Yoxuwa 24:19 - Emakhuwa Bible

¹⁹ Yoxuwa aaweerela atthu: “Nyuwosa khamulikanenle omurumeela Yave. Owo ti Muluku ootteelaxa ni a ehace. Owo khalevelela ovaanyawanyu ni yootthekaanyu.

Yoxuwa 24:19 Iomraidhean Croise

2 Nyaha 36:16

Vaheera awosa yaahaatthebwa anamitthenga a Muluku, enanyoosa maswaawe, ewuulihihaka muru maprofeetaawe, mpaka isara sa Yave opattela mulokwaawe, ni khawaariworu osemba nthorihelo.

Icipo 99:3

Seiyo sittottopeleke Nsinananyu ntokotoko ni noowooveya nri nootteela.

Icipo 99:5

Mumvuwihe Yave Mulukwaahu ni mukokhorele vathi wa ehicaawe ya emwene; Owo ti Ootteela.

Icipo 99:9

Mumvuwihe Yave Mulukwaahu ni mulape vamwaakwaawe wootteela, niwoko Yave Mulukwaahu ti Ootteela.

Okhuma 20:5

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Okhuma 23:21

Nnene mwiiwelele yeeyo owo onghimaawe muhimvaanyeke, niwoko kharwa alevelela ovaanyawanyu neenre Nsinanaka nikhalaka mwa yoowo.

Okhuma 34:14

Muhilaperu miluku sikina, niwoko Yave, mwa yoowo Nsinanawe ti Ehace, Owo ti Muluku a ehace.

Okhuma 34:7

mwa Yoowo ompwaherera ni waasivelawawe atthu oohaalikeleya, alevelelaka otakhala, ovaanya ni yoottheka. Hata hiiho, khanghiya omuttaruxa nanthowa. Owo onaattaruxa anamwane ni osuulwaaya mpaka ekhapira yanaararu ni yanaaxexe niwoko na soottheka sa asitithaya.”

Yesaya 2:9

Tivawo omutthu oneeraaya oveiheya ni oyevihiwa; muhaalevelele yaawosa.

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 30:11

Muhiye ephiro eyo; musembe musewe owo; mmaaleke onoopopiha ni Ootteela a oYixrayeli.”

Yesaya 30:15

Muluku onlamula sootheene, Ootteela a oYixrayeli oneera ha: “Ovuluxiwawanyu ori moorukunxani murima ni ngwiitthuuwani; ikurusanyu sirimoomalani ni moororomelani, vaheera nyuwosa khamutthunne.

Yesaya 5:16

Vaheera Yave a ikuru sootheene onoovuwihiwa mweekhaikhaiyinimwawe ni Muluku Ootteela onimwiixoonihera Ootteela moororomeleyanimwawe.

Levitiku 10:3

Vanonto Moisesi aamweerela Aharoni: “Uulummaawe Yave ti ela: ‘Kinimwiixoonihera Ootteelaxa variyari wa yaala ankaattamela; Miyo kinoovuwihiwa vamaithoni wa muloko wootheene.’” Aharoni aari mwaasa omaala.

Levitiku 11:44

Miyo ti Yave, Mulukwaanyu; mwiitteelihe ni mukhaleke ootteela niwoko Miyo ti Ootteela. Muhiivalihe ni yakhalaru ekhalelo eniipurula.

Levitiku 11:45

Miyo ti Yave ookhumihaleni wExipitu weera kikhale Mulukwaanyu; tivawo: mukhaleke ootteela niwoko Miyo ti Ootteela.

Levitiku 19:2

“Mwaleele muthukumano wootheene wa aYixrayeli: ‘Mukhale ootteela niwoko Miyo, Yave Mulukwaanyu, ti Ootteela.

Levitiku 20:26

Nyuwosa mukhaleke ootteela wa Miyo, niwoko Miyo, Yave, ti Ootteela ni kohoomwaramwaxani eriyari ya miloko weera mukhale mulokwaaka.

Levitiku 20:7

Mwiitteelihe ni mukhaleke ootteela, niwoko Miyo ti Yave Mulukwaanyu.

Nahumi 1:2

Yave ti Muluku a ehace ni nakukuttula. Aani Yave onrulela ikukuttula onyoonyiwawawe ti woowoopiha. Yave onaarulela ikukuttula amwiittanaawe ooniheraka isarasawe wa yaawo.

Habakuki 1:13

Maithwaanyu ti ootteelaxa ehiweraka oweha soonanara; khamungwera ovilela sootakhala. Munaavilelelani oohiroromeleya? Mummaalelani, atakhali yaamiraka oororomeleya oowaapwaha yaale?

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Yoxuwa 24:18

Ohiya toko yeeyo, Yave aanoomolela ohoolowahu miloko sootheene mpakatho awAmori yaamanke elapweene yeela. Hiyotho nnimurumeela Yave, niwoko Owo ti Mulukwaahu.”

Yoxuwa 24:23

Yoxuwa aaweerela: “Vanonto, mvonyere okhwipi miluku sikina muraanyuno ni muhokoleele wa Yave, Muluku a aYixrayeli.”

Ruuti 1:15

Nawomi aamweerela: “Omoone, munnaakaawo onghokoleela omulokononiwawe ni wa milukusawe. Ohokoloweno.”

1 Samuweli 3:14

Tivawo kilipelenlaaka emusi ya Eli: ‘Khanileveleliwaru nthowa na emusi ya Eli mwa sooveleela hoye hoye soovaha.’”

1 Samuweli 6:20

Asilopwana a oBeti-Xemexi yaakoha: “Taani anaawere opwaherera okhala vamaithoni wa Yave, Muluku ootteela ola? Nnimurumihele taani Arka* ala weera ekhale ottaiwahu?”