Yoxuwa 23:15 - Emakhuwa Bible

¹⁵ Wa soothesene, mooteene yoowo khula yoororomelihiwa yooreera ya Yave Mulukwaanyu ekwaniheringwaaya, hiihotho Yave anookwanihereleni yoonanara yootheene oopopihenraawe mpaka ophwateyawanyu mulaponimu mooreera oovanghaaweni.

Yoxuwa 23:15 Iomraidhean Croise

1 Mamwene 14:15

Vano Yave onimwaattaruxa aYixrayeli moota wooweera onuukhale ntoko ettheere yookuxiwa ni maahi. Owo onoowaakha aYixrayeli mweelaponi yooreera ela aavanghaawe makholowaaya, aamwaraxelaka okhopela mooloko Efratesi niwoko yaatannyera isara sa Yave epakaka nyiri soothipeleliwa Axera.

1 Mamwene 8:56

“Yave atthapeliwe, mwa Yoowo ovanghe mulokwaawe aYixrayeli wiitthuuwa, ntoko aaroromelinghaawe. Ookwanihera soororomeliha sooreera sootheene aavanghaawe mwa murumeiyaawe Moisesi.

Yesaya 24:6

Tivawo nlapho ninlalihaaya elapo ya vathi, amakaaya aakhalano nthowa. Tivawo amaki a elapo ya vathi anlalihiwaaya ni yaale anghala ari vakhaani.

Yeremiya 32:24

Ikaaro sookurumulela exiri sintekiwa ni amwiittana weera ekuxe esidade. Eyo enimwinnyereriwa mmatatani mwa aBabiloniya angwanano niwoko na ekhotto, etala ni nihooxo. Yookwanihereya yeele mwaahimmaanyu, ntoko munoonaanyu vano.

Yeremiya 32:42

Yave oneera ha: Mooteene yoowo kiruuhenlaaka irisa sitokotoko sootheene muloko ola, kinimwaavahatho yawayeene kaaroromelinghaaka.

Yeremiya 35:17

Vanonto Yave a ikuru sootheene, Muluku a oYixrayeli oneera ha: ‘Mwiiwe, kinooruuhela oYuda ni amaki ootheene a oYerusaleemu erisa yootheene mwa yeeyo kaawoopererenlaaka; niwoko kaahaaleela, mene khayaakiiwale, kaawiitthana, mene khayaakaakhunle.’ ”

Levitiku 26:3

Nyuwosa mwatthara ikanosaka ni mwiiwelela malamulowaaka,

1 aTesalonika 2:16

yeereraka weera enooceelihe wuuluma ni amalapo ni awo ehivuluxiwe. Moota ola animwaandyeerera sootthekasaya asineenaaya, ni isara sa Muluku sohaarweela yaawo.

Ahooleli 13:1

Emaara ekinatho aYixrayeli yaapaka soonanara vamaithoni wa Yave. Tivawo Yave aawinnyerenraawe mmatatani mwa aFilisti wookwana iyaakha miloko mixexe.

Ahooleli 3:12

Emaara ekinatho aYixrayeli yaapaka soonanara vamaithoni wa Yave. Tivawo Yave aamvanghaawe Egeloni, mwene a oMowabe, waalamula aYixrayeli.

Ahooleli 3:8

Isara sa Yave saahaapattela aYixrayeli moota wooweera Owo aawinnyerera mmatatani mwa Kuxani-Rixatayimi, mwene a wArami-Naharayimi, ni yaamurumeela wa iyaakha ithannatthaaru.

Ahooleli 6:1

Emaara ekinatho aYixrayeli yaapaka soonanara vamaithoni wa Yave ni wookwana iyaakha ithannapiili Owo aawinnyerera mmatatani mwa aMidiyani.