwale makukhu, ni itthaabwa sa wiiraana.

Yoxuwa 24:11

Vahoolowaya mwaamulapuwa Yordanu, munaphiyasa oYeriko. Yaale a oYeriko yaahoowanananisa, hiihotho awAmori, aPerizi, aKanaani, aHiti, aGiregaxi, aHivi, aYebusi, mene Miyo kaawinnyererasa mmatatanimwanyu.

Yoxuwa 3:3

yaalamulaka atthu: “Mwaawoonaka Arka* a Wiiraana a Yave Mulukwaanyu ni asaserdoti* ari aLeevi yaakunxeene yaawo, vano mvenye mmapuronimwanyu ni mwaattharaseke.

Yoxuwa 3:6

Yoxuwa aaweerela asaserdoti*: “Mwaattukhule Arka* a Wiiraana ni murowe ohoolo wa muloko.” Awosa yaahaattukhula, enarowa ohoolo.

Yoxuwa 6:6

Yoxuwa, mwaana mulopwana a Nuni, aawiitthana asaserdoti*, anaweerela: “Mwaateexe Arka* a Wiiraana a Yave ni asaserdoti* athanneeli a nyuwo ekuxeke mapalapatta ohoolowaya.”