Yoxuwa 22:5 - Emakhuwa Bible

⁵ Wa soothesene, mwiipasoope weera mwiiwelele nnenesene Nlamulo ni ikano Moisesi, murumeiyi a Yave, oovanghaaweni: Munsivele Yave Mulukwaanyu, mweette mphironimwawe, mwiiwelele malamulowaawe ootheene, mumvarexexe Yoowo ni munrumeeleke ni murimaanyu ni okumaahu wootheene.”

Yoxuwa 22:5 Iomraidhean Croise

Icipo 106:3

Ooreelihiwa ti yaale anthokorora murima woororomeleya ni ampaka mahuku ootheene yeeyo eri ya ekhaikhai.

Icipo 78:7

Vano awosa eniyeereke omuroromela Muluku ehittiwalaka mitekosawe, mene yiiwelelaka malamulowaawe.

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Okhuma 20:6

Vaheera kinaakosoopa ni onnene wa mahuku ootheene yaawo ankisivela ni aneettela malamulowaaka.

Okhuma 23:13

Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.

Okhuma 23:25

Munlape Yave Mulukwaanyu ni onimooreelihasani oovahakani yooca ni maahi. Kinoovenxa iretta variyariwanyusa.

Masu a Miruku 4:23

Yoontthuneyaxa ti othokorora murimaawo, niwoko owo onlamulela ephiro ya okumaawo.

Yesaya 55:2

Munnanarihela heeni musurukhu ni etthu ehinciwa ni mwiikhulumulakano muteko woohiphureleya etthu? Mwiiwe, mukiiwe ni muce yeeyo eri yooreera ni okumaanyu onoohakalalela sooca sooreerelaxa.

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Matheyo 22:37

Yeesu aamwaakhula: “‘Mwaasivele Apwiya Mulukwaanyu ni murimaanyu wootheene, ni okumaanyu wootheene, ni wuupuwelawanyu wootheene.’

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Luuka 1:74

Aanivuluxa mmatatani a amwiittanaahu weera hiyo naarumeele Apwiya nihoovaka,

Yohaane 12:26

Yoowo onkirumeela, ontthuneya okitthara, ni kiraakawo, murumeiyaaka anaakhalewotho. Atithaka eniimuttittimihe yoowo onkirumeela.

Yohaane 14:15

Nyuwo mwakisivela Miyo, mmwiiwelele malamulowaaka.

Miteko 11:23

Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 27:23

Ohiyu wa osilo, aakirweela ndyelo mmoha a Muluku mwa Yoowo miyo kiraaka awawe ni mwa Yoowo kinimulapaka, ni ndyelo owo aakeerela:

aRooma 1:9

Muluku, mwa Yoowo kinimurumeelaaka ni murima wootheene kilaleiyaka masu ooreeraxa a Mwanawe, ti namoonaaka moota miyo kingwuupuwelelaakani mahuku ootheene

aRooma 12:9

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

aRooma 8:28

Noosuwela weera Muluku onneettiha soothesene wa mpuha wa yaale animusivela, yaale yiitthaniwe niwoko na yeeyo Owo aatthunaawe weera yaareye.

Deuteronomiyo 10:20

Mmoove Yave Mulukwaanyu ni munrumeeleke. Mumvarexexe Yoowo mulipelaka Nsinanaweru.

Deuteronomiyo 11:1

Munsivele Yave Mulukwaanyu mwiiwelelaka soorumasawe, ikanosawe, malamulowaawe ni sootthunasawe mahuku ootheene.

Deuteronomiyo 11:13

Tivawo mwiiwelela oororomeleyeene malamulo kinoovahaakani olelo, munsivelaka Yave Mulukwaanyu, munrumeelaka ni murimaanyu ni okumaanyu wootheene,

Deuteronomiyo 11:22

Mwiiwelela moota woororomeleya malamulo kinoovahaakani olelo munsivelaka Yave Mulukwaanyu, mweettaka mphironimwawe moothemwene mumvarexexaka Yoowo,

Deuteronomiyo 13:4

Muntthare ni munttittimihe Yave Mulukwaanyu paahi. Mweettele malamulowaawe mmwiiwelelaka. Munrumeele ni mumvarexexe Yoowo.

Deuteronomiyo 4:29

Wa soothesene, nyuwosa mwamwaasawo Yave Mulukwaanyu, munoomphwanya nyuwosa mwamwaasaasa ni murimaanyu ni okumaanyu wootheene.

Deuteronomiyo 4:4

Vaheera ootheene nyuwo mpwaherenre munroromelaka Yave Mulukwaanyu olelo muri ni okumi.

Deuteronomiyo 4:6

Mwiiwelele nnenesene niwoko eyo enimoonihera miloko sikina mirukusanyu ni osuwelawanyu. Iyo siiwaru ikano sootheene iyo, nseere: “Vekhaikhai muloko ola mutokotoko ti musuweli ni wa miruku.”

Deuteronomiyo 4:9

Mwiipasoope nnenesene weera muhittiwale itthu maithwaanyu yoonnaaya. Muupuwelele seiye mahuku ootheene a okumaanyu. Mwaathaliherase anamwaniinyu ni anamwanaaya.

Deuteronomiyo 5:10

Vaheera kinaakosoopa ni onnene yaawo ankisivela ni aneettela malamulowaaka – mpaka ikhapirasaya macira muloko.

Deuteronomiyo 6:17

Mwiiwelele nnenesene malamulo a Yave Mulukwaanyu ni ikano ni sooruma Owo oolamulenlaaweni.

aHeberi 12:15

Mwiipasoope weera ahikhale mukina, anaasuse wa mahala a Muluku ni weera naari mukwankhwaari mmoha woowaawa ohiphuwe, oruuhaka sookacamiha waananarihaka ancipale.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Yakobe 2:5

Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

Yoxuwa 23:8

Ohiyanawaya, mumvarexexe paahi Yave Mulukwaanyu, ntoko mpankaanyu mpaka olelo.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.

1 Samuweli 12:20

Samuweli aahaakhula: “Muhoove. Moopaka itthu soonanara sootheene iye. Hata hiiho, muhihiye omutthara Yave, mene munrumeele ni murimaanyu wootheene.

1 Samuweli 12:24

Mmoove paahi Yave, munrumeeleke oororomeleyeene ni murima wootheene ni muupuwelele itthu sootikhiniheya Owo oopakenlaaweni.

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”